प्रतिनिधी
मुंबई : दिवाळी अगदी तोंडावर आली आहे कोरोनाचे सावट थोडे हटले आहे, पण महापालिका निवडणूक जवळ आल्यानंतर सगळे नगरसेवक आणि इच्छुक कार्यकर्ते मनातल्यामनात म्हणताना दिसत आहेत, “उठा उठा निवडणूक आली गिफ्ट वाटण्याची वेळ झाली…!!”Shiv Sena corporators lead in Diwali distribution in Mumbai
दिवाळी जवळ आली असून आगामी महापालिका निवडणुकीच्या पार्श्वभूमीवर मतदारांपर्यंत पोहोचण्यास राजकीय पक्षांच्या नेत्यांनी सुरुवात केली आहे. त्यामुळे प्रत्येक घरांमध्ये जाऊन दिवाळी भेट वाटप सुरु झाले असून यामध्ये शिवसेना नगरसेवक पुढे असल्याचे पहायला मिळत आहे.
दिवाळीनिमित्त आता प्रत्येक नगरसेवक दिवाळीचा फराळ, तसेच फराळ बनवण्याचे साहित्य, सुगंधित उटणे, साबण आदी वस्तूंचे किट भेट म्हणून देत असतात. यंदा मात्र, अशा प्रकारे वस्तूंचे किट देण्यामध्ये शिवसेना नगरसेवक पुढे असल्याचे दिसून येत आहे.
वडाळा येथील शिवसेना नगरसेवक अमेय घोले यांनी मोफत दिवाळी फराळ साहित्य रवा, बेसन, मैदा, साखर, पोहे, उटणे व पर्यावरणपूरक बॅग यांचे ५ हजार कुटुंबांना वाटप करण्याचा संकल्प केला असून या बॅगचे वाटप सुरु आहे.
तर शिवसेनेच्या प्रभाग क्रमांक १९२ च्या नगरसेविका प्रिती पाटणकर यांनीही दिवाळीनिमित्त फराळ साहित्यांचे वाटप केले आहे. प्रभाग क्रमांक १९४चे नगरसेवक समाधान सरवणकर यांनी लोकांना पणती, उटण्यांचे वाटप केले आहे.
वरळीतील प्रभाग क्रमांक १९३ मधील नगरसेविका हेमांगी वरळीकर यांनीही विभागातील दीपावलीनिमित्त स्वस्त दरात धान्य वितरण करण्यास सुरुवात केली आहे.
तर स्थायी समिती अध्यक्ष यशवंत जाधव आणि आमदार यामिनी जाधव यांनी भायखळ्यातील जनतेला सवलतीच्या दरात दिवाळी साहित्य उपलब्ध करून दिले आहे. कोरोना काळात निराधार झालेल्या कुटुंबांना मोफत साहित्यही देण्यात आले. मात्र, एरवी भाजपचे नगरसेवक पुढे असतात. परंतु यंदा भाजप अजून तरी दिवाळी वाटपात जास्त पुढे असल्याचे दिसून येत नाही.
Shiv Sena corporators lead in Diwali distribution in Mumbai
महत्त्वाच्या बातम्या
- ड्रॅगनचा थरकाप उडवणारा छळ : चीन उइघर मुस्लिमांचे लिव्हर आणि किडन्या विकून करतोय अब्जावधींची कमाई, रिपोर्टमध्ये दावा
- माजी गव्हर्नर रघुराम राजन यांनी अर्थव्यवस्था आणि शेअर बाजाराच्या भवितव्याबाबत केले मोठे विधान, म्हणाले – भारतीयांचा विश्वास कमी झाला
- भुजबळांची सांगितला जेलचा अनुभव ; म्हणाले -‘दोन-अडीच वर्षे मी ही आर्थर रोड कारागृहात, जे लोक स्वागतासाठी होते तेच नंतर लक्ष ठेवण्यासाठी’
- वेगाने होणाऱ्या पृथ्वीवरील हवामान बदलांचा साक्षीदार ठरला फ्रेंच अंतराळवीर थॉमस पेस्केट! भविष्याबद्दल व्यक्त केली चिंता