वृत्तसंस्था
चेन्नई : तामिळनाडूमध्ये गेल्या तीन दिवसांत बनावट दारूच्या दोन घटनांमध्ये 14 जणांचा मृत्यू झाला आहे. विलुप्पुरममध्ये 9 आणि चेंगलपट्टूमध्ये 5 जणांचा मृत्यू झाला आहे. 51 जण रुग्णालयात दाखल आहेत. सीएम एमके स्टॅलिन यांनी विल्लुपुरम एसपीचे निलंबन आणि चेंगलपट्टू एसपीच्या बदलीचे आदेश दिले आहेत.14 die in Tamil Nadu after consuming spurious liquor, 9 in Villuppuram and 5 in Chengalpattu, 51 admitted to hospital
शनिवारी संध्याकाळी विलुप्पुरममधील एकियाकुप्पम येथील मच्छिमारांच्या गावात काही लोकांनी अवैध दारूचे प्राशन केले होते. यानंतर त्यांची प्रकृती खालावली. रुग्णालयात दाखल केल्यानंतर यातील 5 जणांचा रविवारी, तर 4 जणांचा सोमवारी मृत्यू झाला. 43 जण वेगवेगळ्या रुग्णालयात दाखल आहेत.
याआधी शुक्रवारी चेंगलपट्टू जिल्ह्यातील मदुरंथागम येथे अवैध बनावट मद्य प्राशन केल्याने पाच जणांचा मृत्यू झाला. आठ जणांवर चेंगलपेठ शासकीय वैद्यकीय महाविद्यालय रुग्णालयात उपचार सुरू आहेत.
सीएम एमके स्टॅलिन यांनी सांगितले की, अल्कोहोलसाठी बनवलेल्या डेकोक्शनमध्ये मिथेनॉलदेखील आहे, जे विषारी आहे. सरकारी दारूच्या दुकानातून मिळणाऱ्या बाटल्यांमध्ये ते भरण्यात आली होती.
लोकांना उलट्या, डोळ्यात जळजळ आणि चक्कर येण्याच्या तक्रारी होत्या
आयजी एन कन्नन यांनी सांगितले की, विल्लुपुरम जिल्ह्यात लोकांना उलट्या होणे, डोळ्यात जळजळ होणे आणि अल्कोहोल प्यायल्यानंतर चक्कर येणे अशा तक्रारींनंतर रुग्णालयात दाखल करण्यात आले. याप्रकरणी आरोपी अमरन याला अटक करण्यात आली असून, बनावट दारू जप्त करण्यात आली आहे. दुसरीकडे, चेंगलपट्टू जिल्ह्यात एका आरोपी अम्मावसईलाही अटक करण्यात आली आहे.
काही आरोपी फरार
दोन्ही घटनांतील काही आरोपी फरार असून त्यांना पकडण्यासाठी विशेष पथके तयार करण्यात आली आहेत. पीडितांनी पिलेल्या दारूमध्ये इथेनॉल-मिथेनॉल आणि इतर रसायनांचा वापर केल्याचा आरोप आहे. ते कारखान्यांमध्ये वापरले जातात. बनावट दारूप्रकरणी कर्तव्य बजावत नसल्याबद्दल दोन्ही जिल्ह्यातून तीन निरीक्षक आणि चार उपनिरीक्षकांना निलंबित करण्यात आले आहे.
10-10 लाख रुपयांच्या नुकसानभरपाईची घोषणा
सोमवारी सीएम एमके स्टॅलिन यांनी विल्लुपुरम जिल्हा रुग्णालयात पोहोचून तेथे दाखल रुग्णांची भेट घेतली. त्यांनी मृतांच्या कुटुंबीयांना प्रत्येकी 10 लाख रुपये आणि रुग्णालयात दाखल झालेल्यांना 50 हजार रुपयांची भरपाई जाहीर केली. दाखल झालेल्यांना योग्य उपचार देण्याचे निर्देशही त्यांनी दिले. मुख्यमंत्री म्हणाले की, सरकार अवैध दारू आणि ड्रग्जवर कडक बंदी घालत आहे.
14 die in Tamil Nadu after consuming spurious liquor, 9 in Villuppuram and 5 in Chengalpattu, 51 admitted to hospital
महत्वाच्या बातम्या
- कर्नाटकच्या मुख्यमंत्र्यांची घोषणा आज शक्य, काँग्रेस निरीक्षकांनी खरगे यांना अहवाल सादर केला; डीके शिवकुमार आज दिल्लीला जाणार
- आमच्या सरकारने भ्रष्टाचाराचे सर्व रेकॉर्ड मोडले, राजस्थानच्या काँग्रेस मंत्र्यांचा मुख्यमंत्री गेहलोत यांच्यावर खळबळजनक आरोप
- पाकिस्तानच्या कोळसा खाणीत हद्दवाढीवरून वाद विकोपाला, रक्तरंजित संघर्षात तब्बल 16 जणांचा मृत्यू
- प्रशांत किशोर यांचा काँग्रेसला सल्ला, जास्त खुश होऊ नका, 2013 मध्ये विजयी होऊनही 2014 मध्ये पराभूत झाला होता