वृत्तसंस्था
तिरुवनंतपुरम : केरळमधील मलप्पुरम जिल्ह्यातील तनूर भागातील ओट्टुमपुरमजवळ रविवारी (7 मे) संध्याकाळी एक हाउसबोट बुडाली. यात लहान मुलांसह 21 जणांचा मृत्यू झाला. घटनास्थळी बचावकार्य सुरू आहे. एएनआय या वृत्तसंस्थेला याला दुजोरा देताना केरळचे मंत्री व्ही अब्दुरहमान यांनी सांगितले की, बोट दुर्घटनेतील मृतांची संख्या 21 झाली आहे.
या अपघातावर शोक व्यक्त करत पंतप्रधान नरेंद्र मोदी यांनी नुकसान भरपाई जाहीर केली आहे. केरळमधील मलप्पुरम येथे झालेल्या बोट दुर्घटनेत लोकांच्या मृत्यूने मी दुखावलो आहे, असे ट्विट पंतप्रधानांनी केले आहे. शोकग्रस्त कुटुंबियांच्या सांत्वना. PMNRF कडून 2 लाख रुपये प्रत्येक मृताच्या नातेवाईकांना जाहीर करण्यात आले आहेत.
बोटीत होते 25 जण
पोलिसांनी सांगितले की, अपघातस्थळावरून मिळालेल्या प्राथमिक माहितीनुसार, बोटीवर सुमारे 25 प्रवासी होते, त्यापैकी 21 जणांचा मृत्यू झाला, तर अनेकांना जवळच्या खाजगी आणि सरकारी रुग्णालयात दाखल करण्यात आले. सायंकाळी 7 वाजण्याच्या सुमारास ही घटना घडल्याचे त्यांनी सांगितले.
बचाव कार्य सुरू
अनेक रुग्णवाहिका, अग्निशमन दलाचे जवान आणि स्वयंसेवकांसह बचावकार्य सुरू असल्याची माहितीही पोलिसांनी दिली. अपघाताचे कारण अद्याप समजू शकले नसून बुडालेली बोट किनाऱ्यावर आणण्याचे प्रयत्न सुरू असल्याचे त्यांनी सांगितले. केरळचे पर्यटन मंत्री मोहम्मद रियास कोझिकोडहून घटनास्थळी रवाना झाले आहेत.
21 dead as houseboat sinks in Kerala, PM Modi expresses grief, announces help to heirs of deceased
महत्वाच्या बातम्या
- बजरंग दलावरील बंदीचे आश्वासनामुळे काँग्रेसचीच कोंडी, खरगे यांना मिळाली 100 कोटींची कायदेशीर नोटीस, आता म्हणताहेत ‘जय बजरंग बली’
- Satyapal Malik Profile : 4 पक्ष सोडून भाजपमध्ये आले सत्यपाल मलिक, एकदाच जिंकली लोकसभा निवडणूक, वाचा 50 वर्षांचा राजकीय प्रवास
- भाजपविरोधातील ‘रेट कार्ड’ जाहिरातींवर निवडणूक आयोगाने काँग्रेसला पाठवली नोटीस, द्यावे लागणार उत्तर
- पवारांना खरंच राजीनामा द्यायचा होता; पण अजित पवारांच्या वर्तणूकीमुळे निर्णय फिरवला; राज ठाकरेंचा दावा