Prashant Jagtap Arrested : पुण्यात उपमुख्यमंत्री अजित पवारांच्या उपस्थितीत झालेल्या राष्ट्रवादीच्या कार्यक्रमातील प्रचंड गर्दी पक्षाच्या शहराध्यक्षांना भोवली आहे. या कार्यक्रमातील गर्दीवर राज्यभरातून टीकेची झोड उठल्यानंतर राष्ट्रवादी काँग्रेसचे शहराध्यक्ष प्रशांत जगताप यांना अटक करण्यात आली आहे. जगताप यांच्यासह 100 ते 150 कार्यकर्त्यांवर पुण्याच्या शिवाजीनगर पोलीस ठाण्यात गुन्हा दाखल करण्यात आला आहे. NCP Pune City President Prashant Jagtap Arrested For violating Covid 19 guidelines Ajit pawar
विशेष प्रतिनिधी
पुणे : पुण्यात उपमुख्यमंत्री अजित पवारांच्या उपस्थितीत झालेल्या राष्ट्रवादीच्या कार्यक्रमातील प्रचंड गर्दी पक्षाच्या शहराध्यक्षांना भोवली आहे. या कार्यक्रमातील गर्दीवर राज्यभरातून टीकेची झोड उठल्यानंतर राष्ट्रवादी काँग्रेसचे शहराध्यक्ष प्रशांत जगताप यांना अटक करण्यात आली आहे. जगताप यांच्यासह 100 ते 150 कार्यकर्त्यांवर पुण्याच्या शिवाजीनगर पोलीस ठाण्यात गुन्हा दाखल करण्यात आला आहे.
उपमुख्यमंत्री अजित पवारांच्या हस्ते पुण्यात राष्ट्रवादी काँग्रेसच्या कार्यालयाचं उद्घाटन करण्यात आलं होतं. या कार्यक्रमाला प्रचंड गर्दी झाली होती. ही गर्दी कोरोनाचा प्रादुर्भाव वाढवणारी ठरू शकते, असं सांगत राष्ट्रवादीचे शहराध्यक्ष प्रशांत जगताप यांच्याविरोधात गुन्हा दाखल करण्याची मागणी महापौर मुरलीधर मोहोळ यांनी केली होती. त्यानंतर जगताप यांच्यासह राष्ट्रवादीच्या शेकडो कार्यकर्त्यांवर गुन्हा दाखल करण्यात आला.
पुणे शहरात राष्ट्रवादी काँग्रेसच्या कार्यालयाचे उद्घाटन झाले. या कार्यक्रमाला प्रचंड गर्दी लोटली होती. कोरोना नियमांचे यामुळे उल्लंघन झालं होतं. खुद्द उपमुख्यमंत्र्यांच्या साक्षीने हा प्रकार घडल्याने प्रचंड टीका सुरू झाली होती. यामुळे सर्वसामान्यांमध्ये चुकीचा संदेश गेला. यानंतर अखेर राष्ट्रवादीच्या कार्यकर्त्यांवर गुन्हा दाखल करण्यात आला.
दुसरीकडे, कार्यकर्त्यांऐवजी थेट अजित पवारांवरच गुन्हा दाखल करण्याची मागणी भाजप आमदार गोपीचंद पडळकरांनी केली आहे. अजित पवार यांनी या गर्दीबाबत दिलगिरी व्यक्त केली. अशा पद्धतीनं गर्दी करायला नको होती, असं ते म्हणाले होते.
NCP Pune City President Prashant Jagtap Arrested For violating Covid 19 guidelines Ajit pawar
महत्त्वाच्या बातम्या
- काँग्रेस – राष्ट्रवादीचे कार्यकर्ते फोडायला फुल्ल परवानगी, पण शिवसेनेला हात लावायचा नाही हे ठरलेलं – हसन मुश्रीफ
- पुण्यामध्ये आज कोविशिल्ड लस उपलब्ध; १५७ केंद्रांवर सुविधा ; १०० डोस वितरित
- नानांच्या “दोन दाढीवाल्यांचे शटर बंद करायचेय” टीकेला भातखळकरांचे “दाढीचे खुंट वाढवून फिरणारा पाहा”ने प्रत्युत्तर
- न्यूयॉर्कच्या टाइम्स स्क्वेअर येथे ३हजार जणांचे सूर्यनमस्कार ; लडाखमध्ये १८ हजार फूट उंचीवर आयटीबीपीच्या जवानांचा प्राणायाम
- दोन दिवसांच्या दिल्ली भेटीत शरद पवार भाजपला पर्यायी ताकद निर्माण करण्याच्या तयारीत