महाराष्ट्र कुस्तीगीर परिषदेला अध्यक्ष मिळाले चार वेळा विदर्भ केसरी स्पर्धा जिंकणारे रामदास तडस!!; पवारांचे वर्चस्व संपुष्टात

प्रतिनिधी

मुंबई : राष्ट्रवादीचे अध्यक्ष शरद पवार अध्यक्ष असलेली महाराष्ट्र राज्य कुस्तीगीर परिषद काही दिवसांपूर्वी बरखास्त केली होती. त्यावेळी राजकीय हेतूने हा निर्णय झाल्याचीही चर्चा होती. मात्र आता भाजप खासदार रामदास तडस महाराष्ट्र राज्य कुस्तीगीर परिषदेच्या अध्यक्षपदी विराजमान होण्याचा मार्ग मोकळा झाला आहे. Ramdas Tadas, who won the four-time Vidarbha Kesari Championship, got the President of the Maharashtra Kustigir Parishad

३१ जुलै रोजी नागपुरात कुस्तीगीर परिषदेच्या अध्यक्षपदासाठी निवडणूक होणार आहे. मात्र काकासाहेब पवार आणि धवलसिंह मोहिते पाटील यांनी उमेदवारी अर्ज मागे घेतल्याने ही निवडणूक बिनविरोध झाली आहे. रामदास तडस हे वर्धा लोकसभा मतदारसंघातून खासदार आहेत. तडस हे स्वतः चार वेळा विदर्भ केसरी राहिले आहेत.

शरद पवारांचे वर्चस्व संपवून कुस्तीगीर परिषदेवर ताबा मिळवण्याचा भाजपचा प्रयत्न यशस्वी झाला आहे. काकासाहेब पवार सचिव, तर वैभव लांडगे उपाध्यक्षपदी असतील.या आधी महाराष्ट्र राज्य कुस्तीगीर परिषदेचं उपाध्यक्षपद रामदास तडस यांनी भूषवलं आहे. तडस हे स्वतः चार वेळा विदर्भ केसरी राहिले आहेत. तडस अजूनही अनेकदा कुस्तीच्या मैदानात उतरल्याचे पाहायला मिळते.

कोण आहेत रामदास तडस?

रामदास तडस हे वर्धा लोकसभा मतदारसंघातून भाजपच्या तिकिटावर सलग दुसऱ्यांदा खासदार आहेत. २०१४ मध्ये दोन लाखांहून जास्त मताधिक्य मिळवत काँग्रेस उमेदवार सागर मेघे यांचा त्यांनी पराभव केला होता. २०१९ मध्ये त्यांनी आपली जागा राखण्यात यश मिळवलं.

याआधी रामदास तडस राष्ट्रवादीत होते. वर्धा चंद्रपूर गडचिरोली विधान परिषदेतून तडस दोन वेळा आमदार झाले आहेत. देवळी नगरपरिषदेचं अध्यक्षपद त्यांनी भूषवलं आहे. तर राष्ट्रवादीने त्यांना एसटी महामंडळाचं संचालकपदही दिलं होतं. पण आता ‘घड्याळ’ सोडून भाजपात गेलेला खासदारच शरद पवारांची जागा घेणार असल्याचं निश्चित झालं आहे.

२००९ मध्ये भाजप प्रवेशानंतर त्यांनी देवळी विधानसभा मतदारसंघातून निवडणूक लढवली, मात्र माजी राज्यमंत्री रणजीत कांबळेंकडून त्यांना पराभवाचा धक्का बसला होता.

Ramdas Tadas, who won the four-time Vidarbha Kesari Championship, got the President of the Maharashtra Kustigir Parishad

महत्वाच्या बातम्या 

• 9 महानगरपालिकांच्या निवडणुकांसाठी प्रभागनिहाय प्रारूप मतदार याद्या 13 ऑगस्टला प्रसिद्ध होणार
• १०० कोटींमध्ये राज्यसभेची जागा, राज्यपाल करण्याचे आमिष, CBIने केला टोळीचा पर्दाफाश
• द फोकस एक्सप्लेनर : डॉलरच्या तुलनेत का कमजोर झाला रुपया? कशी सांभाळणार स्थिती? वाचा सविस्तर…
• Droupadi Murmu Profile : कोण आहेत द्रौपदी मुर्मू? पतीच्या निधनानंतर 2 मुलेही गमावली, शिक्षिका झाल्या; नंतर पाटबंधारे विभागात लिपिक म्हणून काम