विशेष प्रतिनिधी
नवी दिल्ली : एकीकडे काँग्रेस कार्यकारिणीत मनमोकळी चर्चा करा, पण ती या चार भिंतींमध्येच ठेवा, असे सोनिया गांधी या काँग्रेसच्या जी २३ नेत्यांना सुनावत असताना ट्विटर सारख्या सोशल मीडियावर मात्र, यह दिल मांगे राहुल #YehDilMangeRahul हा हॅशटॅग जोरदार ट्रेंड करण्यात आला आहे. While Sonia is listening to G23 leaders, #YehDilMangeRahul strongly trends on Twitter
काँग्रेस फॉर इंडिया या ट्विटर हँडलवरून सुरू झालेला हा ट्रेंड गेल्या दोन तासांपासून भारतात टॉप १० मध्ये ट्रेंडिंग दिसतो आहे. याचा राजकीय अर्थ उघड आहे, सोनिया गांधींना पक्षाच्या कार्यकारिणीत जरी मनमोकळी चर्चा हवी असली, तरी सोशल मीडियाच्या माध्यमातून काही वेगळचे प्रमोट करण्यात येताना दिसते आहे.
काँग्रेस कार्यकारिणीमध्ये मनमोकळी चर्चा करू या. मी त्याचे स्वागतच करते परंतु ही चर्चा चार भिंतीमध्येच राहू द्या. बाहेर जाताना आपल्यामध्ये एकमतच असले पाहिजे. माध्यमांशी बोलताना संपूर्ण कार्यकारिणीने निर्णय घेतला आहे असे चित्र उभे राहिले पाहिजे, असा इशारा सोनिया गांधी यांनी जी 23 नेत्यांचे नाव न घेता दिला आहे.
पक्षाच्या संघटनात्मक निवडणुकांचे महत्त्व मी जाणते त्या व्हायलाच पाहिजेत, असे माझे मत आहे परंतु काँग्रेस कार्यकारिणीने मला पक्षाचे हंगामी अध्यक्ष नेमले आहे. त्यामुळे आपण एकत्रित काम करून पुढे गेले पाहिजे. स्वयंशिस्तीने आणि आपल्या मनावर नियंत्रण ठेवून आपली वर्तणूक असली पाहिजे असे देखील सोनिया गांधी यांनी लेखी निवेदनात आवर्जून नमूद केले आहे.
या पार्श्वभूमीवर गेल्या दोन – तीन तासांमध्ये यह दिल मांगे राहुल हा हॅशटॅग ट्विटरवर ट्रेंड करून काँग्रेस समर्थकांनी देखील एक वेगळाच राजकीय संदेश दिल्याचे स्पष्ट होत आहे.
While Sonia is listening to G23 leaders, #YehDilMangeRahul strongly trends on Twitter
महत्त्वाच्या बातम्या
- वचन दिले होते तर शिवसैनिकाला मुख्यमंत्री करायचे होते ना…!!; फडणवीसांचे टोले
- सोनिया गांधी CWC बैठकीत असंतुष्ट नेत्यांवर म्हणाल्या – माध्यमांद्वारे बोलण्याची गरज नाही
- उत्तराखंडमध्ये कोरोनामुळे मृत्यू झालेल्यांच्या कुटुंबाना ५० हजारांची भरपाई : पुष्करसिंग धामी
- आता पदोन्नतीशिवाय निवृत्त व्हावे लागणार नाही, पोलिसांमध्ये पदोन्नतीचे नवीन धोरण ठाकरे सरकारने केले मंजूर