सीमाशुल्क विभागाने मुंबई विमानतळावर पकडला कोट्यवधी रुपयांचा माल
विशेष प्रतिनिधी
मुंबई : मुंबई विमानतळावर सीमाशुल्क विभागाने नूडल्सच्या पॅकेटमध्ये लपवलेले हिरे आणि अंडरगारमेंटमध्ये लपवलेले सोने जप्त केले आहे. जप्त केलेल्या मालाची एकूण किंमत 6.46 कोटी रुपये असल्याचे सांगण्यात येत आहे. आठवड्याच्या शेवटी 4.44 कोटी रुपयांचे 6.8 किलो सोने आणि 2.02 कोटी रुपयांचे हिरे जप्त केल्यानंतर चार प्रवाशांना अटक करण्यात आली आहे, असे सीमा शुल्क विभागाने सोमवारी रात्री उशीरा जारी केलेल्या प्रसिद्धीमध्ये म्हटले आहे.Diamonds in packets of noodles and gold found in undergarment
सर्वप्रथम मुंबईहून बँकॉकला जाणाऱ्या भारतीय नागरिकाला विमानतळावर थांबवून त्याच्या ट्रॉली बॅगमध्ये नूडल्सच्या पाकिटात लपवलेला हिरे जप्त करण्यात आले. यानंतर प्रवाशाला अटकही करण्यात आली.
सीमाशुल्क विभागाच्या अधिकाऱ्याने सांगितले की, अशाच प्रकारे कोलंबोहून मुंबईला जाणारा परदेशी नागरिक थांबवण्यात आला. त्याच्या अंतर्वस्त्रात त्याने सोन्याच्या विटा लपवल्या होत्या. या सोन्याच्या विटेचे एकूण वजन 321 ग्रॅम होते.
याव्यतिरिक्त, 10 भारतीय नागरिक, प्रत्येकी दोन दुबई आणि अबू धाबी आणि बहरीन, दोहा, रियाध, मस्कत, बँकॉक आणि सिंगापूर येथून प्रत्येकी एक, 6.199 किलो सोने घेऊन पकडले गेले, ज्याची किंमत 4.04 कोटी आहे. त्यापैकी तिघांना अटक करण्यात आली.
Diamonds in packets of noodles and gold found in undergarment
महत्वाच्या बातम्या
- ममता बॅनर्जींना हायकोर्टाचा दणका, बंगालमध्ये 24 हजार शिक्षकांच्या नियुक्त्या रद्द; 8 वर्षांचे पगारही वसूल करण्याचे आदेश
- भाजपचे मुकेश दलाल बिनविरोध निवडून आल्याबद्दल काँग्रेसची बोंबाबोंब, पण काँग्रेस सकट अनेक पक्षांचे खासदार निवडून आलेत बिनविरोध!!
- पवार म्हणतात, भाजप नको, दादांसकट सगळे चालतील, पण पवार भाजपला का घाबरतात??; आणि ते फक्त भाजपलाच घाबरतात का??
- कर्नाटकात जबदरस्तीने धर्मांतराची घटना उघडकीस, दोघांना अटक!
