landslide in Himachal : भूस्खलनामुळे हिमाचल प्रदेशच्या किन्नौरमध्ये एक मोठी दुर्घटना झाली आहे. डोंगरावरून दरड कोसळल्यामुळे दरीवरचा पूल तुटला आहे. या दुर्घटनेत 9 पर्यटकांचा मृत्यू झाल्याची माहिती समोर आली आहे. यात स्थानिक नागरिकासह तीन जण जखमी झाले आहेत. हे सर्व 9 पर्यटक दिल्ली-एनसीआरमधील होते आणि किन्नौरला पर्यटनासाठी आले होते. मृतांमध्ये 4 महिलांचा समावेश आहे. मिळालेल्या माहितीनुसार, किन्नौरच्या संगल खोऱ्यात बटसेरीच्या गुंसाजवळ हा अपघात झाला. 9 killed as bridge collapsed due to landslide in Himachal Kinnaur
वृत्तसंस्था
किन्नौर : भूस्खलनामुळे हिमाचल प्रदेशच्या किन्नौरमध्ये एक मोठी दुर्घटना झाली आहे. डोंगरावरून दरड कोसळल्यामुळे दरीवरचा पूल तुटला आहे. या दुर्घटनेत 9 पर्यटकांचा मृत्यू झाल्याची माहिती समोर आली आहे. यात स्थानिक नागरिकासह तीन जण जखमी झाले आहेत. हे सर्व 9 पर्यटक दिल्ली-एनसीआरमधील होते आणि किन्नौरला पर्यटनासाठी आले होते. मृतांमध्ये 4 महिलांचा समावेश आहे. मिळालेल्या माहितीनुसार, किन्नौरच्या संगल खोऱ्यात बटसेरीच्या गुंसाजवळ हा अपघात झाला.
डोंगरातून दरड कोसळत असताना पर्यटकांनी भरलेले वाहन चितकुलहून संगलकडे येत होते आणि त्याचवेळी त्यांच्या वाहनांवरही मोठे दगड पडण्यास सुरुवात झाली. जोपर्यंत पर्यटकांना काही समजले असते त्यांचे वाहन दरडीखाली दबून गेली. जवळपास पार्क केलेल्या वाहनांचेही मोठ्या प्रमाणात नुकसान झाले. या दुर्घटनेचा एक व्हिडिओ सोशल मीडियावरही व्हायरल होत आहे.
हेलिकॉप्टर बोलावले मदतीला
दुर्घटनेची माहिती मिळताच पोलीस प्रशासन घटनास्थळी दाखल झाले आहे. यानंतर कॉंग्रेसचे आमदार जगतसिंग नेगी म्हणाले की, डोंगरावरून दरड कोसळण्याची प्रक्रिया अद्याप सुरू आहे. यामुळे बचाव कार्यात अडचण येत आहे. ते म्हणाले की, अपघाताची माहिती सरकारला देण्यात आली असून बचाव कार्याला वेग देण्यासाठी हेलिकॉप्टरची मागणी करण्यात आली आहे. हेलिकॉप्टर लवकरच येत असल्याचे आश्वासन मिळाले आहे.
शनिवारीही कोसळली दरड
शनिवारपासून हिमाचलच्या किन्नौरमध्ये दरड कोसळणे सुरू आहे. शनिवारी दुपारी संगल-चित्रकुल लिंक रोडवरील बाथसेरी येथील गुनसाजवळ एक दरड कोसळली होती, त्यामुळे बराच वेळ वाहतूक थांबविण्यात आली होती. यादरम्यान कोणालाही दुखापत झाली नाही. या दुर्घटनेनंतर संगलहून चित्रकुलकडे जाणाऱ्या वाहतुकीला रोखण्यात आले आहे.
9 killed as bridge collapsed due to landslide in Himachal Kinnaur
महत्त्वाच्या बातम्या
- बिग बॉस फेम अभिनेत्री यशिका आनंद भीषण कार अपघातात गंभीर जखमी, तर मित्राचा जागीच मृत्यू
- Mann ki Baat : राष्ट्रगीतावर अनोखे अभियान ते स्वातंत्र्याच्या अमृत महोत्सवापर्यंत, जाणून मोदींच्या संबोधनातील महत्त्वाचे मुद्दे
- Pegasus Issue : पेगासस वादावरून माकप खासदाराची सुप्रीम कोर्टात धाव, SIT चौकशीसाठी याचिका दाखल
- Raj Kundra Pornography Case : शिल्पा शेट्टी आणि राज कुंद्रा यांच्या संयुक्त खात्यात परदेशातून पैसे; आता ईडी करणार मनी लॉन्ड्रिंगची चौकशी
- गल्लत गोल्ड मेडलची : प्रिया मलिकने वर्ल्ड कॅडेट रेसलिंग चॅम्पियनशिपमध्ये जिंकलं सुवर्ण, लोकांना वाटले ऑलिम्पिक गोल्ड