वृत्तसंस्था
इंफाळ : मणिपूरच्या कांगपोकपी जिल्ह्यात हल्ला करण्यात आला आहे. यामध्ये भारतीय राखीव बटालियनचा (IRB) एक जवान आणि एका नागरिकाचा मृत्यू झाला. लिमाखॉंग मिशन वेंग गावातील हेनमिनलेन वाफेई (IRB) आणि इंफाळ पश्चिम जिल्ह्यातील हुंखो कुकी गावातील थांगमिनलून हँगिंग अशी मृतांची नावे आहेत.Ambush in Manipur, Special Force jawan two killed, ‘Bandh’ called in Kangpokpi district
हरोथेल आणि कोबशा गावांदरम्यान हा हल्ला झाला. आयआरबीचे जवान आणि चालक मारुती जिप्सीमधून प्रवास करत होते, त्याचवेळी गोळीबार सुरू झाला. या हल्ल्यात हेनमिनलेन वायफेई आणि थांगमिनलून हँगसिंग गंभीर जखमी झाले. पुढे दोघांचाही मृत्यू झाला.
एका पोलीस अधिकाऱ्याने सांगितले की, हल्ल्यानंतर परिसरात अतिरिक्त फौजफाटा तैनात करण्यात आला आहे. या घटनेत सहभागी असलेल्या आरोपींच्या अटकेसाठी शोध सुरू आहे.
दरम्यान, कुकी-जो समुदायाच्या लोकांना लक्ष्य करण्यात आल्याचा दावा एका आदिवासी संघटनेने केला आहे. कांगपोकपी जिल्ह्यात ‘बंद’ घोषित करण्यात आला आहे. कांगपोकपी येथील कमिटी ऑफ ट्रायबल युनिटी (COTU) ने स्थानिक लोकांना ‘बंद’मध्ये मदत करण्याचे आवाहन केले आहे. मुख्यमंत्री बिरेन सिंग यांच्या नेतृत्वाखालील सरकारने राज्यातील आदिवासींसाठी स्वतंत्र प्रशासनाची व्यवस्था करावी, अशी मागणी कोटूने बैठकीत केली.
6 महिन्यांपासून जळत आहे मणिपूर
3 मे रोजी ऑल ट्रायबल स्टुडंट युनियन मणिपूर (ATSUM) ने ‘आदिवासी एकता मार्च’ काढला. चुराचंदपूरच्या तोरबांग भागात ही रॅली काढण्यात आली. मैतेई समाजाला अनुसूचित जमातीचा दर्जा मिळावा या मागणीसाठी ही रॅली काढण्यात आली. मैतेई समाजाला अनुसूचित जमातीचा (एसटी) दर्जा देण्याची मागणी अनेक दिवसांपासून होत आहे. या रॅलीदरम्यान आदिवासी आणि बिगर आदिवासींमध्ये हिंसक हाणामारी झाली. जमावाला पांगवण्यासाठी पोलिसांनी अश्रुधुराच्या नळकांड्या फोडल्या. संध्याकाळपर्यंत परिस्थिती इतकी बिघडली की, तेथे लष्कर आणि निमलष्करी दलाच्या कंपन्या तैनात करण्यात आल्या.
Ambush in Manipur, Special Force jawan two killed, ‘Bandh’ called in Kangpokpi district
महत्वाच्या बातम्या
- सरकार बनताच 4 टक्के मुस्लीम आरक्षण हटवले जाईल’, तेलंगणात गृहमंत्री अमित शाह यांची घोषणा
- अभिनेता अभिनय बेर्डे आणि अभिनेत्री अन्विता फलटणकर यांची विश्वचषकाबाबत पोस्ट व्हायरल!
- ‘हिंदू राष्ट्रा’साठी संविधानात दुरुस्ती करा, धीरेंद्र शास्त्री उर्फ बागेश्वर धाम यांची मागणी!
- महाराष्ट्रात मनोज जरांगेंच्या रूपात अण्णा हजारे नव्हे, तर पवारांसाठी शरद जोशी + दत्ता सामंत यांच्या बफर नेतृत्वासारखा प्रयोग!!