वृत्तसंस्था
नवी दिल्ली : लाहोरचा डॉन अमीर सरफराजची हत्या करण्यात आली आहे. पीटीआय या वृत्तसंस्थेच्या वृत्तात असा दावा करण्यात आला आहे की, लाहोरमध्ये अमीरवर काही लोकांनी गोळ्या झाडल्या होत्या. यानंतर त्याचा मृत्यू झाला. पाकिस्तानची गुप्तचर संस्था ISI च्या सूचनेवरून अमीर सरफराज आणि त्याच्या साथीदारांनी 2013 मध्ये लाहोर तुरुंगात बंद भारतीय नागरिक सरबजीत सिंगला बेदम मारहाण करत त्यांची हत्या केली होती.Underworld don Amir Sarfaraz assassinated in Lahore; Shot by unknown persons; He was accused of murdering Sarabjit Singh
- पंतप्रधान मोदींनी कतारच्या अमीरांना भारत भेटीचे निमंत्रण दिले, 8 भारतीयांच्या सुटकेवर म्हणाले…
डिसेंबर 2018 मध्ये पाकिस्तानी न्यायालयाने पुराव्याअभावी सरबजीतच्या हत्येतील दोन आरोपींची सुटका केली होती. त्यात अमीर सरफराज आणि मुद्दसर यांचा समावेश होता. या दोघांविरुद्ध कोणीही साक्ष दिली नाही. पंजाबचा सरबजीत 1990 मध्ये चुकून सीमा ओलांडून पाकिस्तानात गेला होता. त्याला भारतीय गुप्तहेर म्हणत पाकिस्तानी सैन्याने बंधक बनवून ठेवले होते.
पाकिस्तान भारतावर टार्गेट किलिंगचा आरोप करत आहे
सरबजीतच्या मारेकऱ्याचा पाकिस्तानात मृत्यू झाल्याची बातमी अशा वेळी आली आहे जेव्हा पाकिस्तानने अलीकडेच भारतावर टार्गेट किलिंगचा आरोप केला होता. भारत पाकिस्तानमध्ये बेकायदेशीरपणे आपल्या नागरिकांची हत्या करत असल्याचे पाकिस्तानने म्हटले होते. ब्रिटिश मीडिया हाऊस द गार्डियनच्या अहवालाचा हवाला देत पाकिस्तानने हे आरोप केले आहेत ज्यात म्हटले आहे की “भारतीय गुप्तचर अधिकारी परदेशी भूमीवर राहणाऱ्या दहशतवाद्यांचा खात्मा करण्याच्या धोरणाचा भाग म्हणून पाकिस्तानमध्ये अनेक लोकांची हत्या घडवत आहे.”
यावर परराष्ट्र मंत्री एस जयशंकर म्हणाले होते की, टार्गेट किलिंग भारताच्या परराष्ट्र धोरणात नाही. हे आरोप खोटे असून भारताविरोधात अपप्रचार केला जात असल्याचे परराष्ट्र मंत्रालयाने एक निवेदन जारी केले होते.
Underworld don Amir Sarfaraz assassinated in Lahore; Shot by unknown persons; He was accused of murdering Sarabjit Singh
महत्वाच्या बातम्या
- काकांच्या बेरजेच्या राजकारणात वजाबाकी कुणाची?? भाजप – सेनेची की पुतण्याची??
- इस्रायल आणि इराणमध्ये भयानक युद्ध सुरू होण्याच्या शक्यतेवर UNचे मोठे विधान, म्हटले ‘जग आता…’
- राहुल गांधींविरोधात वायनाड मध्ये प्रचंड संताप; कम्युनिस्ट पार्टीच्या उमेदवार एनी राजा यांचा दावा
- ”आता आम्ही आणखी हल्ले करणार नाही, मात्र इस्रायल…” हल्ल्यानंतर इराणने जारी केले निवेदन