18,000 बसेसचा ताफा असलेल्या एसटी महामंडळाकडे आर्थिक तंगी असल्यामुळे कर्मचाऱ्यांचे पगारही विलंबाने होत आहे. The ST Corporation has no money for diesel, forcing employees to take leave
विशेष प्रतिनिधी
मुंबई : कोरोना महामारी, लॉकडाऊन आणि आर्थिक मंदीच्या दुहेरी संकटाने एसटीला वेढा घातला असून आता तर डिझेलसाठीही एसटीकडे पैसे नसल्याचे समोर आले आहे. त्यामुळे एसटी महामंडळ काही फेऱ्या रद्द करत असून त्या बसवरील वाहक व चालकांना सक्तीने रजेवर जाण्यास सांगत असल्याचा आरोप एसटी कर्मचारी संघटनेने केला आहे.
18,000 बसेसचा ताफा असलेल्या एसटी महामंडळाकडे आर्थिक तंगी असल्यामुळे कर्मचाऱ्यांचे पगारही विलंबाने होत आहे. ऐन गणेशोत्सवाच्या पार्श्वभूमीवर एसटीच्या या दुरवस्थेचा फटका गावाला जाण्यासाठी रांगेत उभे असलेल्यांना बसण्याची शक्यता आहे.
एसटीमध्ये जवळपास 97,000 कर्मचारी आहेत. त्यापैकी केवळ 55,516 कर्मचाऱ्यांचेच लसीकरण करण्यात आले आहे. स्थानिक पातळीवर आगार व्यवस्थापक लसीकरणासाठी सुटी देत नसल्यामुळे ही प्रक्रियाही मंदावली असल्याची माहिती महाराष्ट्र एसटी कर्मचारी आणि काँग्रेसचे सरचिटणीस श्रीरंग बर्गे यांनी दिली.
लॉकडाऊनमुळे झालेल्या या नुकसानामुळे गेल्या वर्षी महाराष्ट्र परिवहन मंत्री आणि एमएसआरटीसीचे अध्यक्ष अनिल परब यांच्या नेतृत्वाखाली एमएसआरटीसील खर्च कमी करण्याचा व राज्यभरात त्याचे कामकाज व्यवहार्य करण्यासाठी अनेक उपाययोजना करण्याचा निर्णय घेतला होता.
The ST Corporation has no money for diesel, forcing employees to take leave
महत्त्वाच्या बातम्या
- सेक्स गुलाम बनविण्यासाठी तालीबान अफगणिस्थानातील घराघरात मुली आणि विधवांचा घेतेय शोध
- अभिनेते प्रशांत दामले राज्य सरकारवर संतप्त, मोगॅँबो खुश हुआ म्हणत हॉटेल-मॉल्स मालकांचे अभिनंदन करत साधला निशाणा
- शिक्षणसम्राट मंत्र्यांना सामान्यांपेक्षा आपल्या संस्थांचीच काळजी, १५ टक्के फी कपातीवरून मंत्रीमंडळ बैठकीत खडाजंगी
- Maharashtra Unlock : 15 ऑगस्टपासून लॉकडाऊन मधून ‘स्वातंत्र्य’; टास्क फोर्सचा शाळा, महाविद्यालयं सुरू करण्यास विरोध