2024च्या लोकसभा निवडणुकीसाठी आघाड्यांची विभागणी करण्यात आली आहे. 39 पक्ष भाजपच्या नेतृत्वाखालील NDA आघाडीचा भाग आहेत. त्याचबरोबर 26 पक्ष विरोधी आघाडीच्या बाजूने आहेत. अशा प्रकारे एकूण 65 पक्षांनी आपली भूमिका निश्चित केली आहे. पण सध्या असे 11 पक्ष आहेत जे कोणत्याही आघाडीचा भाग नाहीत. या पक्षांचे संसदेत तब्बल 91 खासदार आहेत. 91 MPs from 11 parties NDA and INDIA Keeping distance from both
यामध्ये 63 खासदार 3 पक्षांचे आहेत, त्यांची आंध्र प्रदेश, तेलंगणा आणि ओडिशा या तीन राज्यांमध्ये सरकारे आहेत.
बुधवारी बेंगळुरूमध्ये काँग्रेससह 25 विरोधी पक्षांची बैठक झाली. विरोधी पक्षांच्या या आघाडीचे नाव I.N.D.I.A असे ठरले. याचा अर्थ इंडियन नॅशनल डेव्हलपमेंटल इन्क्लुझिव्ह अलायन्स आहे. ही आघाडी 2024 च्या निवडणुकीत भाजपच्या नेतृत्वाखालील एनडीएला आव्हान देईल, ज्यांच्याकडे 39 पक्ष आहेत.
हे पक्ष अद्याप तटस्थ
वायएसआर काँग्रेस पार्टी (वायएसआरसीपी)
बिजू जनता दल (बीजेडी)
भारत राष्ट्र समिती (BRS)
बहुजन समाज पक्ष
ऑल इंडिया मजलिस-ए-इत्तेहादुल मुस्लिमीन (AIMIM)
तेलुगु देसम पार्टी (टीडीपी)
शिरोमणी अकाली दल (एसएडी)
ऑल इंडिया युनायटेड डेमोक्रॅटिक फ्रंट (AIUDF)
जनता दल (धर्मनिरपेक्ष)
नॅशनल डेमोक्रॅटिक पार्टी (RLP)
SAD (मान)
तीन राज्यांत तीन तटस्थ पक्षांचे सरकार
कोणत्याही आघाडीचा भाग न झालेले हे पक्ष दुर्लक्षून चालणार नाहीत. यापैकी आंध्र प्रदेशात वायएसआरसीपीचे सरकार आहे. दुसरीकडे, ओडिशामध्ये 2000 पासून बिजू जनता दलाचे (बीजेडी) सरकार आहे. हे दोन्ही पक्ष सध्या कोणत्याही युतीचा भाग नसले तरी त्यांनी अनेक मुद्द्यांवर संसदेत मोदी सरकारच्या बाजूने मतदान केले आहे.
या 11 मध्ये भारत राष्ट्रीय समिती (BRS) देखील आहे, त्यांचे तेलंगणात सरकार आहे. त्याचे प्रमुख के. चंद्रशेखर राव (केसीआर) हे यापूर्वी विरोधी ऐक्यासाठी मोहीम राबवत होते. मात्र, आता जी विरोधी आघाडी झाली आहे, त्यात ते स्वतः सहभागी नाहीत.
या तिघांशिवाय मायावतींचा बहुजन समाज पक्षही तटस्थ आहे. यूपीमध्ये बसपने चार वेळा सरकार स्थापन केले आहे. सध्या मायावतींनी 2024 ची लोकसभा निवडणूक स्वबळावर लढण्याची घोषणा केली आहे. मध्य प्रदेश, राजस्थान, छत्तीसगड आणि तेलंगणामध्येही पक्ष विधानसभा निवडणूक लढवणार आहे.
असदुद्दीन ओवैसी यांची एआयएमआयएमही सध्या तटस्थ आहे. आपल्या पक्षाला राजकारणात अस्पृश्यांसारखे वागवले जाते, असा आरोप ओवेसी यांनी केला. तेलंगणातील हैदराबाद आणि आसपासच्या भागात एआयएमआयएमची चांगली पकड आहे. यासोबतच महाराष्ट्र, उत्तर प्रदेश, बिहार आणि कर्नाटकातही आपली पाळेमुळे रोवण्याचा पक्षाचा प्रयत्न आहे.
एआयएमआयएमचे प्रवक्ते वारिस पठाण यांनीही नितीश कुमार, उद्धव ठाकरे आणि मेहबूबा मुफ्ती यांच्यावर निशाणा साधला. ते म्हणाले की हे तिघेही आधी भाजपसोबत सरकारमध्ये होते आणि आता विरोधी ऐक्याचे महत्त्व सांगत आहेत.
91 MPs from 11 parties NDA and INDIA Keeping distance from both
महत्वाच्या बातम्या