BIG B Amitabh Bachchan : बॉलीवूडचे महानायक म्हणून ओळखले जाणारे अमिताभ बच्चन कायम चर्चेत असतात. पण यावेळी चर्चेचे कारण वेगळे आहे. मुंबईच्या जुहू येथे अमिताभ बच्चन यांच्या ‘प्रतीक्षा’ बंगल्याबाहेर काही पोस्टर्सनी सर्वांचे लक्ष वेधून घेतले आहे. हे पोस्टर्स महाराष्ट्र नवनिर्माण सेनेने लावले आहेत. MNS Posters Outside BIG B amitabh Bachchan Bunglow Pratiksha
विशेष प्रतिनिधी
मुंबई : बॉलीवूडचे महानायक म्हणून ओळखले जाणारे अमिताभ बच्चन कायम चर्चेत असतात. पण यावेळी चर्चेचे कारण वेगळे आहे. मुंबईच्या जुहू येथे अमिताभ बच्चन यांच्या ‘प्रतीक्षा’ बंगल्याबाहेर काही पोस्टर्सनी सर्वांचे लक्ष वेधून घेतले आहे. हे पोस्टर्स महाराष्ट्र नवनिर्माण सेनेने लावले आहेत.
बुधवारी रात्री लावलेल्या या पोस्टर्समध्ये अमिताभ बच्चन यांना मोठेपणा दाखवण्याचे आवाहन करण्यात आले आहे. वास्तविक, या पोस्टर्सच्या माध्यमातून असे आवाहन करण्यात आले आहे की, ज्ञानेश्वर रस्ता रुंदीकरणासाठी अमिताभ बच्चन यांनी मोठे मन दाखवावे आणि प्रशासनाला मदत करावी.
काय आहे वाद?
वास्तविक, बीएमसीतर्फे अमिताभ बच्चन यांच्या प्रतीक्षा बंगल्याची एक भिंत तोडण्याची तयारी सुरू आहे. बीएमसीने 2017 मध्ये या प्रकरणात अमिताभ बच्चन यांना नोटीस पाठविली होती, परंतु त्यांनी त्यास प्रतिसाद दिला नाही.
सध्या येथे रस्ता 45 फूट रुंद आहे. त्यास 60 फूट रुंदीकरणाची तयारी आहे, पण त्यासाठी अमिताभ बच्चन यांच्या बंगल्याची एक भिंत मध्यभागी येत आहे.
अरुंद रस्त्यामुळे येथे दररोज वाहतुकीची कोंडी होते. या विषयावर जेव्हा बीएमसीने अमिताभ बच्चन यांना नोटीस पाठविली होती, तेव्हा त्यांनी न्यायालयात धाव घेतली होती, यामुळे हे काम थांबविण्यात आले होते. पण आता पुन्हा काम सुरू करण्यास कोर्टाने परवानगी दिली आहे. अशा परिस्थितीत आता ही भिंत तोडण्याची तयारी पालिकेने चालवली आहे.
MNS Posters Outside BIG B amitabh Bachchan Bunglow Pratiksha
महत्त्वाच्या बातम्या
- ठाकरे सरकारचा महत्त्वाचा निर्णय, आरोग्य विभागातील अधिकाऱ्यांच्या सेवानिवृत्तीचे वय आता 62 वर्षे
- Maratha Reservation : खा. संभाजी छत्रपतींचे मुख्यमंत्र्यांना पत्र, लढा पुन्हा सुरू करण्याचा इशारा
- ममता बॅनर्जी यांचे मुख्यमंत्रीपद जाण्याच्या धास्तीमुळे तृणमूल कॉँग्रेसची निवडणूक आयोगावर टीका
- भाजप युवा मोर्चाची नवी टीम, आमदार राम सातपुते यांच्यावर उपाध्यक्षपदाची जबाबदारी
- आता अंतराळ पर्यटन, व्हर्जीन गॅलक्टिक कंपनीची दररोज अंतराळ भ्रमण सहल काढण्याची योजना