MLA Wife Attempts Suicide : वाहतूक पोलिसांच्या तत्परतेमुळे आत्महत्या करायला गेलेल्या एका महिलेचे प्राण वाचले आहेत. शनिवारी सकाळी वाहतूक पोलिसांच्या हवालदाराने आत्महत्या करणार्या महिलेला वेळेवर रोखले. या महिलेची चौकशी केली असता त्यांनी एका आमदाराची पत्नी असल्याचे सांगितले आहे. ही घटना उघडकीस येताच घटनास्थळी उपस्थित लोकांमध्ये खळबळ उडाली होती. पोलीस संबंधित महिलेची चौकशी करत आहेत. MLA Wife Attempts Suicide on Mankhurd Bridge, Saved By Traffic Police
विशेष प्रतिनिधी
मुंबई : वाहतूक पोलिसांच्या तत्परतेमुळे आत्महत्या करायला गेलेल्या एका महिलेचे प्राण वाचले आहेत. शनिवारी सकाळी वाहतूक पोलिसांच्या हवालदाराने आत्महत्या करणार्या महिलेला वेळेवर रोखले. या महिलेची चौकशी केली असता त्यांनी एका आमदाराची पत्नी असल्याचे सांगितले आहे. ही घटना उघडकीस येताच घटनास्थळी उपस्थित लोकांमध्ये खळबळ उडाली होती. पोलीस संबंधित महिलेची चौकशी करत आहेत.
सकाळी 10.15च्या सुमारास मानखुर्द परिसरातील वाहतूक पोलिसांचे पथक प्रवाशांना नेहमीप्रमाणे निर्देश देत होते. तेवढ्या एका बाईकस्वाराने त्यांना सूचना दिली की, जवळच मानखुर्द पुलाच्या ग्रिलवर एक महिला बसली असून ती निराश असल्याचे दिसून येत आहे. ही माहिती मिळताच वाहतूक पोलीस हवालदार ढगे यांनी तत्परतेने घटनास्थळाकडे धाव घेतली. दरम्यान, त्याच्या सहकाऱ्यांनी कंट्रोल रूम, मानखुर्द पोलीस स्टेशन आणि नवी मुंबई पोलिसांना याची माहिती दिली.
पोलिसांमुळे वाचले महिलेचे प्राण
कॉन्स्टेबल ढगे यांनी पुलाजवळ येऊन कसेतरी त्या महिलेला ग्रीलमधून खाली येण्यास भाग पाडले. यानंतर त्यांना मानखुर्द पोलीस ठाण्यात आणण्यात आले. महिलेकडून आत्महत्येच्या प्रयत्नाचे कारण जाणून घेण्यास सुरुवात केली तेव्हा तिने सांगितले की ती एका आमदाराची पत्नी आहे.
कौटुंबिक कलहामुळे करणार होती आत्महत्या
कौटुंबिक कलहामुळे निराश झाल्याचे महिलेने पोलिसांना सांगितले. त्यानंतर या महिलेला नवी मुंबई पोलिसांच्या ताब्यात देण्यात आले. आतापर्यंत मिळालेल्या माहितीनुसार, नवी मुंबई पोलिसांनी या महिलेच्या कुटुंबाशी संपर्क साधून त्यांना सर्व घटनेची माहिती दिली आहे.
MLA Wife Attempts Suicide on Mankhurd Bridge, Saved By Traffic Police
महत्त्वाच्या बातम्या
- शेअर बाजाराने रचला इतिहास, मार्केट कॅप पहिल्यांदाच 3 ट्रिलियन डॉलरच्या पुढे, अवघ्या 7 वर्षांत दुप्पट
- धक्कादायक : चोरट्यांनी कोरोनाची लस समजून पोलिओचेच डोस पळवले, कल्याण ग्रामीणमधील घटना
- फायझर-मॉडर्नाचा थेट दिल्ली सरकारला लस देण्यास नकार, मात्र केंद्र सरकारशी डील करण्यास कंपन्या उत्सुक
- वुहानच्या लॅबमधूनच कोरोनाचा प्रसार झाला? अमेरिकी गुप्तचर अहवालानंतर वर्ल्ड हेल्थ असेम्ब्लीची बैठक
- कोरोना मृतांच्या कुटुंबीयांना 4 लाखांच्या भरपाईची याचिकेद्वारे मागणी, सर्वोच्च न्यायालयाने केंद्राला मागितले उत्तर