प्रतिनिधी
मुंबई – राष्ट्रवादीचे अध्यक्ष शरद पवार यांनी आज वर्षावर जाऊन मुख्यमंत्री उध्दव ठाकरे यांची भेट घेतल्याची बातमी आली. पण मुख्यमंत्र्यांच्या भेटीला जाण्यापूर्वी शरद पवारांनी एका बैठकीत उध्दव ठाकरे यांच्या कामाचे कौतूक केले. त्यांनी कोरोना काळात वडिलांप्रमाणे भूमिका निभावली, असे उद्गार शरद पवारांनी काढल्याची माहिती राज्याचे कृषिमंत्री दादा भुसे यांनी दिली. sharad pawar praise CM uddhav thackeray in shyadri meeting, before he met mr. thackeray at Varsha; claims dada bhuse
शरद पवार यांच्या प्रमुख उपस्थितीत सह्याद्री अतिथीगृहात ‘महाराष्ट्रातील फलोत्पादन क्षेत्र : वस्तुस्थिती, संधी आणि दिशा’ या विषयावर बैठक झाली. या बैठकीला उपमुख्यमंत्री अजित पवार, स्वतः कृषी मंत्री दादा भूसे, परिवहन मंत्री अनिल परब यांची उपस्थित होते. राज्यातील विविध प्रश्नांवर या बैठकीमध्ये चर्चा झाली. या बैठकीनंतर दादा भुसे यांनी माहिती दिली.
मुख्यमंत्री उद्धव ठाकरे यांनी कोरोनाच्या काळात उत्तम काम केले आहे. वडिलांप्रमाणे त्यांनी भूमिका निभावली आहे. त्यामुळे ते लोकप्रिय मुख्यमंत्री ठरले आहेत, असे कौतुकोद्गार शरद पवार यांनी काढल्याचे दादा भुसे यांनी सांगितले.
सह्याद्रीतल्या बैठकीनंतर शरद पवार मुख्यमंत्री उद्धव ठाकरे यांची भेट घेण्यासाठी वर्षा या शासकीय निवास्थानी गेले होते. वर्षावर दोन्ही नेत्यांमध्ये जवळपास अर्धा तास चर्चा झाली. मात्र, महाविकास आघाडीतील धुसफूस, विधानसभेच्या अध्यक्षांची निवडणूक, काँग्रेसचे प्रदेशाध्यक्ष नाना पटोले यांचे शिवसेना आणि राष्ट्रवादीवर शरसंधान, राष्ट्रवादी आणि शिवसेनेच्या मंत्र्यावर असलेली ED ची टांगती तलवार या विषयांवर ठाकरे आणि पवारांमध्ये चर्चा झाल्याचे समजते. मात्र चर्चेचा अधिकृत तपशील मात्र समोर येऊ शकला नाही.
sharad pawar praise CM uddhav thackeray in shyadri meeting, before he met mr. thackeray at Varsha; claims dada bhuse
महत्त्वाच्या बातम्या
- रेल्वे स्टेशन की विमानतळ, गुजरातमधील गांधीनगर स्टेशनवर चक्क फाईव्ह स्टार हॉटेल
- ख्रिश्चन धर्मियांच्या भावना दुखावल्याप्रकरणी अभिनेत्री करिना कपूरविरुध्द तक्रार, गुन्हा दाखल करण्याची मागणी
- ‘छोट्या माणसा’ला शरद पवारांनी घरी बोलावलेच नाही, नाना पटोले यांनी केला खुलासा