• Download App
    बिहारमध्ये झोपडीतील बॉम्बस्फोटात 14 जण जखमी कचऱ्यात सापडलेल्या बाॅक्स मध्ये होते छोटे बाॅम्ब|14 injured in hut bomb blast in Bihar There were small bombs in the trash can

    बिहारमध्ये झोपडीतील बॉम्बस्फोटात 14 जण जखमी कचऱ्यात सापडलेल्या बाॅक्स मध्ये होते छोटे बाॅम्ब

    विशेष प्रतिनिधी

    पाटणा : बिहारमधील खगरिया जिल्ह्यात झालेल्या बॉम्बस्फोटात 14 जण जखमी झाले आहेत. जखमींमध्ये चार मुलांचाही समावेश आहे. स्फोटात जखमी झालेल्या दोघांची प्रकृती गंभीर असल्याचे सांगण्यात येत आहे. 14 injured in hut bomb blast in Bihar There were small bombs in the trash can

    घटनेची माहिती मिळताच एसपी अमितेश कुमार काही पोलिस अधिकाऱ्यांच्या पथकासह घटनास्थळी पोहोचले. या प्रकरणाचा तपास सुरू असल्याचे एसपींनी सांगितले.अमितेश कुमार यांनी सांगितले की, प्राथमिक तपासानुसार एकूण तीन स्फोट झाले. त्यापैकी दोन कमी तीव्रतेचे होते. एका प्रत्यक्षदर्शीने दावा केला की, २०-२३ छोटे बॉम्ब जमिनीवर पडल्यानंतर मोठा स्फोट झाला.



    बॉम्बस्फोटात हे लोक जखमी झाले आहेत. मंगल सदा यांचा ५ वर्षीय मुलगा साजन कुमार, अशोक सदा यांचा ८ वर्षांचा मुलगा राजा कुमार, दिनेश सदा यांचा मुलगा टिक्कू कुमार, अशी जखमींची नावे आहेत. मंगल सदा यांचा मुलगा अर्जुन सदा, अशोक सदा, पुलिस सदा यांचा मुलगा सतीश सदा आणि छोटू सदा याची पत्नी बिजली देवी आणि श्रवण कुमारचा मुलगा सुदर कुमार हेही जखमी झाले आहेत.

    बातमीनुसार, फलेश्वर सदा हा कचरा वेचण्याचे काम करतो. बखरी बसस्थानकाजवळील झोपडपट्टीत तो राहतो. नेहमीप्रमाणे तो कचरा वेचण्यासाठी बाहेर पडला. कचरा उचलताना त्याला एक कार्टून, खोके सापडले. ते त्याने आपल्यासोबत घरी नेले.

    त्याने झोपडीत बाॅक्स टांगला. मात्र वजन जास्त असल्याने कार्टून जमिनीवर पडून स्फोट झाला.झोपडपट्टीत राहणारे डझनहून अधिक लोक जखमी झाले. घटनास्थळी उपस्थित स्थानिक लोकांनी सांगितले की, तेथे चार स्फोट झाले. लोकांनी सांगितले की पहिला स्फोट हलक्या आवाजाचा होता, पण शेवटचा स्फोट खूप मोठा होता.

    14 injured in hut bomb blast in Bihar There were small bombs in the trash can

    महत्त्वाच्या बातम्या

    Related posts

    RSS Chief Mohan Bhagwat : सरसंघचालक म्हणाले- भाजप-RSS मध्ये कोणताही वाद नाही; आम्ही सरकारसाठी निर्णय घेत नाही, फक्त सल्ला देतो

    PM SVANidhi : PM स्वनिधी योजनेची मुदत 31 मार्च 2030 पर्यंत वाढवली; कर्जाची रक्कमही ₹15,000 पर्यंत वाढली

    Supreme Court : केंद्राने म्हटले- राज्ये सुप्रीम कोर्टात रिट याचिका दाखल करू शकत नाहीत; राष्ट्रपती-राज्यपाल यांच्या निर्णयांसाठी न्यायालये जबाबदार नाही