मंत्री गुलाबराव पाटील यांनी रस्त्यांची तुलना अभिनेत्री हेमा मालिनीच्या गालांसोबत केली. रस्ते हेमा मालिनीच्या गालासारखे नसले तर राजीनामा देईन, असं वक्तव्य गुलाबराव पाटलांनी केलं.When will Gulabrao be removed from the ministry? ; Question posed by Chitra wagh
विशेष प्रतिनिधी
मुंबई : जळगाव जिल्ह्यात सध्या नगरपंचायतीच्या निवडणुका आहेत. यामध्ये राष्ट्रवादी आणि शिवसेना एकमेकांच्या विरोधात लढत आहे.यावेळी एकनाथ खडसेंवर टीका करताना शिवसेनेचे मंत्री गुलाबराव पाटील यांनी रस्त्यांची तुलना अभिनेत्री हेमा मालिनीच्या गालांसोबत केली. रस्ते हेमा मालिनीच्या गालासारखे नसले तर राजीनामा देईन, असं वक्तव्य गुलाबराव पाटलांनी केलं.
त्यावरून आता भाजपच्या नेत्या चित्रा वाघ यांनी थोबाड फोडण्याचा इशारा पाटलांना दिला आहे.
गुलाबरावाची मंत्रिपदावरून हकालपट्टी कधी होणार?
”शिवसेनेच्या नेत्यांना नेमक काय झाल आहे? कारण संजय राऊतांनंतर आत्ता गुलाबराव पाटील यांनी हेमा मालिनीबद्दल बेताल वक्तव्य केलं. गुलाबराव पाटील आणि रांझ्याचा पाटील या दोघांची वृत्ती सारखी आहे. महाराजांनी रांझ्याच्या पाटलाची पाटीलकी काढून घेतली होती.त्यामुळे आता गुलाबरावाची मंत्रिपदावरून हकालपट्टी कधी होणार?” असा सवाल चित्रा वाघ यांनी उपस्थित केला.
पोलिस यंत्रणांना महिलांचा विनयभंग दिसत नाही
पुढे चित्रा वाघ म्हणाल्या की ”शिवीगाळ करणारे संजय राऊत उजळ माथ्यानं फिरत आहेत. गुलाबराव पाटलांना हेमा मालिनीचे गाल दिसत आहेत. पण यामध्ये पोलिस यंत्रणांना महिलांचा विनयभंग दिसत नाही का? मी गृहमंत्र्यांना आवाहन करतेय, तत्काळ गुन्हा दाखल करा. नाहीतर गाल पाहणाऱ्यांचे थोबाड फोडल्याशिवाय आम्ही स्वस्थ बसणार नाही”, असा टोला चित्रा वाघ यांनी गुलाबराव पाटलांना दिला आहे.
When will Gulabrao be removed from the ministry? ; Question posed by Chitra wagh
महत्त्वाच्या बातम्या
- अमित शाह यांच्या हस्ते पुण्यातील केंद्रीय न्यायवैद्यक विज्ञान प्रयोगशाळेच्या नवीन इमारतीचे उद्घाटन
- Grand wedding Reception : साधेपणाने रजिस्टर लग्न, मोठे कौतूक; गोव्यात “ग्रँड” रिसेप्शन; “साधेपणाच्या” चर्चांना उधाण!!
- महिंद्रा कंपनीने ई-ऑटोरिक्षाचे केले लॉन्चिंग , सुभाष देसाईंनी रिक्षा चालवण्याचा लुटला आनंद ; आनंद महिंद्रांनी केले कौतुक
- हिंदू विरुद्ध हिंदुत्ववादी वादात प्रियांका गांधींचीही उडी; म्हणाल्या, राहुलजी हिंदुंचा खरा अर्थ समजवताहेत!!