किशोरवयीन मुलांनी तरुण मुलींचा आदर केला पाहिजे, असंही न्यायालयाने म्हटलं आहे.
विशेष प्रतिनिधी
कोलकाता : पॉक्सो कायद्यांतर्गत दाखल झालेल्या एका खटल्याची सुनावणी करताना कोलकाता उच्च न्यायालयाने महत्त्वपूर्ण टिप्पणी केली आहे. या प्रकरणातील आरोपींना दोषमुक्त करताना न्यायालयाने म्हटले की, मुलींनी क्षणिक सुखाच्या इच्छेवर नियंत्रण ठेवावे. यासोबतच उच्च न्यायालयाच्या न्यायमूर्तींनी मुलांनी मुलींचा आदर करण्याचा सल्लाही दिला. Adolescent girls should control their sexual urges Calcutta High Court
अल्पवयीन मुलगा आणि मुलगी यांच्यात संमतीने शारीरिक संबंध झाल्याच्या प्रकरणात न्यायालयाने ही टिप्पणी केली आहे. यामध्ये कनिष्ठ न्यायालयाने या तरुणाला दोषी ठरवले होते. या प्रकरणात तरुणाची उच्च न्यायालयाने निर्दोष मुक्तता केली होती. तरुणाचे त्या तरुणीसोबत पूर्वीपासून प्रेमसंबंध होते.
न्यायमूर्ती चित्तरंजन दास आणि पार्थ सारथी सेन यांच्या खंडपीठाने सांगितले की, ‘किशोरवयीन मुलींनी दोन मिनिटांचा आनंद घेण्याऐवजी त्यांच्या लैंगिक इच्छांवर नियंत्रण ठेवावे. किशोरवयीन मुलांनी मुली आणि महिला आणि त्यांच्या प्रतिष्ठेचा आदर केला पाहिजे.
‘किशोरवयीन मुलींनी त्यांच्या लैंगिक इच्छांवर नियंत्रण ठेवावे तर मुलांना मुलींचा सन्मान आणि स्वाभिमान शिकवला पाहिजे’, असे न्यायालयाने म्हटले आहे. न्यायालयाने म्हटले की, ‘तरुण मुलीच्या किंवा महिलेच्या हक्कांचा आणि इच्छेचा आदर करणे हे पुरुषांचे कर्तव्य आहे. कुटुंबांनी आपल्या मुलांना महिलांच्या स्वाभिमानाचा, तिच्या प्रतिष्ठेचा आणि गोपनीयतेचा आदर करण्यास शिकवले पाहिजे कारण मूल घरात सर्वात आधी शिकते.’
Adolescent girls should control their sexual urges Calcutta High Court
महत्वाच्या बातम्या
- झारखंडचे माजी मुख्यमंत्री रघुवर दास यांची ओडिशाच्या राज्यपाल पदावर नियुक्ती
- मोदींच्या हस्ते महाराष्ट्रातील ५११ ग्रामीण कौशल्य विकास केंद्रांचे उद्घाटन, प्रत्येक केंद्रात १०० तरुणांना मिळणार प्रशिक्षण
- पवारांचा पॅलेस्टिनींना पाठिंबा; पवार आता सुप्रियांनाच हमासच्या बाजूने लढायला पाठवतील; आसामच्या मुख्यमंत्र्यांचा टोला!!
- WATCH : कर्नाटकात काँग्रेस मंत्र्यांच्या उपस्थितीत हवेत उडवल्या नोटा; भाजपची टीका- जनतेच्या लुटलेल्या पैशांनी