तुमचे कर्ज सध्या स्वस्त होणार नाही. कारण रिझर्व्ह बँक ऑफ इंडियाने (RBI) व्याजदरात कोणताही बदल केलेला नाही. याचा अर्थ असा आहे की, तुमच्या सध्याच्या EMI मध्ये कोणताही बदल होणार नाही. RBI गव्हर्नर शक्तिकांत दास यांनी बुधवारी सांगितले की, चलनविषयक धोरण समितीच्या (MPC) बैठकीत रेपो आणि रिव्हर्स रेपो दरांमध्ये कोणतेही बदल न करण्याचा निर्णय घेण्यात आला आहे. Loans are currently expensive: interest rates remain unchanged for 10 times in a row, RBI monetary committee maintains repo and reverse repo rates
वृत्तसंस्था
मुंबई : तुमचे कर्ज सध्या स्वस्त होणार नाही. कारण रिझर्व्ह बँक ऑफ इंडियाने (RBI) व्याजदरात कोणताही बदल केलेला नाही. याचा अर्थ असा आहे की, तुमच्या सध्याच्या EMI मध्ये कोणताही बदल होणार नाही. RBI गव्हर्नर शक्तिकांत दास यांनी बुधवारी सांगितले की, चलनविषयक धोरण समितीच्या (MPC) बैठकीत रेपो आणि रिव्हर्स रेपो दरांमध्ये कोणतेही बदल न करण्याचा निर्णय घेण्यात आला आहे.
कर्जाचे व्याजदर ठरवणारा रेपो दर सध्या ४% आहे आणि रिव्हर्स रेपो दर ३.३५% आहे. व्याजदरांबाबत निर्णय घेणाऱ्या RBIच्या MPCमध्ये 6 सदस्य असतात. यापैकी 3 सरकारचे प्रतिनिधी आहेत आणि उर्वरित 3 सदस्य गव्हर्नरसह आरबीआयचे प्रतिनिधीत्व करतात. RBI फक्त MPCच्या तीन दिवसीय बैठकीत रेपो दर आणि रिव्हर्स रेपो रेट यावर निर्णय घेते.
एमपीसीच्या बैठकीत महत्त्वाचे निर्णय..
- आर्थिक वर्ष 2022-23 च्या दुसऱ्या तिमाहीसाठी GDP वाढीचा अंदाज 7.8% वरून 7% पर्यंत कमी करण्यात आला आहे.
- 2022-23 च्या दुसऱ्या सहामाहीपासून महागाई कमी होईल.
- लसीकरणातून अर्थव्यवस्था सावरत आहे. 2022-23 मध्ये वास्तविक GDP वाढ 7.8% असू शकते.
- खासगी गुंतवणुकीचा वेग मंदावला आहे.
- 2022-23 च्या चौथ्या तिमाहीपासून महागाई कमी होईल.
सलग 10व्यांदा दर स्थिर
RBIने सलग 10व्यांदा रेपो दरात बदल केलेला नाही. 2020 च्या सुरुवातीला, मध्यवर्ती बँकेने मार्चमध्ये रेपो दरात 0.75% (75 bps) आणि मे मध्ये 0.40% (40 bps) कपात केली होती आणि तेव्हापासून रेपो दर 4% च्या ऐतिहासिक नीचांकी पातळीवर घसरला आहे. त्यानंतर आरबीआयने दरांमध्ये कोणताही बदल केलेला नाही.
रेपो रेट आणि रिव्हर्स रेपो रेट म्हणजे काय?
रेपो दर म्हणजे RBI कडून बँकांना ज्या दराने कर्ज दिले जाते. या कर्जातून बँका ग्राहकांना कर्ज देतात. रेपो दर कमी म्हणजे बँकेकडून अनेक प्रकारची कर्जे स्वस्त होतील. तर रिव्हर्स रेपो रेट हा रेपो दराच्या अगदी उलट आहे. रिव्हर्स रेट म्हणजे रिझव्‍‌र्ह बँकेकडून बँकांनी ठेवलेल्या ठेवींवर मिळणारा व्याज दर. रिव्हर्स रेपो रेटद्वारे बाजारात तरलता नियंत्रित केली जाते. म्हणजेच रेपो दर स्थिर असेल तर बँकांकडून मिळणारे कर्जाचे दरही स्थिर राहतील.
Loans are currently expensive: interest rates remain unchanged for 10 times in a row, RBI monetary committee maintains repo and reverse repo rates
महत्त्वाच्या बातम्या
- नगरविकास विभागाच्या उदासीन भूमिकेमुळे महापालिका कर्मचाऱ्यांचे भविष्य अंधारात
- १३५ वर्षांनी आनंदाश्रमातील हस्तलिखिते पुणेकरांसाठी खुली होणार योग, आयुर्वेद, वेद, उपनिषदे, पुराणांवरील पुरातन ठेवा
- आंबेगावात पाटण ते बालवीरवाडी रस्त्याचे काम सुरू मनरेगा अंतर्गत कामांसाठी किसान सभेचे प्रयत्न
- आता रेल्वेबोगींवर राज्य शासनाच्या कल्याणकारी योजनांची प्रसिद्धी पुण्यामार्गे धावणाऱ्या तीन एक्सप्रेससह पाच एक्सप्रेसवरुन मोहीम सुरू