वृत्तसंस्था
मुंबई : भारतात उपस्थित असलेल्या अफगाणिस्तानच्या राजनैतिक महिला अधिकारीला मुंबई विमानतळावरून 25 किलो सोन्याची तस्करी करताना पकडण्यात आले आहे. ‘टाइम्स ऑफ इंडिया’ने आपल्या अहवालात हा खुलासा केला आहे. अहवालानुसार, अफगाणिस्तानच्या कॉन्सुल जनरल झाकिया वर्दाक दुबईतून भारतात 18.6 कोटी रुपयांचे सोने तस्करी करण्याचा विचार करत होत्या.Afghanistan diplomat arrested for smuggling gold; 25 kg gold brought from Dubai to Mumbai
त्यांनी कपड्यात सोन्याचे दागिने लपवले होते. 25 एप्रिल रोजी या मुत्सद्दीला विमानतळावर पकडण्यात आले होते. मात्र, त्याची माहिती आता समोर आली आहे. वारदक यांच्यावर गुन्हा दाखल करण्यात आला असून सोने जप्त करण्यात आले आहे.
डिप्लोमॅटिक इम्युनिटीमुळे अटक झाली नाही
अहवालानुसार, सीमा शुल्क कायदा 1962 अंतर्गत एखाद्या व्यक्तीकडून जप्त केलेल्या सोन्याची किंमत 1 कोटी रुपयांपेक्षा जास्त असल्यास, त्याला तात्काळ अटक केली जाते आणि फौजदारी गुन्हा दाखल केला जातो. मात्र, वर्दाक यांच्याकडे अफगाणिस्तानने जारी केलेला डिप्लोमॅटिक पासपोर्ट आहे. डिप्लोमॅटिक इम्युनिटीमुळे त्यांना सध्या अटक झालेली नाही.
टाइम्स ऑफ इंडियाशी बोलताना वर्दाक म्हणाल्या, “हे आरोप ऐकून मला धक्का बसला आहे. मी अफगाणिस्तानच्या वाणिज्य दूतावासात काम करते. सध्या मी वैद्यकीय गरजांमुळे मुंबईत नाही.”
अहवालानुसार, महसूल गुप्तचर संचालनालयाला (डीआरआय) त्यांच्या सूत्रांकडून या प्रकरणाची माहिती मिळाली होती. त्यांना पकडण्यासाठी डझनभर पोलीस तैनात करण्यात आले होते.
58 वर्षीय झाकिया 25 एप्रिल रोजी संध्याकाळच्या फ्लाइटने आपल्या मुलासह मुंबईला परतली. या दोघांनी विमानतळाबाहेर पडण्यासाठी ग्रीन चॅनलचा वापर केला. याचा अर्थ असा की त्यांच्याकडे असा कोणताही माल नाही ज्याची सीमाशुल्क विभागाने तपासणी करणे आवश्यक आहे. डीआरआयच्या अधिकाऱ्यांनी त्यांना एक्झिट गेटवर थांबवले.
झाकिया आणि मुलाकडे 5 ट्रॉली बॅग, एक हॅन्ड बॅग, स्लिंग बॅग आणि गळ्यातील उशी होती. मुत्सद्दी असल्याने त्यांच्या सामानावर कोणताही टॅग किंवा चिन्ह नव्हते. डीआरआयच्या अधिकाऱ्यांनी त्यांना बॅगेत सोने असण्याबाबत प्रश्न विचारला होता, मात्र दोघांनीही हे दावे फेटाळून लावले. त्यानंतर त्यांची बॅग तपासली असता त्यात सोने आढळून आले नाही.
महिला डीआरआय अधिकाऱ्याने वर्दाकला चौकशी आणि झडतीसाठी दुसऱ्या खोलीत नेले. येथे राजनयिकाचे जाकीट, लेगिंग्ज, नी कॅप आणि बेल्टमध्ये सोने सापडले. त्यात प्रत्येकी 1 किलो वजनाच्या 24 कॅरेट सोन्याच्या 25 बारचा समावेश होता. वर्दाक यांच्याकडे सोन्याच्या वैधतेबाबत कोणतीही कागदपत्रे नव्हती.
Afghanistan diplomat arrested for smuggling gold; 25 kg gold brought from Dubai to Mumbai
महत्वाच्या बातम्या
- काँग्रेसचे नेते पाहताहेत 2004 चे स्वप्न, पण त्यांना 1969 पाहायला नाही लागले म्हणजे मिळवलीन!!
- 4 जून नंतर काँग्रेसमध्ये पुन्हा पडणार फूट! प्रमोद कृष्णम यांचा मोठा दावा
- प्रज्वल रेवण्णा सेक्स स्कॅण्डल : देवेगौडा पुत्र आणि प्रज्ज्वल पिता एचडी रेवण्णा पोलिसांच्या ताब्यात!!
- कांद्यावरची निर्यात बंदी उठवली तरी विरोधकांना पोटदुखीच; फडणवीसांचा निशाणा!!