राज्यात कोरोनाचा कहर सुरू असताना पुण्यात मात्र राजकारणाचे डाव रंगत आहे. गेल्या महापालिका निवडणुकीत राष्ट्रवादी काँग्रेस विरोधात सक्रिय असलेले भाजपचे माजी खासदार संजय काकडे यांना अटक करण्यात आली आहे. गुंड गजा मारणे याच्या रॅलीला आर्थिक मदत केल्याचा आरोप त्यांच्यावर ठेवण्यात आला आहे. Sanjay Kakade also arrested for allegedly providing financial assistance to the rally
विशेष प्रतिनिधी
पुणे : राज्यात कोरोनाचा कहर सुरू असताना पुण्यात मात्र राजकारणाचे डाव रंगत आहे. गेल्या महापालिका निवडणुकीत राष्ट्रवादी काँग्रेस विरोधात सक्रिय असलेले भाजपचे माजी खासदार संजय काकडे यांना अटक करण्यात आली आहे. गुंड गजा मारणे याच्या रॅलीला आर्थिक मदत केल्याचा आरोप त्यांच्यावर ठेवण्यात आला आहे.
गेल्या महापालिका निवडणुकीत राष्ट्रवादी काँग्रेसचा दारुण पराभव झाला होता. त्यात संजय काकडे यांची भूमिका होती, असे बोलले जात होते. राष्ट्रवादीच्या अनेक नेत्यांना फोडुन भाजपात नेण्यातही काकडे यांचा मोठा वाटा होता. शरद पवार, अजित पवार यांच्या विरोधात त्यांनी वक्तव्येही केली होती. त्यामुळे राज्यात सत्ताबदल झाल्यापासूनच काकडे उपमुख्यमंत्री अजित पवार यांच्या निशाण्यावर आहेत अशी चर्चा आहे.
काकडे यांचे व्याही माजी आमदार अनिल भोसले शिवाजीराव भोसले सहकारी बँकेच्या प्रकरणात वर्षांपासून कारागृहात आहेत.
काकडे यांनाही राष्ट्रवादीशी घेतलेला पंगा भोवणार असे बोलले जात होते. त्याला निमित्त गुंड गजा मारणेची रॅली झाले आहे.गजा
मारणे याची काही दिवसांपूर्वी तळोजा कारागृहातून सुटका झाली. यावेळी त्याचे समर्थक मोठ्या संख्येने कारागृहाबाहेर जमले होते. सुमारे तीनशे वाहनांच्या ताफ्यासह मारणे याची रॅली निघाली होती. या प्रकरणात पोलिसांनी मारणेला अटक केली आहे. आता रॅलीला आर्थिक मदत केल्याच्या आरोपावरून संजय काकडे यांनाही अटक करण्यात आली आहे.
Sanjay Kakade also arrested for allegedly providing financial assistance to the rally
महत्त्वाच्या बातम्या
- कट्टरतावादासमोर पाक सरकारची पुन्हा सपशेल शरणागती , फ्रान्सच्या राजदूताची गच्छंती अटळ
- बंगालमध्ये मतदानावेळी हिंसाचाराची शक्यता; आज सहाव्या टप्प्यातील ४३ जागांसाठी मतदान
- अदर पूनावाला यांनी मानले पंतप्रधान नरेंद्र मोदी आणि केंद्रीय अर्थमंत्री निर्मला सीतारामन यांचे आभार
- कोरोना रुग्णांसाठी मशिदीमध्ये उभारले कोविड सेंटर ; गुजरातमधील वडोदरात सामाजिक बांधिलकी जपली
- खेड्यामध्ये ऑक्सिजन प्लांट टाकणाऱ्याला अनेकांनी काढलं होत वेड्यात ; आज तोच वाचवतोय हजारो रुग्णांचे प्राण