एनएसजी कमांडो देखील तैनात केले जातील
विशेष प्रतिनिधी
नवी दिल्ली : air marshal मुंबई गेल्या काही दिवसांपासून विमाने उडवून देण्याच्या धमक्या येण्याचे प्रकार सुरूच आहेत. गेल्या 24 तासांत नऊ विमानांना बॉम्बची धमकी देण्यात आली होती. त्यामुळे काही विमानांना उशीर झाला, काही वळवण्यात आले तर काहींना अर्ध्या प्रवासातूनच परतावे लागले.air marshal
या धमक्यांनंतर सरकारने देशभरातील विमानतळांवरून उडणाऱ्या विमानांमध्ये एअर मार्शलची संख्या दुप्पट करण्याचा निर्णय घेतला आहे. याशिवाय संवेदनशील राष्ट्रीय आणि आंतरराष्ट्रीय मार्गांवर राष्ट्रीय सुरक्षा रक्षक (NSG) चे ब्लॅक कॅट कमांडो विमानात तैनात केले जातील.
नागरी विमान वाहतूक मंत्री के राममोहन नायडू म्हणाले की एजन्सी सक्रियपणे सर्व प्रकरणांचा तपास करत आहेत आणि सरकार परिस्थितीवर बारकाईने लक्ष ठेवून आहे. याला जबाबदार असलेल्या सर्वांची ओळख पटवून त्यांच्यावर योग्य ती कायदेशीर कारवाई केली जाईल. गृह मंत्रालयाने नागरी उड्डाण मंत्रालयाकडून या धोक्यांचा अहवाल मागवला आहे.
दिल्ली पोलिसांनी एफआयआर नोंदवला आहे आणि देशांतर्गत आणि आंतरराष्ट्रीय विमानांना बॉम्ब ठेवण्याच्या धमक्यांसंदर्भात आठ प्रकरणांचा तपास सुरू केला आहे. दुसरीकडे, तीन विमाने उडवण्याची धमकी दिल्याप्रकरणी मुंबई पोलिसांनी एका अल्पवयीन मुलाला अटक केली आहे, अधिकाऱ्यांनी दिलेल्या माहितीनुसार, तीन दिवसांत एकूण 19 विमाने उडवण्याच्या धमक्या मिळाल्या आहेत.
As the series of threats to blow up the planes does not stop the air marshal will increase
महत्वाच्या बातम्या
- NCP SP : पवारांच्या राष्ट्रवादीत आलेत नेते 10, 7 वाटेवर; पण “चाणक्य खेळी”च्या बातम्या शेकड्यांवर!!
- CJI Chandrachud : संविधान बदलाच्या नॅरेटिव्हला सरन्यायाधीशांची थप्पड; ब्रिटिशकालीन न्याय देवतेचे भारतीयीकरण!!
- Supreme Court : फ्रीबीजवरून सुप्रीम कोर्टाची केंद्रासह निवडणूक आयोगाला नोटीस; याचिकाकर्त्यांची बंदीची मागणी
- Justin Trudeau : कॅनडाचा नवा आरोप- भारत लॉरेन्स गँगकडून टार्गेट किलिंग करतोयर, खलिस्तानी निशाण्यावर; भारताचेही प्रत्युत्तर