संरक्षण मंत्री राजनाथ सिंह अध्यक्षस्थानी
विशेष प्रतिनिधी
नवी दिल्ली : Pahalgam terror attack पहलगाममधील दहशतवादी हल्ल्याबाबत केंद्राने आज सर्वपक्षीय बैठक बोलावली आहे. सूत्रांनी दिलेल्या माहितीनुसार, सर्वपक्षीय बैठक गुरुवारी (२४ एप्रिल) सायंकाळी ६ वाजता होणार आहे. ज्याचे अध्यक्षस्थान संरक्षण मंत्री राजनाथ सिंह करतील. या बैठकीत, सरकार पहलगाम दहशतवादी हल्ल्याच्या चौकशीची आणि सरकारने उचललेल्या पावलांची माहिती सर्व पक्षांना देईल.Pahalgam terror attack
काँग्रेससह विविध विरोधी पक्षांनी या मुद्द्यावर सरकारकडे सर्वपक्षीय बैठक बोलावण्याची मागणी केली होती. तत्पूर्वी, बुधवारी संध्याकाळी सुरक्षाविषयक बाबींवरील मंत्रिमंडळाची बैठक झाली. ज्यामध्ये अनेक महत्त्वाचे आणि मोठे निर्णय घेण्यात आले. दुसरीकडे, जम्मू-काश्मीरचे मुख्यमंत्री ओमर अब्दुल्ला यांनीही गुरुवारी श्रीनगरमध्ये सर्वपक्षीय बैठक बोलावली आहे.
मिळालेल्या माहितीनुसार, पहलगाम हल्ल्याबाबत केंद्रीय गृहमंत्री अमित शहा आणि संरक्षण मंत्री राजनाथ सिंह विविध राजकीय पक्षांच्या नेत्यांशी चर्चा करत आहेत. गुरुवारी होणाऱ्या सर्वपक्षीय बैठकीत संरक्षण मंत्री राजनाथ सिंह पहलगाम दहशतवादी हल्ल्याबाबत विविध पक्षांच्या नेत्यांना संपूर्ण माहिती देतील असे मानले जात आहे.
मंगळवारी पहलगाममध्ये दहशतवाद्यांनी पर्यटकांवर हल्ला केला होता. ज्यामध्ये २६ जणांना आपला जीव गमवावा लागला. तर १७ जण जखमी झाले. बुधवारी संध्याकाळी पंतप्रधान नरेंद्र मोदी यांच्या अध्यक्षतेखाली सुरक्षा मंत्रिमंडळ समितीची (सीसीएस) बैठक झाली. या बैठकीत भारताने १९६० मध्ये पाकिस्तानसोबत झालेला सिंधू पाणी करार थांबवण्याचा निर्णय घेतला.
All party meeting regarding Pahalgam terror attack today
महत्वाच्या बातम्या
- IndiGo : इंडिगोने श्रीनगरला जाणाऱ्या विमानांचे कॅन्सलेशन अन् रिशेड्यूलिंगचे शुल्क माफ केले
- Bansuri Swaraj : प्रियांकांच्या बॅग पॉलिटिक्सला बांसुरी स्वराज यांचे उत्तर, जेपीसी बैठकीला ‘नॅशनल हेराल्ड की लूट’वाली बॅग घेऊन पोहोचल्या
- Saifullah Khalid alias Kasuri : पहलगाम हल्ल्याचा सूत्रधार सैफुल्ला खालिद उर्फ कसुरी कोण आहे?
- Air India : अमेरिका-चीन टॅरिफ वॉरचा एअर इंडियाला फायदा; कंपनी बोइंगची चिनी शिपमेंट खरेदी करणार