प्रतिनिधी
मुंबई : एकनाथ शिंदे यांच्या बंडखोरीनंतर महाराष्ट्रात सत्तेवर आलेल्या शिंदे फडणवीस सरकारने 164 विरुद्ध 99 मतांनी आपल्यावरील विश्वास दर्शक ठराव आज विधानसभेत मंजूर करून घेतला. त्यामुळे आता शिंदे – फडणवीस सरकारच्या सत्तेवर अखेर शिक्कामोर्तब झाले आहे. Shinde – Seal of majority on Fadnavis government
शिंदे-भाजप सरकारचा विजय
सोमवारी सकाळी 11 वाजता विधान भवनात बहुमत चाचणीला सुरुवात झाली. यामध्ये शिंदे-भाजप आघाडीने 164 मतं मिळवत दणदणीत विजय मिळवला आहे. त्यामुळे आता शिंदे-भाजप सरकारला अधिकृतरित्या मान्यता मिळाली आहे. रविवारी झालेल्या अध्यक्षपदाच्या निवडणुकीत भाजपचे उमेदवार राहुल नार्वेकर विजयी झाल्यामुळे शिंदे-भाजप सरकार बहुमत चाचणीत देखील यशस्वी होईल, हे जवळजवळ स्पष्ट झाले होते. त्याप्रमाणे सोमवारी झालेल्या बहुमताच्या चाचणीत देखील शिंदे-भाजप सरकारने विजय संपादन केला आहे.
Eknath Shinde : अग बाई अरेच्या!!; “मनातले मुख्यमंत्री” की मनातले मांडे??
असे झाले मतदान
बहुमताच्या चाचणीत शिंदे-भाजप आघाडीने 164 मतं मिळवली आहेत. तर महाविकास आघाडीच्या पारड्यात केवळ 99 मतं पडली आहेत. यात एमआयएम आणि समाजवादी पक्षाच्या आमदारांनी तटस्थ भूमिका घेतली आहे. यामुळे शिंदे-भाजप सरकारचे अभिनंदन करण्यात येत आहे.
केवळ औपचारिकता
रविवारी झालेल्या अध्यक्षपदाच्या निवडणुकीत भाजपच्या राहुल नार्वेकर यांना 164 तर महाविकास आघाडीला 107 मतं मिळाली होती. या निकालामुळे बहुमत चाचणी ही केवळ औपचारिकता राहिली होती. शिंदे-भाजप आघाडीचा विजय हा निश्चित मानला जात होता. या निवडणुकीत एकूण 287 आमदारांपैकी 271 आमदारांनी प्रत्यक्ष मतदानात सहभाग घेतला. यामध्ये समाजवादी पक्षाच्या दोन, तर एमआयएमच्या एका आमदाराने तटस्थ भूमिका घेतली.
Shinde – Seal of majority on Fadnavis government
महत्वाच्या बातम्या
- मुख्यमंत्री एकनाथ शिंदे यांची आज विधानसभेत अग्निपरीक्षा, नव्या सरकारला फ्लोअर टेस्टला सामोरे जावे लागणार
- शिवसेना गट नेतेपदाच्या शिक्कामोर्तबासह शिंदे सरकार आज जाणार शक्तिपरीक्षेला सामोरे!!
- शरद पवार म्हणतात : मध्यावधी निवडणुकांना तयार राहा;… पण राष्ट्रवादीला त्या हव्यातच का??
- भाजपची आक्रमक खेळी : शिवसेना, समाजवादी, टीआरएस 3 प्रादेशिक पक्षांवर ओढवली कंबख्ती!!