इन्स्टा स्टार प्रिया सिंहवर कार घालणारा आरोपी अश्वजीत गायकवाडला अटक; लँड रोव्हरही जप्त

वृत्तसंस्था

मुंबई : बहुचर्चित प्रिया सिंह अपघात प्रकरणातील तिन्ही आरोपींना अटक करण्यात आली आहे. मिळालेल्या माहितीनुसार, डीसीपीच्या नेतृत्वाखालील एसआयटी टीमने तिघांनाही अटक केली आहे. अटक करण्यात आलेल्या आरोपींमध्ये अश्वजित गायकवाड, रोमिल आणि त्याच्या एका साथीदाराचाही समावेश आहे. Accused Ashwajit Gaikwad Arrested For Car Driving On Insta Star Priya Singh; The Land Rover was also seized

महाराष्ट्र राज्य रस्ते विकास महामंडळाच्या (MSRDC) एमडींचा मुलगा अश्वजित गायकवाड याच्यावर इंस्टा स्टार गर्लफ्रेंड प्रिया सिंह हिने कारने चिरडून मारण्याचा प्रयत्न केल्याचा आरोप केला होता. अश्वजीत हे भाजप युवा मोर्चाचे अध्यक्षही आहेत. याप्रकरणी पीडितेने पोलिसांच्या कार्यशैलीवर गंभीर प्रश्न उपस्थित केले आहेत.

गुन्ह्यात सहभागी असलेली कारही जप्त

ज्या कारमध्ये ही घटना घडली ती गाडीही गायब असल्याची माहिती समोर आली आहे, मात्र पोलिसांनी रविवारी सायंकाळी उशिरा या प्रकरणातील तिन्ही आरोपींना अटक केली असून, त्यांच्याकडून या घटनेत सहभागी असलेली कारही जप्त करण्यात आली आहे.

प्रिया सिंहने पोलिसांवर केले होते आरोप

प्रिया म्हणाली, ‘काल रात्री काही पोलिस तिच्याकडे आले. तिला कागदावर सही करण्यासाठी जबरदस्ती करण्याचा प्रयत्न केला जात होता. माझ्याकडे वकील नसल्याने मी नकार दिला. तसेच माझ्या कुटुंबातील कोणीही नव्हते. ते माझ्यावर दबाव आणत होते. ते म्हणत होते की काहीही झाले तरी उद्या बघा, पण आत्ताच सही करा. मी सही केली नाही तेव्हा ते रागावले आणि निघून गेले.

माझा मुख्यमंत्री आणि पंतप्रधान मोदींवर विश्वास

प्रिया म्हणाली, माझा पंतप्रधान आणि मुख्यमंत्र्यांवर प्रचंड विश्वास आहे. मला फक्त न्याय हवा आहे. दरम्यान, जय जीत सिंग (सीपी ठाणे) यांनी सांगितले की, या प्रकरणात अश्वजीत अनिल गायकवाड आणि इतरांना आरोपी करण्यात आले आहे. तपासासाठी एसआयटी स्थापन करण्यात आली आहे. फॉरेन्सिक पुरावेही गोळा केले जात आहेत. समोर आलेल्या तथ्यांच्या आधारे आरोपींविरुद्ध इतर कलमेही जोडण्यात येणार आहेत.

प्रिया सिंहने इन्स्टाग्रामवर मांडली व्यथा

प्रिया सिंहने इंस्टाग्रामवर लिहिले की, ‘माझा उजवा पाय तुटला आहे. त्यामुळे माझी शस्त्रक्रिया झाली. पायात रॉड बसवावा लागला. संपूर्ण शरीरावर जखमेच्या खुणा आहेत. माझ्या हातावर, पाठीवर आणि पोटावर खोल जखमा आहेत. मला किमान 3-4 महिने अंथरुणावर राहावे लागेल. त्यानंतर 6 महिने चालण्यासाठी आधार घ्यावा लागेल. माझ्या कमाईवर माझे कुटुंब चालत होते. मी आता काम करू शकणार नाही.

