• Download App
    जम्मू-काश्मीरनंतर गृहमंत्री अमित शाहांनी मणिपूरकडे वळवला मोर्चा! After Jammu and Kashmir, Home Minister Amit Shah called a high-level meeting on Manipur violence

    जम्मू-काश्मीरनंतर गृहमंत्री अमित शाहांनी मणिपूरकडे वळवला मोर्चा!

    बोलावली उच्चस्तरीय बैठक ; मणिपूरच्या राज्यपाल अनुसुईया उईके यांनी अमित शाह यांची भेट घेतली होती. After Jammu and Kashmir, Home Minister Amit Shah called a high-level meeting on Manipur violence

    विशेष प्रतिनिधी

    नवी दिल्ली : केंद्रीय गृहमंत्री अमित शाह यांनी सोमवारी दुपारी ४ वाजता मणिपूरमधील सुरक्षा परिस्थितीचा आढावा घेण्यासाठी उच्चस्तरीय बैठक बोलावली आहे. मणिपूरमध्ये गेल्या एक वर्षापासून जातीय हिंसाचार सुरू आहे. या बैठकीत मणिपूरचे मुख्यमंत्री एन वीरेंद्र सिंह यांच्यासह राज्याचे पोलीस आणि प्रशासन अधिकारी आणि केंद्रीय गृह मंत्रालयाचे उच्च अधिकारी उपस्थित राहणार आहेत. काल मणिपूरच्या राज्यपाल अनुसुईया उईके यांनी अमित शाह यांची भेट घेतली होती.



    यापूर्वी 10 जून रोजी राष्ट्रीय स्वयंसेवक संघाचे प्रमुख मोहन भागवत यांनी मणिपूरमधील हिंसाचाराबद्दल चिंता व्यक्त केली होती. नागपुरात संघाच्या सभेला संबोधित करताना ते म्हणाले, ‘मणिपूर गेल्या एक वर्षापासून शांततेची वाट पाहत आहे. 10 वर्षांपूर्वी मणिपूरमध्ये शांतता होती. तिथे बंदुक संस्कृती संपल्याचं दिसत होतं, पण राज्यात अचानक हिंसाचार पाहायला मिळाला. मणिपूरमधील परिस्थितीचा प्राधान्याने विचार करणे आवश्यक आहे आणि निवडणुकीतील भाषणबाजीच्या वरती उठून देशासमोरील समस्यांवर लक्ष केंद्रित करण्याची गरज आहे. अशांतता एकतर सुरू झाली किंवा भडकावली गेली, परंतु मणिपूर जळत आहे आणि लोक या हिंसाचारा सामना करत आहेत.

    गेल्या वर्षी ३ मे रोजी मणिपूरमध्ये जातीय हिंसाचार उसळला होता. बहुसंख्य मैतेई समाजाला अनुसूचित जमातीचा दर्जा देण्याच्या मागणीच्या निषेधार्थ राज्यातील डोंगराळ जिल्ह्यांमध्ये आदिवासी एकता मोर्चा काढण्यात आला. या काळात हिंसाचार झाला. या भीषण आगीत कुकी आणि मैतेई या दोन्ही समुदायातील 220 हून अधिक लोक आणि सुरक्षा कर्मचारी ठार झाले. मणिपूरमध्ये मेईतेई समुदायाची संख्या सुमारे 53 टक्के आहे. हा समाज इंफाळ खोऱ्यात राहतो, तर आदिवासी समाजात नागा आणि कुकी जातींचा समावेश होतो. त्यांची संख्या सुमारे 40 टक्के आहे. हे सर्व प्रामुख्याने डोंगराळ जिल्ह्यात राहतात.

    After Jammu and Kashmir, Home Minister Amit Shah called a high-level meeting on Manipur violence

    महत्वाच्या बातम्या

    Related posts

    Rupee : रुपया विक्रमी नीचांकी पातळीवर; अमेरिकी टॅरिफमुळे डॉलरच्या तुलनेत रुपया 64 पैशांनी घसरून 88.29 वर

    Supreme Court : सुप्रीम कोर्टाचा सरकारला प्रश्न- सीमेवर भिंत बांधायची आहे का? शेजारील देशांमध्ये आपल्यासारखेच बंगाली-पंजाबी भाषिक

    BJP Protests : राहुल गांधी-तेजस्वी यादवांच्या पुतळ्यांचे दहन; PM मोदींबद्दल वापरलेल्या अपशब्दाचा भाजपकडून निषेध