- फुटपाथवर कार चढून हैदराबादमध्ये झाली दुर्घटना
हैदराबाद : कानपूरमधील ई-बस अपघातानंतर आता तेलंगणातील करीम नगर जिल्ह्यात हृदयद्रावक अपघात झाला आहे. एका अल्पवयीन मुलाने बेपर्वा वेगाने कार चालवत फुटपाथवर बसलेल्या लोकांवर धडक दिली. कारने चिरडल्याने चार महिलांचा जागीच मृत्यू झाला. 4 killed in car crash of minor Accident took place on the sidewalk in Hyderabad
या हृदयद्रावक घटनेची माहिती देताना पोलिसांनी सांगितले की अल्पवयीन मुलाचे वाहनावरील नियंत्रण सुटले. कार फुटपाथवर बसलेल्या लोकांवर चढली. या अपघातात चार जणांना आपला जीव गमवावा लागला असून काही जण जखमी झाले आहेत. कारमध्ये तीन अल्पवयीन मुले होती.
करीमनगरचे पोलीस आयुक्त व्ही. सत्यनारायण यांनी दिलेल्या माहितीनुसार, कारमधील अल्पवयीन मुलांविरुद्ध आयपीसी कलम ३०४ अंतर्गत गुन्हा दाखल करण्यात आला आहे. पोलीस अपघाताचा तपास करत आहेत. सूत्रांनी दिलेल्या माहितीनुसार, कार चालकासह सर्व आरोपी अल्पवयीनांना ताब्यात घेण्यात आले आहे. याप्रकरणी कडक कारवाई करत पोलिसांनी अल्पवयीन मुलाच्या वडिलांसह कारमधील तीन अल्पवयीन मुलांवर गुन्हा दाखल केला आहे.
याआधी रविवारी रात्री उशिरा कानपूर, उत्तर प्रदेशमधील टिटमिल क्रॉसरोडजवळ एका अनियंत्रित ई-बसने १७ वाहनांना धडक दिली. या अपघातात ६ जणांचा जागीच मृत्यू झाला. डझनहून अधिक जखमी झाले आहेत. अपघातानंतर ई-बस पळून जाण्याच्या प्रयत्नात टाटमिल चौकाजवळ एका डंपरला धडकली. ई-बस चालक घटनास्थळावरून पळून गेला असून त्याचा शोध सुरू आहे.
4 killed in car crash of minor Accident took place on the sidewalk in Hyderabad
महत्त्वाच्या बातम्या
- पी. चिदंबरम यांनाच गोव्यात कॉँग्रेसच्या विजयाबाबत शंका, म्हणाले शिवसेना- राष्ट्रवादीची मदत घेऊ
- संयुक्त राष्ट्र्रसंघातील मताचा संबंध पेगासशी जोडणे न्यूयॉर्क टाईम्सची भयंकर चूक, सय्यद अकबरुद्दीन यांची टीका
- इन्स्टाग्रामवर पन्नास हजार लाईक मिळावे म्हणून शिवीगाळ करणाऱ्या लेडी डॉनवर गुन्हा
- राहूल तर फेक गांधी, महात्मा गांधींचे स्वप्न भाजप पूर्ण करतोय, गिरीराज सिंह यांचा हल्लाबोल
- कदाचित २०२४ पर्यंत पाकव्याप्त काश्मीर भारतात, कांदा-बटाट्याचे भाव कमी करण्यासाठी मोदींना पंतप्रधान केले नाही, कपिल पाटील यांचा दावा