Goa Election 2022 : गोवा विधानसभा निवडणुकीत शिवसेना आणि राष्ट्रवादी काँग्रेस एकत्र लढणार असल्याचं वृत्त आहे. मिळालेल्या माहितीनुसार, 18 तारखेला जागावाटपावर चर्चा होणार आहे. गोव्यात शिवसेना 10 ते 15 जागा लढवू शकते. राष्ट्रवादीचे ज्येष्ठ नेते प्रफुल्ल पटेल 18 जानेवारीला गोव्यात जागावाटपावर चर्चा करणार असून त्यानंतर कोण किती जागांवर निवडणूक लढवणार हे स्पष्ट होईल. Goa Election 2022 Sanjay Raut said Shiv Sena will contest 10 to 15 seats in Goa, will tie up with NCP
वृत्तसंस्था
मुंबई : गोवा विधानसभा निवडणुकीत शिवसेना आणि राष्ट्रवादी काँग्रेस एकत्र लढणार असल्याचं वृत्त आहे. मिळालेल्या माहितीनुसार, 18 तारखेला जागावाटपावर चर्चा होणार आहे. गोव्यात शिवसेना 10 ते 15 जागा लढवू शकते. राष्ट्रवादीचे ज्येष्ठ नेते प्रफुल्ल पटेल 18 जानेवारीला गोव्यात जागावाटपावर चर्चा करणार असून त्यानंतर कोण किती जागांवर निवडणूक लढवणार हे स्पष्ट होईल.
त्याचबरोबर गोव्यात काँग्रेस एकट्याने निवडणूक लढवणार असल्याची माहिती मिळत आहे. दुसरीकडे, शिवसेना नेते संजय राऊत यांनी टीएमसी आणि आम आदमी पक्षावर जोरदार हल्लाबोल केला आहे. टीएमसीची खिल्ली उडवत ते म्हणाले की, गोव्यात टीएमसी स्वतःच मुख्यमंत्री बनली आहे.
राऊत म्हणाले, गोव्यात काँग्रेसच्या जागा वाटपाबाबत मजबुरी
विशेष म्हणजे महाराष्ट्रात तीन पक्षांचे सरकार आहे. राऊत म्हणाले की, महाराष्ट्रात आम्ही राष्ट्रवादी आणि काँग्रेससोबत सरकारमध्ये आहोत, मात्र आता गोव्यात काँग्रेससोबत जागावाटप झाले नाही, तर त्यांच्याही काही मजबुरी असतील आणि आमच्याही काही मजबुरी असतील. राऊत पुढे म्हणाले की, आमच्या उमेदवारांची यादी तयार आहे. आम्ही निवडणूक लढवू, त्यावर १८ जानेवारीला चर्चा होईल आणि त्यानंतर उमेदवारांची यादी जाहीर करू.
दिल्लीचे मुख्यमंत्री गोव्यात
त्याचवेळी अरविंद केजरीवाल म्हणाले की, गोव्याचे राजकारण पुन्हा उभे करायचे असेल तर ते काही लोकांच्या हातात आहे. गोव्यातील भूमाफिया, भ्रष्टाचार आणि अमली पदार्थांच्या तस्करीमध्ये हे लोक सामील आहेत. माफिया हेच तिथे सरकार बनवण्याचे काम करतात.
दिल्लीचे मुख्यमंत्री केजरीवाल यांच्यावर निशाणा साधताना राऊत म्हणाले की, दिल्लीत कोविडची प्रकरणे वाढत आहेत, मात्र त्यांना सोडून मुख्यमंत्री गोव्यात व्यस्त आहेत. खरे तर दिल्लीचे मुख्यमंत्री अरविंद केजरीवाल सध्या गोव्याच्या दौऱ्यावर असून तेथे घरोघरी प्रचार करत आहेत.
Goa Election 2022 Sanjay Raut said Shiv Sena will contest 10 to 15 seats in Goa, will tie up with NCP
महत्त्वाच्या बातम्या
- सीबीआयकडून गेलच्या मार्केटिंग डायरेक्टरला अटक, कोट्यवधींची रोकडही जप्त, दिल्लीसह अनेक ठिकाणी छापे
- देशात लसीकरणाचे 1 वर्ष : भारताने आतापर्यंत 156 कोटी डोस दिले; सर्वाधिक रुग्णसंख्या असलेल्या देशांमध्ये भारताची कशी आहे कामगिरी, वाचा सविस्तर..
- AIMIM candidate list : एमआयएम उमेदवारांची पहिली यादी जाहीर, ओवेसींनी यूपी निवडणुकीत उतरवले हे उमेदवार
- ज्येष्ठ प्रकाशक अरुण जाखडे यांचे आकस्मिक निधन, मराठी साहित्यविश्वातून शोक व्यक्त
- ड्रोनद्वारे उसावर औषध फवारणी; कमी पैशात उत्पादन वाढविणाऱ्या या उपक्रमाचं स्वागत