• Download App
    अबू आजमींचा सकाळी राज ठाकरेंवर भडीमार; संध्याकाळी अयोध्येच्या खासदारांना घेऊन गाठले उद्धव ठाकरेंचे दार!! Abu Azmi attacked Raj Thackeray in the morning

    Abu Azmi : अबू आजमींचा सकाळी राज ठाकरेंवर भडीमार; संध्याकाळी अयोध्येच्या खासदारांना घेऊन गाठले उद्धव ठाकरेंचे दार!!

    विशेष प्रतिनिधी

    मुंबई : अबू आजमींचा सकाळी राज ठाकरेंवर भडीमार; संध्याकाळी अयोध्येच्या खासदारांना घेऊन उद्धव ठाकरेंचे गाठले दार!!, समाजवादी पक्षाचे “असे” राजकारण आज मुंबईत रंगले. Abu Azmi attacked Raj Thackeray in the morning

    समाजवादी पक्षाच्या 25 खासदारांचा सत्कार सोहळा अबू आजमींनी मुंबईत घेतला. त्याला समाजवादी पार्टीचे प्रमुख अखिलेश यादव यांच्यासह अनेक नेते उपस्थित होते. यावेळी सगळ्या खासदारांनी महाराष्ट्रात समाजवादी पक्ष रुजवण्यासाठी मदत करण्याची ग्वाही दिली. त्याच वेळी अबू आजमी हे राज ठाकरेंवर घसरले. उत्तर भारतीयांच्या नादी लागू नका. उत्तर भारतीयांच्या गाड्या कोण फोडतो हे सगळ्यांना माहिती आहे. मी गृहमंत्री होऊ द्या, मग बघतो तुमच्याकडे, अशा शब्दांमध्ये राज ठाकरे यांना सकाळी दमबाजी केली.

    समाजवादी पार्टीने महाविकास आघाडीकडे सन्मानपूर्वक विधानसभेच्या जागा मागितल्या. अखिलेश यादव यांना उत्तर प्रदेशात 37 खासदार निवडून आणल्यानंतर महाराष्ट्राची राजकीय तहान लागली आहे. महाराष्ट्रात विशिष्ट मतांची टक्केवारी समाजवादी पार्टीने कमवली की त्यांचा राष्ट्रीय पक्ष होण्याचा मार्ग मोकळा होणार आहे. कारण लोकसभेतील संख्याबळानुसार आज भाजप (240 खासदार) खालोखाल काँग्रेस (99 खासदार) आणि त्या खालोखाल समाजवादी पार्टीचा (37 खासदार) नंबर लागतो. त्यामुळे अखिलेश यादव यांनी आपला मोर्चा महाराष्ट्राकडे वळविला आहे.

    खासदारांच्या सत्कार सोहळ्यात अयोध्येचे समाजवादी पार्टीचे खासदार अवधेश प्रसाद पासी हे देखील सामील झाले होते. सकाळी राज ठाकरे यांच्यावर भडीमार करणाऱ्या अबू आजमींनी अवधेश प्रसाद पासी आणि धर्मेंद्र यादव यांना घेऊन सायंकाळी उद्धव ठाकरेंच्या मातोश्रीचे दार गाठले. अवधेश प्रसाद यांनी उद्धव ठाकरे यांच्याशी चर्चा केली. महाराष्ट्रासह देशात आरक्षणाचे राजकारण चालेल. धर्माचे राजकारण चालणार नाही, असे अवधेश प्रसाद पासी यांनी सांगितले.

    अबू आजमी उद्या विशाळगडावर

    सगळ्या समाजवादी पार्टीच्या खासदारांचा सत्कार करणारे अबू आजमी उद्या विशाळगडला भेट देणार आहेत.

    Abu Azmi attacked Raj Thackeray in the morning

    महत्वाच्या बातम्या

    Related posts

    RSS Chief Mohan Bhagwat : सरसंघचालक म्हणाले- भाजप-RSS मध्ये कोणताही वाद नाही; आम्ही सरकारसाठी निर्णय घेत नाही, फक्त सल्ला देतो

    PM SVANidhi : PM स्वनिधी योजनेची मुदत 31 मार्च 2030 पर्यंत वाढवली; कर्जाची रक्कमही ₹15,000 पर्यंत वाढली

    Supreme Court : केंद्राने म्हटले- राज्ये सुप्रीम कोर्टात रिट याचिका दाखल करू शकत नाहीत; राष्ट्रपती-राज्यपाल यांच्या निर्णयांसाठी न्यायालये जबाबदार नाही