maharashtra curfew 2021 : गुरुवारी देशभरात कोरोनाचे तब्बल दोन लाखांहून जास्त नवीन रुग्ण आढळले आहेत. महाराष्ट्रातील रुग्णसंख्या सर्वाधिक आहे. दरम्यान, आता रुग्णालयांत जागा अपुरी पडू लागल्याने मुंबईत पंचतारांकित हॉटेल्समध्ये कोरोना रुग्णांसाठी बेडची सोय करण्यात येणार आहे. बीएमसीने गुरुवारी सांगितले की, सध्या खासगी रुग्णालयांना दोन पंचतारांकित हॉटेल्स वापरण्यास मान्यता देण्यात आली आहे. या दोन हॉटेलमध्ये 42 बेड उपलब्ध होतील. maharashtra curfew 2021 Hospitals nearly full in Mumbai, now 5 star hotels to treat corona patients
विशेष प्रतिनिधी
मुंबई : गुरुवारी देशभरात कोरोनाचे तब्बल दोन लाखांहून जास्त नवीन रुग्ण आढळले आहेत. महाराष्ट्रातील रुग्णसंख्या सर्वाधिक आहे. दरम्यान, आता रुग्णालयांत जागा अपुरी पडू लागल्याने मुंबईत पंचतारांकित हॉटेल्समध्ये कोरोना रुग्णांसाठी बेडची सोय करण्यात येणार आहे. बीएमसीने गुरुवारी सांगितले की, सध्या खासगी रुग्णालयांना दोन पंचतारांकित हॉटेल्स वापरण्यास मान्यता देण्यात आली आहे. या दोन हॉटेलमध्ये 42 बेड उपलब्ध होतील.
बीएमसी अधिकाऱ्यांच्या म्हणण्यानुसार, येत्या काही दिवसांत यात आणखी हॉटेल्सही समाविष्ट केली जातील. या ठिकाणी गंभीर लक्षणे नसलेल्या कोरोना रूग्णांवर उपचार केले जातील. याव्यतिरिक्त येत्या आठवड्यात बीएमसीची 2000 बेड वाढवण्याची योजना आहे. यातील काही आयसीयू बेड असतील, तर काही ऑक्सिजन बेड असतील. मुंबईतील रुग्णालयात 98 टक्के आयसीयू आणि व्हेंटिलेटर बेड भरले आहेत.
बीएमसीने जारी केलेल्या परिपत्रकानुसार, रुग्णालये रुग्णांकडून दिवसाचे 4000 रुपये शुल्क घेऊ शकतात. यामध्ये बेड्स आणि फूड चार्जचा समावेश असेल. रुग्णाच्या उपचाराचा खर्च स्वतंत्रपणे भरावा लागेल. एकाच कुटुंबातील दोन जण भरती झाले, तर ट्वीन शेअरिंगचा पर्याय आहे. यासाठी एका दिवसाचे 6 हजार रुपये शुल्क आकारले जातील.
तत्पूर्वी, बृहन्मुंबई महानगरपालिकेचे प्रमुख इक्बालसिंग चहल यांनी सोमवारी म्हटले होते की, सरकारने सीसीसी 2 सुविधा (रुग्णांसाठी कोविड -19 केअर सेंटर) सुरू करण्यासाठी 4 आणि 5 स्टार हॉटेल्सना विनंती केली होती. ही केंद्रे मोठ्या खासगी रुग्णालयांच्या देखरेखीखाली चालविली जातील.
महत्त्वाच्याा बातम्या
- प. बंगालमध्ये काँग्रेस उमेदवाराचा कोरोनामुळे मृत्यू, शमशेरगंज मतदारसंघातून उभे होते रेजाऊल हक
- Corona Updates In India : देशात २४ तासांत २ लाख रुग्णांची नोंद, सक्रिय रुग्णसंख्या १४ लाखांच्या पुढे
- पुण्यात रेमडिसिव्हीरच्या तुटवडा ; संतप्त नातेवाईकांचे जिल्हाधिकारी कार्यालयासमोर ठिय्या आंदोलन
- पुण्याच्या मार्केट यार्डामध्ये तुफान गर्दी ,भाजीपाला खरेदीसाठी झुंबड ; संचारबंदीच्या पहिल्या दिवसाचा फज्जा
- पुण्यातील गृहनिर्माण सोसायट्यामध्ये बाहेरच्या नागरिकांना बंदी ; कोरोनाला रोखण्यासाठी उपाय