Vaccination : देशात कोरोना महामारीच्या संकटाने उग्र रूप धारण केलेले आहे, अशा वेळी देशभरात लसीकरण मोहीमही जोरात सुरू आहे. लसीकरणासाठी सध्या फोटो आयडीची गरज आहे. परंतु देशात असेही अनेक व्यक्ती आहेत, ज्यांच्याकडे अशी ओळखपत्रे नाहीत. अशा समूहाचा विचार करून केंद्राने त्यांना लसीकरणाचा लाभ देण्यासाठी नवीन मार्गदर्शक सूचना जारी केली आहे. Vaccination : Beggars and prisoners will also get vaccine, photo ID will not be required, read details
विशेष प्रतिनिधी
नवी दिल्ली : देशात कोरोना महामारीच्या संकटाने उग्र रूप धारण केलेले आहे, अशा वेळी देशभरात लसीकरण मोहीमही जोरात सुरू आहे. लसीकरणासाठी सध्या फोटो आयडीची गरज आहे. परंतु देशात असेही अनेक व्यक्ती आहेत, ज्यांच्याकडे अशी ओळखपत्रे नाहीत. अशा समूहाचा विचार करून केंद्राने त्यांना लसीकरणाचा लाभ देण्यासाठी नवीन मार्गदर्शक सूचना जारी केली आहे.
केंद्रीय आरोग्य मंत्रालयाने लसीकरण पथकांसाठी एसओपी जारी केला आहे. यामध्ये फोटो ओळखपत्र नसलेल्या लोकांची कोविनवर नोंदणी करण्याची जबाबदारी देण्यात आली आहे. कोरोनाविरुद्ध सर्व लसीकरण सॉफ्टवेअरवर रेकॉर्ड केले जात आहे. यासाठी वैध ओळखपत्राची आवश्यकता आहे. केंद्राने म्हटले आहे की, वैध ओळखपत्र असलेल्या एका प्रमुख सूत्रधाराची नेमणूक केली जाईल, जो या गटाच्या लसीकरणाचा मध्यबिंदू आहे. केंद्राने असेही म्हटले आहे की, जेल अधिकारी आणि वृद्धाश्रमाचे अधिकारी मुख्य सूत्रधार म्हणून काम करू शकतात.
याअंतर्गत कोणाला देणार लस?
केंद्राने फोटो आयडी नसलेल्या अनेक लोकांचे गट लसीकरणासाठी चिन्हित केले आहेत. अशा गटात विविध धर्मांचे साधू / संत यांचा समावेश आहे, तुरुंगातील कैदी, मानसिक आरोग्य संस्थांमधील कैदी, वृद्धाश्रमातील व्यक्ती, भिकारी, पुनर्वसन केंद्रात राहणारे लोक यांचा समावेश आहे. ज्यांच्याकडे वैध फोटो आयडी नाही, तेदेखील यामुळे लसीकरणापासून वंचित राहणार नाहीत.
इतरांना लसीकरणासाठी आवश्यक कागदपत्रे
आधार कार्ड, मतदार ओळखपत्र, पासपोर्ट, ड्रायव्हिंग लायसन्स, पॅन कार्ड, एनपीआर स्मार्ट कार्ड आणि पेन्शनची कागदपत्रे लसीकरणासाठी फोटो ओळखपत्र म्हणून वैध आहेत. मंत्रालयाकडे अशा लोकांबाबत राज्य सरकारांकडून कित्येक अर्ज प्राप्त झाले आहेत, ज्यांच्याकडे एकही पुरावा नाही. मंत्रालयाने म्हटले आहे की, कोविड -19 लसीकरण सेवा केवळ ओळखपत्राचा पुरावा नसल्यामुळे नाकारता येणार नाही.
महत्त्वाच्या बातम्या
- प्रसिद्ध कॉमेडियन संकेत भोसलेवर पंजाबात गुन्हा, लग्नात गर्दी जमवल्याचा आरोप, काही दिवसांपूर्वीच केली होती राहुल गांधींची खिल्ली उडवणारी जाहिरात
- एम. के. स्टालिन यांनी घेतली तामिळनाडूच्या मुख्यमंत्रिपदाची शपथ, मंत्रिमंडळात 33 मंत्र्यांचा समावेश
- Alert For LIC Customers : एलआयसीने कामाच्या दिवसांत केला मोठा बदल, 10 मेपासून लागू हे नियम
- पोलिसांनी सोशल मीडियावर काय करावे व काय करू नये यासाठी केंद्राचे नवे धोरण, युजर्सशी वाद टाळण्याचा सल्ला
- India Corona Cases Updates : देशात सलग दुसऱ्या दिवशी ४ लाखांहून अधिक रुग्णांची नोंद, मागच्या १० दिवसांत दर तासाला १५० मृत्यू