प्रतिनिधी
मुंबई : वाढत्या महागाईवर नियंत्रण मिळवण्याच्या संघर्षादरम्यान अमेरिकेच्या फेडरल रिझर्व्हने व्याजदरात 25 बेसिस पॉइंट्सनी म्हणजेच 0.25 टक्के वाढ केली आहे. अमेरिकेच्या सेंट्रल बँकेने सलग 10व्यांदा व्याजदरात वाढ केली आहे. या वाढीसह व्याजदर 5.1 टक्क्यांवर पोहोचला आहे. ही 16 वर्षांतील सर्वोच्च पातळी आहे. 1980 नंतर दरवाढीचा हा सर्वात मोठा वेग आहे.The US Federal Reserve raised interest rates for the 10th time in a row, up 0.25 percent, the highest in 16 years.
गेल्या वर्षी मार्चपासून अमेरिकेच्या मध्यवर्ती बँकेने दर वाढवण्याची प्रक्रिया सुरू केली. त्यावेळी बेंचमार्क व्याज दर शून्य होता, जो आता 5.1% वर पोहोचला आहे. अमेरिकेत तीन बँका बुडाल्या आहेत, इतर बँकांनी त्या विकत घेतल्या आहेत अशा वेळी हा दर वाढवण्यात आला आहे.
तथापि, फेड रिझर्व्हने बँकिंग क्षेत्रातील गोंधळाच्या दरम्यान व्याजदर वाढीची मोहीम थांबवण्याचे संकेत दिले आहेत. युनायटेड स्टेट्समधील बँका आणि वित्तीय संस्थांना केंद्रीय बँक ज्या दराने कर्ज देते तो दर म्हणजे फेडरल व्याजदर. यामध्ये वाढ झाल्याने ग्राहक आणि व्यवसायांना कर्ज घेणे अधिक महाग होईल.
पुन्हा एकदा सोन्यात तेजी
व्याजदर वाढीच्या अपेक्षेने सोने पुन्हा एकदा तेजीत राहिले आणि बुधवारी भारतात 670 रुपयांनी वधारले. शेअर बाजारात घसरण दिसून आली. अमेरिकेतील व्याजदर वाढवण्याची प्रक्रिया आता थांबू शकते, असे विश्लेषकांचे मत आहे. बुधवारी दर वाढवल्यानंतर फेडने सांगितले की महागाई उच्च पातळीवर आहे. अलीकडील काही बँकांचे अपयश असूनही यूएस बँकिंग प्रणाली मजबूत आणि लवचिक आहे
The US Federal Reserve raised interest rates for the 10th time in a row, up 0.25 percent, the highest in 16 years.
महत्वाच्या बातम्या
- पुतीन यांच्या घरावर ड्रोन हल्ला, रशियाचा आरोप- राष्ट्रपतींच्या हत्येचा कट, झेलेन्स्की म्हणाले- आमच्याकडे एवढी ताकद नाही
- मुख्यमंत्री वैद्यकीय सहाय्यता निधी मिळवावा कसा?; वाचा ही महत्त्वाची माहिती!
- निवृत्ती – राजीनामा वगैरे राजकीय नाट्यानंतरच घराणेशाही पक्षांमध्ये खांदेपालट, हा तर खरा इतिहास!!
- सुप्रिया सुळेंकडे खासदारकीच्या कामाचा व्याप, त्यामुळे आत्या सरोज पाटलांचा त्यांच्या राष्ट्रवादीच्या अध्यक्षपदाला विरोध!!