‘मी 5 वर्षांपासून डेट करत होते’

प्रियाने लिहिले, मी त्याला (अश्वजीत) 4-5 वर्षांपासून डेट करत होते. तो मला भेटायला आला नाही. मला त्याच्यापासून धोका आहे. त्याचे काही मित्र दोन दिवसांपासून सतत रुग्णालयात येत आहेत. मी त्याच्याविरुद्ध एफआयआर दाखल केल्यामुळे ते माझ्या बहिणीला धमकावत आहेत. मला भीती वाटते. मला माझ्या कुटुंबासाठी आणि माझ्यासाठी धोका आहे असे वाटते.

ही घटना केव्हा, का आणि कशी घडली, प्रियाने इन्स्टावर सांगितले

प्रियाने लिहिले की, सोमवारी पहाटे 4 वाजता मला अश्वजित गायकवाड यांचा फोन आला, त्यानंतर मी त्यांना भेटायला गेले. तिथे गेल्यावर मी पाहिलं की अश्वजीत त्याच्या कुटुंबियांसोबत आणि आमच्या कॉमन फ्रेंड्ससोबत फंक्शनला होता. तिथे गेल्यावर काही मित्र भेटले. या वेळी माझा प्रियकर अश्वजीत विचित्र वागत असल्याचे माझ्या लक्षात आले. म्हणून मी त्याला विचारले काय झाले, सर्व काही ठीक आहे का? मी त्याला एकांतात बोलण्याची विनंती केली.

‘मला मारहाण झाली, केस ओढले’

यानंतर मी तिथून बाहेर आले आणि त्याची वाट पाहू लागले. मित्रांसह बाहेर तो आला आणि गैरवर्तन करू लागला. प्रियाने लिहिले की, यावेळी ती आपल्या मित्रांसह बाहेर आली. मी अश्वजीतशी बोलण्याचा प्रयत्न केला, पण त्याचा मित्र रोमिल पाटील याने मला थांबवले. तो माझ्याशी गैरवर्तन करू लागला. यानंतर वादाला सुरुवात झाली. माझा प्रियकर आणि त्याच्या मित्राने अपशब्द वापरले.

अश्वजीतने तिला कारने चिरडण्यास सांगितले

मी अश्वजीतला असे वागू नको असे म्हटले असता त्याने मला चापट मारून माझा गळा दाबण्याचा प्रयत्न केला. यादरम्यान मी त्याला ढकलण्याचा प्रयत्न केला असता त्याने माझा हात चावला. मला मारहाण करून माझे केस ओढले. दरम्यान त्याच्या मित्राने मला जमिनीवर ढकलले. प्रियाने आरोप केला आहे की अश्वजीतने त्याच्या ड्रायव्हरला तिला चिरडण्यास सांगितले होते. अश्वजीतच्या सांगण्यावरूनच चालकाने वेग वाढवला आणि प्रिया गाडीखाली आल्याने जखमी झाली. या प्रकरणाचा तपास सुरू आहे.

Accused Ashwajit Gaikwad Arrested For Car Driving On Insta Star Priya Singh; The Land Rover was also seized

महत्वाच्या बातम्या

• INDI आघाडीतल्या एका वृद्ध नेत्याचा पोक्त सल्ला; दुसऱ्याच्या भाषणात बेटकुळ्या!!
• इन्स्टा स्टार प्रिया सिंहवर कार घालणारा आरोपी अश्वजीत गायकवाडला अटक; लँड रोव्हरही जप्त
• भारतावर निर्बंध लादण्याची अमेरिकेतील सरकारी एजन्सीची मागणी; म्हटले- भारतात धार्मिक स्वातंत्र्य नाही
• पाक लष्करप्रमुख म्हणाले- काश्मीरबाबत भारताचा निर्णय अवैध; संयुक्त राष्ट्रप्रमुखांकडे काश्मिरींच्या इच्छेनुसार तोडगा काढण्याची मागणी
• उत्तराखंडमधील सुधारगृहात 15 वर्षांच्या मुलीवर बलात्कार; दोन महिला कर्मचारी पीडितेला बाहेर घेऊन जायच्या; गुन्हा दाखल