जाणून घ्या, पक्ष सोडताना काय म्हणाल्या आहेत?
विशेष प्रतिनिधी
नवी दिल्ली: लोकसभा निवडणुकीच्या तोंडावर काँग्रेसला आणखी एक धक्का बसला आहे. काँग्रेसच्या राष्ट्रीय माध्यम समन्वयक आणि छत्तीसगड काँग्रेसच्या नेत्या राधिका खेरा यांनी पक्षाचा राजीनामा दिला आहे. त्या म्हणाल्या की, आज मी मोठ्या दु:खाने पक्षाचे प्राथमिक सदस्यत्व सोडत आहे आणि माझ्या पदाचा राजीनामा देत आहे, होय, मी एक मुलगी आहे आणि लढू शकते आणि मी आताही तेच करत असल्याचे त्यांनी सांगितले.
राधिका म्हणाल्या की, मी माझ्या आणि माझ्या देशवासियांना न्याय मिळवून देण्यासाठी लढत राहीन. छत्तीसगडच्या काँग्रेस नेत्या राधिका खेडा यांनी पक्षाचे राष्ट्रीय अध्यक्ष मल्लिकार्जुन खर्गे यांना पत्र लिहून राजीनामा दिला आहे. राधिका यांनी मल्लिकार्जुन खर्गे यांना लिहिलेल्या पत्रात म्हटले आहे की, धर्माचे समर्थन करणाऱ्यांना विरोध होत असल्याचे प्राचीन काळापासून स्थापित सत्य आहे. हिरण्यकशिपूपासून रावण आणि कंसापर्यंत याची उदाहरणे आहेत. सध्या अशाच पद्धतीने प्रभू श्री रामाचे नाव घेणाऱ्यांना काही लोक विरोध करत आहेत.
राधिका खेडा यांनी आपल्या पत्रात पुढे लिहिले की, माझ्या उदात्त हेतूला होणारा विरोध एवढ्या पातळीवर पोहोचला आहे की छत्तीसगड प्रदेश काँग्रेस कार्यालयात माझ्यासोबत घडलेल्या घटनेत मला न्याय नाकारण्यात आला. इतरांच्या न्यायासाठी मी नेहमीच प्रत्येक व्यासपीठावरून लढले, पण जेव्हा स्वतःच्या न्यायाचा प्रश्न आला तेव्हा मला पक्षात पराभवाचा धक्का बसला. तरीही जनतेच्या न्यायासाठी मी लढत राहीन.
Another blow to the Congress during the Lok Sabha elections another leader left the party
महत्वाच्या बातम्या
- काँग्रेसचे नेते पाहताहेत 2004 चे स्वप्न, पण त्यांना 1969 पाहायला नाही लागले म्हणजे मिळवलीन!!
- 4 जून नंतर काँग्रेसमध्ये पुन्हा पडणार फूट! प्रमोद कृष्णम यांचा मोठा दावा
- प्रज्वल रेवण्णा सेक्स स्कॅण्डल : देवेगौडा पुत्र आणि प्रज्ज्वल पिता एचडी रेवण्णा पोलिसांच्या ताब्यात!!
- कांद्यावरची निर्यात बंदी उठवली तरी विरोधकांना पोटदुखीच; फडणवीसांचा निशाणा!!