वृत्तसंस्था
कीव्ह : रशिया-युक्रेन (Ukraine war ) युद्धात 6 लाखांहून अधिक रशियन सैनिकांचा मृत्यू झाला आहे. युक्रेनियन वेबसाइट कीव इंडिपेंडंटच्या मते, युक्रेनियन आर्मीच्या जनरल स्टाफने सांगितले की, 24 फेब्रुवारी 2022 रोजी युक्रेनवर झालेल्या हल्ल्यापासून आतापर्यंत 6,03,010 रशियन सैनिकांनी आपला जीव गमावला आहे.
जनरल स्टाफने टेलिग्रामवर सांगितले की, गेल्या अडीच वर्षांत युक्रेनने 8,522 रशियन रणगाडे, 16,542 चिलखती वाहने, 17,216 तोफखाने, 1,166 रॉकेट यंत्रणा, 928 हवाई संरक्षण यंत्रणा, 367 विमाने, 328 हेलिकॉप्टर्स, 28 जहाज आणि 1 पाणबुडी नष्ट केली आहे.
मंगळवारी 1,210 रशियन सैनिक मारले गेल्याचा दावा त्यांनी केला. त्याच वेळी, रशियन लष्कराने सोशल मीडियावर दावा केला आहे की मंगळवारी युक्रेनचे 2,000 हून अधिक सैनिक मारले गेले.
रशियाचे माजी राष्ट्राध्यक्ष म्हणाले- युक्रेनच्या पराभवापूर्वी कोणतीही चर्चा होणार नाही
कुर्स्कमधील हल्ल्यामुळे संतप्त झालेल्या रशियन सुरक्षा परिषदेचे उपप्रमुख दिमित्री मेदवेदेव म्हणाले की, युक्रेन आणि रशिया यांच्यातील संवादाचे सर्व मार्ग बंद करण्यात आले आहेत. पुतीन यांच्या आधी मेदवेदेव हे रशियाचे अध्यक्ष होते. जोपर्यंत युक्रेनचा पूर्ण पराभव होत नाही तोपर्यंत चर्चेला काहीच अर्थ नाही, असे त्यांनी सोशल मीडियावर म्हटले आहे.
खरे तर गेल्या अडीच वर्षांपासून रशियन आक्रमणाचा सामना करणाऱ्या युक्रेनियन लष्कराने आता पलटवार सुरू केला आहे. 6 ऑगस्ट रोजी युक्रेनने रशियाच्या कुर्स्क भागात हल्ला केला. राष्ट्राध्यक्ष झेलेन्स्की यांच्या म्हणण्यानुसार, गेल्या 15 दिवसांत युक्रेनच्या सैन्याने रशियातील कुर्स्कमधील 92 गावे ताब्यात घेतली आहेत.
राष्ट्राध्यक्ष झेलेन्स्की यांनी दावा केला आहे की युक्रेनियन सैन्याने 1250 चौरस किमी रशियन प्रदेश ताब्यात घेतला आहे. युक्रेनचे लष्करप्रमुख अलेक्झांडर सिरस्की यांनी सांगितले की, युक्रेनचे सैन्य रशियाच्या 35 किमी आत घुसले आहे. बीबीसीने दिलेल्या माहितीनुसार, युक्रेनने अचानक केलेल्या हल्ल्यानंतर 2 लाखांहून अधिक रशियन नागरिकांना घर सोडून पळून जावे लागले आहे.
दरम्यान, युक्रेनच्या लष्कराने कुर्स्कमध्ये बांधलेला तिसरा पूलही पाडला आहे. युक्रेनच्या हवाई दलाचे कमांडर मायकोला ओलेशचुक यांनी याची पुष्टी केली. हे सर्व पूल कुर्स्कच्या ग्लुशकोव्स्की जिल्ह्यातील सेम नदीवर बांधले गेले. अल जझिराने दिलेल्या माहितीनुसार, हे सर्व पूल कोसळल्याने रशियाच्या पुरवठ्यावर परिणाम होईल.
600,000 Russian soldiers claimed dead in Ukraine war; Eight thousand tanks destroyed
महत्वाच्या बातम्या
- Andhra Pradesh : आंध्र प्रदेशातील फार्मा कंपनीच्या प्लांटमध्ये भीषण स्फोट, 15 ठार, 40 जखमी
- Lakda shetkari Yojana : लाडक्या बहिणींच्या पाठोपाठ महाराष्ट्रात लाडका शेतकरी योजना; मुख्यमंत्र्यांची घोषणा!!
- Madhya Pradesh : ‘या’ राज्यातील राज्यसभा निवडणुकीच्या तारखांमध्ये झाला बदल!
- Champai Soren : चंपाई सोरेन यांनी नवा पक्ष स्थापन करण्याची केली घोषणा!