वृत्तसंस्था
प्रयागराज : पोलिसांनी रविवारी प्रयागराज येथील अलाहाबाद विद्यापीठाच्या मुस्लिम वसतिगृहावर छापा टाकला. यावेळी 30 सुतळी बॉम्ब, दोन काडतुसे आणि दोन शस्त्रे सापडली. उमेश पाल खून प्रकरणाचा सूत्रधार सदाकत खान याला याच वसतिगृहातून अटक करण्यात आली. वसतिगृहात स्फोटक साहित्य सापडल्याने खळबळ उडाली आहे.Again excitement in Prayagraj, 30 bombs seized in police raid on Muslim hostel
या छाप्याबाबत एसीपी सांगतात की, भांडणाच्या माहितीवरून पोलिसांनी वसतिगृहावर छापा टाकला. यावेळी 30 सुतळी बॉम्ब, दोन शस्त्रे आणि दोन काडतुसे जप्त करण्यात आली आहेत. पोलिसांनी एका आरोपीला ताब्यात घेतले आहे. उमेश पाल हत्याकांडातील एक आरोपी सदाकत खान याच वसतिगृहात राहत होता.
वसतिगृहातील खोली क्रमांक-36 मध्ये झाली होती मीटिंग
या हत्याकांडानंतर पोलिसांनी सांगितले होते की, उमेश पाल यांना मारण्यासाठी वसतिगृहातील खोली क्रमांक-36 मध्ये बैठक झाली होती. यापूर्वी प्रयागराज पोलिस आयुक्त रमित शर्मा यांनी सांगितले होते की, “मुस्लिम वसतिगृहाच्या खोलीत हत्येचा कट रचण्यात आला होता.
या घटनेचा कट रचणारा सदाकत खानचा मुलगा शमशाद खान यालाही यूपी एसटीएफने अटक केली आहे. तो गाझीपूरचा रहिवासी असून मुस्लिम वसतिगृहात राहत होता. विशेष म्हणजे 24 फेब्रुवारी रोजी उमेश पाल प्रयागराज कोर्टात साक्ष देऊन घरी परतत होता. दोन बंदूकधारी एकत्र होते. पण, उमेश पालने एक वाहन त्यांच्या मागून येत असल्याकडे दुर्लक्ष केले.
जीव वाचवण्यासाठी उमेश रस्त्यावर धावला
उमेश पालची गाडी रस्त्यावर येताच तो गाडीतून खाली उतरला. चारही बाजूंनी गोळ्यांचा वर्षाव सुरू झाला. जीव वाचवण्यासाठी उमेश रस्त्यावर धावला. हल्लेखोरांना प्रत्युत्तर देण्यासाठी त्यांने गोळीबार करण्याचा प्रयत्न केला, परंतु हे प्रत्युत्तर अपुरे ठरले.
या हत्याकांडातील मुख्य आरोपी माफिया डॉन अतिक अहमद होता. त्याचा तिसरा मुलगा असद उमेश पालवर गोळीबार करताना दिसला. सुरुवातीला पोलिस असदचे नाव घेत नव्हते, मात्र घटनेनंतर काही दिवसांनी प्रयागराज पोलिसांनी ही घटना असदनेच घडवून आणल्याचे उघडपणे सांगितले.
Again excitement in Prayagraj, 30 bombs seized in police raid on Muslim hostel
महत्वाच्या बातम्या
- 2022 मध्ये दक्षता आयोगाकडे भ्रष्टाचाराच्या 1.15 लाख तक्रारी; गृह मंत्रालयातील कर्मचाऱ्यांच्या 46,000 तक्रारी
- सीएम स्टॅलिन यांनी राज्यपालांना पोस्टमन म्हटले; NEET समाप्त करण्यासाठी DMKचे संपूर्ण तामिळनाडूमध्ये उपोषण
- रोमियो-ज्युलिएट कायद्यावर जनहित याचिका; किशोरवयीनांच्या संमतीने संबंधांना रेप न मानण्याची मागणी, जपानसह अनेक देशांत असा कायदा
- जम्मू-काश्मीरच्या पुलवामामध्ये सुरक्षा दल आणि दहशतवाद्यांमध्ये चकमक, दोन दहशतवादी ठार