विशेष प्रतिनिधी
मुंबई : मुंबईतील कोविड सेंटर घोटाळा प्रकरणात सक्तवसुली संचालनालय अर्थात ED ने एक महत्त्वाचा खुलासा केला असून त्यात संजय राऊत यांच्या नावाचा वापर करून सुजित पाठकरांना 33 कोटी रुपयांचे पेंटर मंजूर झाले, असे नमूद केले आहे.33 crore Covid tender to Sujit Patkar using Sanjay Raut’s name; A prominent mention in the ED charge sheet
सुजित पाटकरने महामारीच्या काळात अतिरिक्त महापालिका आयुक्त संजीव जयस्वाल यांना भेटण्यासाठी त्याचा मित्र आणि शिवसेना उद्धव ठाकरे गटाचे खासदार संजय राऊत यांची ओळख वापरल्याचे ईडीने दाखल केलेल्या आरोपपत्रात म्हटले आहे. वरळी आणि दहिसर कोविड जंबो रुग्णालयाच्या निविदा चर्चेसाठी सुजित पाटकरने संजीव जयस्वाल यांची भेट घेतली होती.
सुजित पाटकर यांनी कंपनी स्थापन करण्यापूर्वी लाइफलाइन हॉस्पिटलचे लेटरहेड संजीव जयस्वाल यांना देण्यास वापरले. पाटकर यांनी संजय राऊत यांच्या नावाचा वापर करून टेंडर मिळवले, यासाठी संजीव जयस्वाल यांनी सुजित पाटकरांना मदत केली. पाटकर आपल्या राजकीय संपर्काचा वापर करून निविदा प्रक्रियेची पूर्वमाहिती मिळवत होता. पाटकर कंपनीने 60 % कमी कर्मचारी पुरवले होते, तसेच कोरोनाबाधित रुग्णांच्या आरोग्याशी तडजोड करून जास्तीचे बिले बीएमसीला पाठवली होती.
एवढेच नाही तर कोरोना बाधित रुग्णांसाठी उभारण्यात आलेल्या कोविड 19 उपचार केंद्राला निसर्ग चक्रीवादळाचा जोरदार फटका बसला होता. या चक्रीवादळावेळी केंद्रातील सर्व रुग्णांना एका दिवसासाठी इतर रुग्णालयात हलवले होते त्या दिवशीची बिले देखील पाठवली. डॉ.किशोर बिसुरे यांनी वरिष्ठ अधिकार्‍यांकडे हा मुद्दा मांडूनही कारवाई झाली नाही. केवळ 31 लाखांचा दंड ठोठाविण्यात आला.
संजय राऊतच्या नावाचा वापर करून 32 कोटी 60 लाखाचा कॉन्ट्रॅक्ट मिळवले. या कॉन्ट्रॅक्टविषयी संजय राऊतांना माहित होते. वर्षा संजय राऊत, सपना सुजित पाटकर यांच्या नावाने पत्राचाळ घोटाळ्याच्या पैशातून अलिबाग येथे जमीनही घेण्यात आली होती. याच लोकांना खिचडीचा कॉन्ट्रॅक्ट मिळाले त्यातले पैसे संजय राऊतांची मुलगी आणि भावाच्या खात्यात गेल्याची माहिती भाजपनेते किरीट सोमय्या यांनी दिली आहे.
ईडीचा दावा काय?
सुजित पाटकर हे संजय राऊतांचे निकटवर्तीय असल्याने त्यांना राजकीय नेतांच्या प्रभावामुळे कोविड सेंटरचे काम मिळाल्याचा दावा ईडीकडून करण्यात येत होता. तसेच, याबद्दल स्वत: सुजित पाटकर यांनी खुलासा केला असल्याचा दावा देखील ईडीने केला आहे. त्यामुळे आता या प्रकरणाची सखोल चौकशी करण्यात येणार आहे. तर या लाईफलाईन रुग्णालयांमध्ये कोविड कालावधीत अनेक आर्थिक घोटाळे झाले असल्याचे ईडीचे म्हणणे आहे. या प्रकरणात अनेक गैरव्यवहार झाल्याचं देखील समोर आलं आहे. त्यामुळे आता आर्थिक गुन्हे शाखेला या प्रकरणात आणखी कोणती माहिती सापडणार हे पाहणे महत्त्वाचे ठरणार आहे.
33 crore Covid tender to Sujit Patkar using Sanjay Raut’s name; A prominent mention in the ED charge sheet
महत्वाच्या बातम्या
- PM मोदी आज राजस्थान-मध्य प्रदेश दौऱ्यावर; दोन्ही राज्यांना देणार 26 हजार कोटींच्या प्रकल्पांची भेट
- पुण्यात ससून रुग्णालयाच्या परिसरातून तब्बल 2.14 कोटी रुपयांचे ड्रग्ज जप्त; अमली पदार्थ तस्करी रॅकेटचा भंडाफोड
- आता तो दिवस दूर नाही, जेव्हा POK पुन्हा भारतात येईल” – व्ही.के.सिंह
- निवडणुकीपूर्वी जुन्या पेन्शनसाठी आंदोलन; दिल्लीत रामलीला मैदानात एकवटले सरकारी कर्मचारी