व्यापारी केतन तन्ना यांच्या तक्रारीवरून 30 जुलै रोजी ठाणे नगर पोलीस स्टेशनमध्ये परमबीर सिंह आणि इतर 27 जणांविरोधात नोटीस जारी करण्यात आली आहे. Parambir Singh’s problem escalates again, Maharashtra police issues lookout notice, accuses him of collecting crores of rupees through fake case
विशेष प्रतिनिधी
मुंबई : माजी पोलीस आयुक्त परमबीर सिंह यांच्या अडचणीत दिवसेंदिवस वाढच होत आहे. आता ठाणे पोलिसांनी वसुलीच्या एका प्रकरणात परमबीर सिंहच्या विरोधात लुकआउट नोटीस जारी केली आहे. गुरुवारी एका अधिकाऱ्याने ही माहिती दिली. ते म्हणाले की, व्यापारी केतन तन्ना यांच्या तक्रारीवरून 30 जुलै रोजी ठाणे नगर पोलीस स्टेशनमध्ये परमबीर सिंह आणि इतर 27 जणांविरोधात नोटीस जारी करण्यात आली आहे.
एखाद्या व्यक्तीला देशातून पळून जाण्यापासून रोखण्यासाठी लुकआऊट नोटीस जारी केली जाते. वसुलीच्या आरोपावर नोंदवलेल्या एफआयआरमध्ये पूर्व ठाण्याचे माजी पोलीस आयुक्त परमबीर सिंह आणि इतर अनेक पोलीस अधिकाऱ्यांची नावे यात समाविष्ट आहेत.
तन्ना यांनी आरोप केला की, जेव्हा परमबीर सिंह जानेवारी 2018 ते फेब्रुवारी 2019 दरम्यान ठाणे पोलीस आयुक्त होते, तेव्हा त्यांना गंभीर प्रकरणांमध्ये अडकवण्याची धमकी देऊन त्यांच्याकडून 1.25 कोटी रुपये वसूल करण्यात आले.
अलीकडेच ठाण्यात परमबीर सिंगच्या विरोधात एफआयआर नोंदवण्यात आला आहे. परमवीर सिंगसह 28 लोकांविरुद्ध खंडणी, धमकीसह विविध कलमांखाली एफआयआर नोंदवण्यात आला आहे. या एफआयआरमध्ये माजी एन्काउंटर स्पेशालिस्ट प्रदीप शर्मा, डीसीपी दीपक देवराज, एनटी कदम आणि राजकुमार कोथमिरे यांच्यासह 28 जणांना आरोपी करण्यात आले आहे. गुंड रवीसह पोलिसांनी बनावट केस केल्याचा आरोप करण्यात आला आहे.
इतरांकडूनही कोट्यवधींची वसुली
कारवाई न केल्यामुळे आणि आरोपींच्या यादीतून नावे वगळल्याबद्दल केतन तन्नाकडून 1 कोटी 25 लाख रुपये, सोनू जालानकडून 3 कोटी 45 लाख रुपये आणि किरण मालाकडून 1.50 कोटी रुपये वसूल करण्यात आले. यादरम्यान परमबीर सिंह हे मुंबई पोलीस आयुक्त होते.
Parambir Singh’s problem escalates again, Maharashtra police issues lookout notice, accuses him of collecting crores of rupees through fake case
महत्त्वाच्या बातम्या
- सेक्स गुलाम बनविण्यासाठी तालीबान अफगणिस्थानातील घराघरात मुली आणि विधवांचा घेतेय शोध
- अभिनेते प्रशांत दामले राज्य सरकारवर संतप्त, मोगॅँबो खुश हुआ म्हणत हॉटेल-मॉल्स मालकांचे अभिनंदन करत साधला निशाणा
- शिक्षणसम्राट मंत्र्यांना सामान्यांपेक्षा आपल्या संस्थांचीच काळजी, १५ टक्के फी कपातीवरून मंत्रीमंडळ बैठकीत खडाजंगी
- Maharashtra Unlock : 15 ऑगस्टपासून लॉकडाऊन मधून ‘स्वातंत्र्य’; टास्क फोर्सचा शाळा, महाविद्यालयं सुरू करण्यास विरोध