वृत्तसंस्था
इस्लामाबाद : शीख गुरुचरण सिंग यांची मुलगी दीना कौर हिचे 20 ऑगस्टच्या संध्याकाळी खैबर पख्तुनख्वा प्रांतातील बुनेर जिल्ह्यातून बंदुकीच्या धाकावर अपहरण करण्यात आले होते. बलात्कारानंतर तिचे बळजबरीने इस्लाम धर्म स्वीकारण्यात आले आणि नंतर अपहरणकर्त्याशी तिचा निकाह लावण्यात आला.A Sikh girl was kidnapped and forced to change her religion, married to the abductor, protests were held by the angry community
या घटनेची माहिती मिळताच शीख समाजात संतापाची लाट उसळली. शेकडो शीख बांधवांनी रास्ता रोको करून निदर्शने केली आणि न्यायाची मागणी केली. आंदोलक म्हणाले, आम्हाला पाकिस्तान आणि परदेशातील लोकांना सांगायचे आहे की, येथे आमचा छळ होत आहे. आमच्यावर हल्ले होत आहेत. मुलगी परत येईपर्यंत आंदोलन सुरूच राहणार आहे. अपहरणात बुनेर प्रशासनाचाही हात आहे.
दिवसभर आमची दिशाभूल करण्यात आली आणि मुलीवर अत्याचार करून तिला इस्लाम धर्म स्वीकारून लग्न करण्यास भाग पाडले. आमची तक्रारही पोलिस ठाण्यात नोंदवण्यात आली नाही. वरिष्ठांकडेही गेलो, पण त्यांनीही योग्य उत्तर दिले नाही. प्रशासनाच्या मदतीने काही कागदपत्रांवर मुलीच्या सह्याही घेतल्या आहेत. मी जगभरातील शीखांना आवाहन करतो की, आमच्यात सामील व्हा आणि आम्हाला अशा गुन्ह्यांपासून वाचवा.”
स्थानिकांनी साथ दिली नाही तर इथे राहणार नाही
दुसर्‍या शीख आंदोलकाने सांगितले, “आमचे आमच्या स्वतःच्या मुस्लिम शेजाऱ्यांशी चांगले संबंध आहेत, परंतु असे हल्ले, छळ आणि आमच्या मुलांचे जबरदस्तीने धर्मांतर स्वीकार्य नाही.” मी माझ्या मुस्लिम आणि पश्तून बांधवांना आवाहन करतो की, त्यांनी आमचा आवाज उठवावा आणि आम्हाला न्याय मिळवून देण्यासाठी मदत करावी. जर तुम्ही आम्हाला पाठिंबा दिला नाही तर आम्ही येथे राहणार नाही.
पाकिस्तानात अल्पसंख्याकांचा छळ
खैबर पख्तुनख्वा प्रांतात शिखांची संख्या मोठी आहे. यातील बहुतांश लोक व्यवसाय करतात. शीख तसेच अल्पसंख्याक हिंदू आणि ख्रिश्चन हे पाकिस्तानच्या सर्व भागात छळाचे बळी आहेत. त्यांच्या मुलींचे अपहरण करून त्यांच्यावर बलात्कार करून त्यांचे धर्मांतर करून बलात्कार करणाऱ्याशी निकाह लावला जातो. मुली आणि कुटुंबातील इतर सदस्यांना वाचवण्यासाठी पाकिस्तानातून अनेक कुटुंबे भारत आणि इतर देशांमध्ये स्थलांतरित झाली आहेत.
A Sikh girl was kidnapped and forced to change her religion, married to the abductor, protests were held by the angry community
महत्वाच्या बातम्या
- धक्कादायक : मांसाहार करून मंदिरात गेल्याचा सिद्धरामय्या यांच्यावर आरोप, माजी मुख्यमंत्र्यांनी केला बचाव
- नोकरीची संधी : एमपीएससीमध्ये 228 पदांवर भरती, आज अर्जाची शेवटची तारीख!!; असा करा अर्ज
- संपूर्ण जगासाठी भारताला ‘आदर्श समाज’ बनवण्यासाठी आरएसएस काम करत आहे, सरसंघचालक मोहन भागवत यांचे प्रतिपादन
- शिंदेसेना Vs उद्धव सेना खटला : राज्यातील सत्तासंघर्षावर मंगळवारी सुनावणी होण्याची शक्यता