winter session of Parliament : संसदेच्या हिवाळी अधिवेशनापूर्वी २८ नोव्हेंबरला सर्वपक्षीय बैठक होण्याची शक्यता आहे. या बैठकीत पंतप्रधान नरेंद्र मोदीही सहभागी होऊ शकतात. संसदेचे हिवाळी अधिवेशन येत्या सोमवारपासून म्हणजेच २९ नोव्हेंबरपासून सुरू होत आहे. गेल्या दीड वर्षात झालेल्या संसदेच्या अधिवेशनाप्रमाणे हिवाळी अधिवेशनही कोविड-19 प्रोटोकॉलचे पालन केले जाईल. संपूर्ण अधिवेशनात सुमारे 20 बैठका होणार आहेत. An all-party meeting will be held on November 28 before the winter session of Parliament
वृत्तसंस्था
नवी दिल्ली : संसदेच्या हिवाळी अधिवेशनापूर्वी २८ नोव्हेंबरला सर्वपक्षीय बैठक होण्याची शक्यता आहे. या बैठकीत पंतप्रधान नरेंद्र मोदीही सहभागी होऊ शकतात. संसदेचे हिवाळी अधिवेशन येत्या सोमवारपासून म्हणजेच २९ नोव्हेंबरपासून सुरू होत आहे. गेल्या दीड वर्षात झालेल्या संसदेच्या अधिवेशनाप्रमाणे हिवाळी अधिवेशनही कोविड-19 प्रोटोकॉलचे पालन केले जाईल. संपूर्ण अधिवेशनात सुमारे 20 बैठका होणार आहेत.
29 नोव्हेंबर ते 23 डिसेंबरपर्यंत हिवाळी अधिवेशन
संसदीय कामकाजावरील कॅबिनेट समितीने (CCPA) संसदेचे हिवाळी अधिवेशन २९ नोव्हेंबर ते २३ डिसेंबर या कालावधीत घेण्याची शिफारस केली होती. कोविड-19 महामारीमुळे गेल्या वर्षी संसदेचे हिवाळी अधिवेशन झाले नव्हते आणि अर्थसंकल्पीय अधिवेशन आणि पावसाळी अधिवेशनही कमी करण्यात आले होते. लोकसभा सचिवालयाने अलीकडेच एका निवेदनात म्हटले आहे की, “17व्या लोकसभेचे सातवे अधिवेशन 29 नोव्हेंबर 2021 रोजी सुरू होणार आहे. अधिकृत कामकाजाच्या अत्यावश्यकतेच्या अधीन राहून अधिवेशन 23 डिसेंबर 2021 रोजी संपण्याची शक्यता आहे. त्याचवेळी राज्यसभेनेही तसा आदेश जारी केला होता.
हिवाळी अधिवेशनातही गदारोळाची शक्यता
महागाई, पेट्रोल-डिझेलच्या दरात झालेली वाढ, खाद्यतेलाच्या किमतीत झालेली वाढ, काश्मीरमधील सर्वसामान्यांवर झालेले दहशतवादी हल्ले, शेतकऱ्यांचा बळी घेणारा लखीमपूर खेरी हिंसाचार या मुद्द्यांवरून विरोधक हिवाळी अधिवेशनात सरकारला घेरण्याची शक्यता आहे. संसदेच्या पावसाळी अधिवेशनाला विरोधकांनी प्रचंड गदारोळ केला होता. तेव्हा पेगासस हेरगिरीच्या मुद्द्यावरून सरकारला घेरण्यात आले होते, शिवाय तीन कृषी कायद्यांचा मुद्दाही समोर आला होता.
An all-party meeting will be held on November 28 before the winter session of Parliament
महत्त्वाच्या बातम्या
- तालिबानचे महिलांवरील निर्बंध आणखी कडक, टीव्ही चॅनल्सना महिला कलाकारांच्या कार्यक्रमांना बंदी, महिला अँकर्सना हिजाब सक्तीचा
- अनिल परब यांनी घेतली शरद पवारांची भेट ; ‘ या ‘ मुद्द्यांवर झाली चर्चा
- Param Bir Singh : परमबीर सिंह यांच्या अटकेस स्थगिती ; ते भारतातच; त्यांच्या जीवाला मुंबईत धोका म्हणून महाराष्ट्राबाहेर
- मोठी बातमी : लस घेणाऱ्यांना मिळणार बक्षीस, कोरोना लसीकरणाला चालना देण्यासाठी सरकारचा ‘लकी ड्रॉ’ धोरणावर विचार सुरू
- संजय राऊत यांचा भाजपला सवाल : अमरावती, नांदेड, मालेगाव हिंसाचारावर भाजपने आक्रमक होण्याचा अर्थ काय? तुम्हाला पुन्हा दंगल भडकवायची आहे का?