विशेष प्रतिनिधी
नवी दिल्ली : पश्चिम बंगालच्या मुख्यमंत्री ममता बॅनर्जी जी-20 बैठकीदरम्यान राष्ट्रपती द्रौपदी मुर्मू यांनी आयोजित केलेल्या डिनरला उपस्थित राहिल्याने काँग्रेसने नाराजी व्यक्त केली आहे. काँग्रेसचे ज्येष्ठ नेते अधीर रंजन चौधरी यांनी ममता बॅनर्जी यांच्या दिल्लीत आयोजित केलेल्या डिनरवर प्रश्न उपस्थित केला आणि विचारले, “यामुळे त्यांची नरेंद्र मोदी सरकारविरोधातील भूमिका कमकुवत होणार नाही का?”Adhir Ranjan furious over Mamata’s participation in G-20 dinner; Said – what was the need for them to go there?
अधीर रंजन म्हणाले, मुख्यमंत्री ममता बॅनर्जी डिनरसाठी घाईघाईने दिल्लीत पोहोचल्या. त्यांनी डिनरला हजेरी लावली नसती तर काय झाले असते. आकाश कोसळले नसते. ते म्हणाले, देशातील अनेक मुख्यमंत्र्यांनी जेवणावर बहिष्कार टाकला होता.
योगी-शहा यांच्या शेजारी बसल्या होत्या ममता
चौधरी म्हणाले, “संसदेतील विरोधी पक्षनेते मल्लिकार्जुन खरगे यांना डिनरचे निमंत्रण दिलेले नाही. मग एवढं काय होतं की त्या त्वरेने दिल्लीला पोहोचल्या. जेवणाच्या टेबलावर बंगालच्या मुख्यमंत्री ममता या योगी आणि अमित शहा यांच्या शेजारी होत्या.
काँग्रेस खासदार म्हणाले, मी हे म्हणत आहे कारण एकदा मी बंगालच्या लोकांसाठी काही कारणास्तव योगी आदित्यनाथ यांना भेटलो होतो आणि त्या दिवशी मला भाजपशी जोडण्यात आले होते. आणि आज काय झालं! डिनरला उपस्थित राहून त्यांना काय संदेश द्यायचा होता? मला हा प्रश्न विचारायचा आहे.
टीएमसीने केला पलटवार
अधीर रंजन यांच्या वक्तव्यावर टीएमसीने प्रत्युत्तर दिले आहे. टीएमसीचे राज्यसभा खासदार शंतनू सेन म्हणाले की ममता बॅनर्जी इंडिया आघाडीतील पक्षांना एकत्र आणणाऱ्या नेत्यांपैकी एक आहेत हे सर्वांना माहीत आहे, त्यांच्या बांधिलकीवर कोणीही शंका घेऊ शकत नाही. ते म्हणाले, जी-20 च्या निमित्ताने राज्याचे मुख्यमंत्री डिनरला उपस्थित राहण्यासाठी प्रोटोकॉलनुसार कधी जाणार हे अधीर रंजन चौधरी ठरवू शकत नाहीत?
शनिवारी राष्ट्रपती द्रौपदी मुर्मू यांनी G-20 मध्ये परदेशी पाहुण्यांसह देशातील सर्व मुख्यमंत्री आणि केंद्रीय मंत्र्यांना डिनरचे आमंत्रण पाठवले होते. भाजपशासित मुख्यमंत्र्यांव्यतिरिक्त पश्चिम बंगालच्या मुख्यमंत्री ममता बॅनर्जी, बिहारचे मुख्यमंत्री नितीश कुमार, झारखंडचे मुख्यमंत्री हेमंत सोरेन, हिमाचल प्रदेशचे मुख्यमंत्री सुखविंदर सिंग सुखू आणि महाराष्ट्राचे मुख्यमंत्री एकनाथ शिंदे यांनीही या डिनरला हजेरी लावली.
खरगे यांना निमंत्रण मिळाले नाही
काँग्रेसचे अध्यक्ष आणि राज्यसभेतील विरोधी पक्षनेते मल्लिकार्जुन खरगे यांना या भोजन कार्यक्रमाचे निमंत्रण मिळाले नव्हते, त्यामुळे काँग्रेसने निषेध केला होता आणि हे पाहता छत्तीसगडचे मुख्यमंत्री भूपेश बघेल आणि राजस्थानचे मुख्यमंत्री अशोक गेहलोत या डिनरला उपस्थित राहिले नाही. दिल्लीत नो फ्लाईंग झोन आहे, त्यामुळे तिथे जाणे शक्य नाही, असे या दोन नेत्यांकडून सांगण्यात आले.
Adhir Ranjan furious over Mamata’s participation in G-20 dinner; Said – what was the need for them to go there?
महत्वाच्या बातम्या
- नोव्हाक जोकोविच यूएस ओपन 2023 चा विजेता; मेदवेदेवचा पराभव करत कारकिर्दीतील 24 वे ग्रँडस्लॅम नावावर
- बाई पण भारी देवा! नंतर वंदना गुप्ते यांचा नवीन सिनेमा! अमित ठाकरे यांच्या हस्ते झाला मुहूर्त
- ‘सबका साथ-सबका विकास’ या भारताच्या तत्त्वज्ञानामुळे इकॉनॉमिक कॉरिडॉर सर्वांना मान्य : अश्विनी वैष्णव
- राहुल – उदयनिधीच्या बोलण्यात विसंगती; “इंडिया” आघाडीत “हिंदू” मुद्द्यावर फाटाफूटी!!