Shiv sena MLA Santosh Bangar : ‘शासनाचे काम अन् बारा महिने थांब’ याचा प्रत्यय अशा कोरोना संकटाच्या काळात यावा, ही अत्यंत दुर्दैवाची बाब आहे. अवघ्या देशात सध्या रेमडेसिव्हिर इंजेक्शनसाठी मोठी मारामार सुरू आहे. हिंगोलीत लालफीतशाहीमुळे रेमडेसिव्हिरची थेट विक्री शक्य नसल्याने शिवसेना आमदार संतोष बांगर रुग्णांच्या मदतीसाठी सरसावले आहेत. त्यांनी स्वत:ची 90 लाखांची एफडी मोडून रेमडेसिव्हिर खरेदीसाठी ती खासगी वितरकाला उपलब्ध करून दिली. या माध्यमातून जिल्ह्यात 5 हजार रेमडेसिव्हिर इंजेक्शन उपलब्ध होणार आहेत. आमदार बांगर यांच्या या कौतुकास्पद कामामुळे अनेक अतिगंभीर रुग्णांना जीवदान मिळू शकेल. Shiv sena MLA Santosh Bangar Broke His Own Rs 90 Lakh FD To Buy 5000 remdesivir Injections For District
विशेष प्रतिनिधी
हिंगोली : ‘शासनाचे काम अन् बारा महिने थांब’ याचा प्रत्यय अशा कोरोना संकटाच्या काळात यावा, ही अत्यंत दुर्दैवाची बाब आहे. अवघ्या देशात सध्या रेमडेसिव्हिर इंजेक्शनसाठी मोठी मारामार सुरू आहे. हिंगोलीत लालफीतशाहीमुळे रेमडेसिव्हिरची थेट विक्री शक्य नसल्याने शिवसेना आमदार संतोष बांगर रुग्णांच्या मदतीसाठी सरसावले आहेत. त्यांनी स्वत:ची 90 लाखांची एफडी मोडून रेमडेसिव्हिर खरेदीसाठी ती खासगी वितरकाला उपलब्ध करून दिली. या माध्यमातून जिल्ह्यात 5 हजार रेमडेसिव्हिर इंजेक्शन उपलब्ध होणार आहेत. आमदार बांगर यांच्या या कौतुकास्पद कामामुळे अनेक अतिगंभीर रुग्णांना जीवदान मिळू शकेल.
कोरोना महामारीचा सर्वात मोठा उद्रेक महाराष्ट्रात दिसून येत आहे. अनेक ठिकाणी बेड, ऑक्सिजन व रेमडिसिव्हिरचा प्रचंड तुटवडा आहे. कित्येकांना यामुळे प्राण गमवावे लागत आहेत. हिंगोलीतही याहून वेगळी परिस्थिती नाही. मागच्या काही दिवसांपासून जिल्ह्यात ऑक्सिजनसह रेमडेसिव्हर इंजेक्शनचा तुटवडा जाणवत आहे. परिणामी, अनेकांना आपले जीव गमवावे लागले. यावर बांगर यांनी आपली एफडी मोडून मदत केली आहे.
रेमडेसिव्हिर इंजेक्शन मागवण्यासाठी वितरकांना मोठी रक्कम अडकवून ठेवावी लागते. शासनाकडून वेळेत रकमेची परतफेड होत नाही, यामुळे त्यांना व्याजाचा भुर्दंडही सहन करावा लागतो. यामुळे रकमेअभावी रेमडेसिव्हिरची मागणी नोंदवण्यास वितरकही हतबल होऊन जातात. ही अडचण जेव्हा आ. बांगर यांना समजली तेव्हा त्यांनी स्वतःची ९० लाखांची एफडी मोडून खाजगी वितरकाला रक्कम उपलब्ध करून दिली. यातून आता हिंगोली जिल्ह्याला 5 हजार रेमडेसिव्हर इंजेक्शन मिळणार आहेत. आता जेव्हा जिल्हा प्रशासन वितरकाला निधी देईल, तेव्हा ती रक्कम आमदार बांगर यांना देण्यात येणार आहे.
Shiv sena MLA Santosh Bangar Broke His Own Rs 90 Lakh FD To Buy 5000 remdesivir Injections For District
महत्त्वाच्या बातम्या
- भारताने केलेल्या मदतीचा अमेरिकेला विसर, आता दबावामुळे बायडेन प्रशासनाकडून मदतीचा हात पुढे
- Covaxin Price : भारत बायोटेकची कोव्हॅक्सिन राज्यांना 600 रुपये, तर खासगी रुग्णालयांना 1200 रुपयांत मिळणार
- Corona Updates In India : देशात कोरोनाचा स्फोट! २४ तासांत ३.४९ लाख रुग्णांची नोंद, २७६७ मृत्यू
- AIIMS च्या उभारणीत मोदी सरकार सर्वात पुढे, घोषणा केलेल्या १४ पैकी ११ एम्स कार्यरत, मनमोहन सरकारने उभारले फक्त एक
- रेल्वेतर्फे 5600 आयसोलेशन कोच ; कोरोना रुग्णांवर उपचार, क्वारंटाईनसाठी वापर