वृत्तसंस्था
नवी दिल्ली : गेल्या वर्षी देशात दररोज सरासरी ३१ मुलांनी (१८ वर्षे वयाखालील) आत्महत्या केल्या आहेत. कोरोनाच्या मानसिक ताणातूनआलेल्या नैराश्यातून या मुलांनी आत्महत्या केल्या असाव्यात असा अंदाज काढण्यात आला आहे. 31 children to commit suicide every day due to mental stress in Corona Pandemic
याबाबतची माहिती नॅशनल क्राईम रेकॉर्ड्स ब्युरोच्या अहवालातून उघड झाली आहे. त्यावर्षी ११,३९६ मुलांनी आत्महत्या केली. त्यात ५,३९२ मुले व ६००४ मुली होत्या. त्यातील अनेक मुलांनी कोरोनाच्या मानसिक तणावातून आत्महत्या केल्या असाव्यात,असे मानसोपचार तज्ज्ञांचे मत आहे.
या अहवालात म्हटले आहे की, २०२० मध्ये देशात ११.३९६ मुलांनी आत्महत्या केली. २०१९ मध्ये ९६१३ मुलांनी आत्महत्या केली होती. २०१८ मध्ये हाच आकडा ९,४१३ होता. २०२० मध्ये २०१९ पेक्षा १८ टक्क्यांनी व २०१८ पेक्षा २१ टक्क्यांनी वाढले. गेल्या वर्षी कौटुंबिक समस्यांपायी ४,००६, प्रेमप्रकरणातून १,३३७, आजारी असल्याने १,३२७ जणांनी आत्महत्या केल्या. अन्य कृत्यामागे बेकारी, दिवाळखोरी, व्यंधत्व, अमली पदार्थांचे सेवन अशी इतर कारणे होती.
सेव्ह द चिल्ड्रनचे उपसंचालक प्रभातकुमार यांनी सांगितले की, कोरोनाची साथ तसेच त्यामुळे शाळा बंद असणे अशा गोष्टींमुळे मुलांना विलक्षण एकाकीपणा जाणवू लागला होता.
शाळा बंद असल्याने एकाकीपणा
कोरोनाच्या काळात शाळा बंद असल्याने अनेक मुलांना घरीच राहावे लागले. त्यांचा मित्र, शिक्षक किंवा अन्य व्यक्तींबरोबरचा संवादच खुंटला होता.त्यामुळे एक प्रकारचा एकाकीपणा आला. त्यामुळेही मानसिक तणाव असह्य होऊन अनेक मुलांनी आत्महत्या केली असे बालकल्याणासाठी काम करणाऱ्या संस्थांचे मत आहे.
31 children to commit suicide every day due to mental stress in Corona Pandemic
महत्त्वाच्या बातम्या
- अफगाणिस्तानात संगीत ऐकल्याने 13 जणांची गोळ्या झाडून हत्या, तालिबानने दोन आरोपींना केली अटक, एक फरार
- चीनच्या उलट्या बोंबा : म्हणे – कोरोनासाठी वुहान मार्केट नाही, तर सौदीचे झिंगे अन् ब्राझीलचं बीफ जबाबदार
- आंबा घाट जड वाहनांसाठी पुन्हा होणार खुला
- विखे-पाटलांचा महसूल मंत्री थोरातांवर हल्लाबोल, कोणत्या दूध संघाने किती पैसे लाटले याचा भांडाफोड हिवाळी अधिवेशनात करणार