• Download App
    MPSC exam बाबत मोठा निर्णय;अखेर परीक्षा पुढे ढकलली ! MPSC exam Scheduled On April 11 postphone.

    MPSC exam बाबत मोठा निर्णय ; अखेर परीक्षा पुढे ढकलली

    विशेष प्रतिनिधी 

    मुंबई: वाढत्या कोरोना संसर्गाच्या पार्श्वभूमीवर येत्या रविवारी (दि.11) होणारी एमपीएससी परीक्षा पुढे ढकलली आहे. मुख्यमंत्री उद्धव ठाकरेंनी बोलावलेल्या तातडीच्या बैठकीत याबाबत निर्णय घेण्यात आला आहे.गेल्या काही दिवसांपासून राजकीय, सामाजिक आणि शैक्षणिक क्षेत्रामधून ही परीक्षा पुढे ढकलण्याची मागणी केली जात होती.MPSC exam Scheduled On April 11 postphone

    थपरीक्षार्थी विद्यार्थ्यांनी देखील गेल्या आठवड्याभरापासून सोशल मीडियावर आणि प्रत्यक्ष रस्त्यावर या परीक्षा पुढे ढकलण्याची मागणी केली होती. करोनाचा वाढता प्रादुर्भाव पाहाता परीक्षार्थींच्या सुरक्षेसाठी सरकारने हा निर्णय घावा, अशी मागणी केली जात होती.



    या पार्श्वभूमीवर राज्याचे मुख्यमंत्री उद्धव ठाकरे यांनी आज दुपारी दीडच्या सुमारास बोलावलेल्या तातडीच्या बैठकीमध्ये सर्वानुमते परीक्षा पुढे ढकलण्याचा निर्णय घेण्यात आला आहे.

    महाराष्ट्र लोकसेवा आयोगातर्फे रविवारी म्हणजेच 11 एप्रिलला महाराष्ट्र दुय्यम सेवा अराजपत्रित गट-ब संयुक्त पूर्व परीक्षा होणार होती. परंतु, या परीक्षेवर अनिश्चिततेचं सावट होतं. मात्र, परीक्षेबाबत सरकारकडून एमपीएससी प्रशासनाला कोणतीही सूचना मिळालेली नव्हती.

    त्यातच राज्य सरकारने 30 एप्रिलपर्यंत कठोर निर्बंध लावले असून शनिवारी आणि रविवारी असे दोन दिवस पूर्णपणे लॉकडाऊन आहे. त्यामुळे परीक्षा 11 एप्रिलला होणार का असा प्रश्न उपस्थित झाला होता. मात्र, आता ही परीक्षा होणार नसल्याचे निश्चित झाले आहे.

    भाजपा प्रदेशाध्यक्ष चंद्रकांत पाटील, मनसे प्रमुख राज ठाकरे एमपीएससी परीक्षेसंदर्भात निर्णय घेण्याची मागणी मुख्यमंत्र्यांकडे केली होती.

     

    MPSC exam Scheduled On April 11 postphone.

     

     

    Related posts

    Thackrey brothers तारीख बदलून मोर्चा हिंदी सक्तीच्या विरोधासाठी, की ठाकरे बंधूंच्या ऐक्यासाठी??

    Shaktipeeth Expressway शक्तिपीठ मार्गावरून फडणवीसांच्या धमकीमुळे पवारांची झोप उडाली; पण मोदींनी त्यात लक्ष घातल्यावर पवारांचे काय उडेल??

    माळेगावची निवडणूक शरद पवारांनीच अजितदादांना जिंकून दिल्याची मराठी माध्यमांची टिमकी; प्रत्यक्षात पवारांची ताकद मते फोडण्यापुरतीच उरली!!