प्रतिनिधी
मुंबई : राष्ट्रवादी काँग्रेसचे नेते आणि महाराष्ट्राचे माजी गृहमंत्री अनिल देशमुख यांनी रविवारी (12 फेब्रुवारी) धक्कादायक दावा केला. तुरुंगातच मोठी ऑफर आली होती, ती स्वीकारली असती तर महाविकास आघाडीचे सरकार खूप आधीच पडले असते, असे ते म्हणाले. अनिल देशमुख मनी लाँड्रिंग प्रकरणात 13 महिने तुरुंगात होते आणि आता जामिनावर बाहेर आहेत. अनिल देशमुख यांना नोव्हेंबर 2021 मध्ये अटक करण्यात आली होती आणि गेल्या वर्षी 28 डिसेंबर रोजी त्यांची जामिनावर सुटका करण्यात आली होती.Former Home Minister Anil Deshmukh’s Shocking Claim The Offer Was Given While In Jail, If He Had Accepted It, The MVA Government Would Have Collapsed Much Earlier
अनिल देशमुख यांनी वर्धा येथील सेवाग्राम येथे नदी व वनसंवर्धन क्षेत्रात काम करणाऱ्या अशासकीय संस्थांच्या (एनजीओ) सामूहिक वनहक्कांच्या राज्यस्तरीय अधिवेशनाला संबोधित केले. येथे त्यांनी दावा केला की, “मला तुरुंगात एक ऑफर आली होती, जी मी नाकारली. जर मी तडजोड केली असती तर महाविकास आघाडीचे सरकार अडीच वर्षांपूर्वीच पडले असते, पण माझा न्यायावर विश्वास आहे. म्हणून मी सुटका होण्याची वाट पाहत होतो.”
‘तपास यंत्रणा पुरावे सादर करण्यात अपयशी’
यापूर्वी शनिवारी (11 फेब्रुवारी) अनिल देशमुख म्हणाले की, माझ्यावर 100 कोटी रुपयांचा (मनी लाँड्रिंग) आरोप आहे, मात्र आरोपपत्रात ही रक्कम 1.71 कोटी रुपये असल्याचे नमूद करण्यात आले आहे. ते म्हणाले, “तपास यंत्रणा 1.71 कोटी रुपयांचेही पुरावे सादर करण्यात अपयशी ठरली.”
‘या प्रकरणात योग्यता नसल्याचे उच्च न्यायालयाच्या निदर्शनास आले’
अनिल देशमुख यांनी दावा केला की, सीबीआय आणि अंमलबजावणी संचालनालयाने (ईडी) नोंदवलेल्या खटल्यांमध्ये काहीही तथ्य नसल्याचे उच्च न्यायालयाला आढळून आले. ते म्हणाले की, मुंबईचे माजी पोलीस आयुक्त परमबीर सिंग यांनीही देशमुख यांच्यावर भ्रष्टाचाराचे आरोप केले होते, मात्र ते आरोपांच्या चौकशीसाठी स्थापन केलेल्या चांदीवाल आयोगासमोर हजर झाले नाहीत.
Former Home Minister Anil Deshmukh’s Shocking Claim The Offer Was Given While In Jail, If He Had Accepted It, The MVA Government Would Have Collapsed Much Earlier
महत्वाच्या बातम्या
- दिल्ली-मुंबई एक्स्प्रेस वेचे उद्घाटन : मोदी म्हणाले- सीमेवर रस्ता बांधायला घाबरायची काँग्रेस, त्यांना सैनिकांच्या शौर्यावर संशय होता
- बिग बॉस 16चा किताब पुण्याचा रॅपर एमसी स्टॅनला : शिव ठाकरे रनरअप, सलमानसाठी प्रियांका चौधरी राहिली खरी विनर
- पैसा नाही कमी पडणार!; बंजारा समाजासाठी शिंदे – फडणवीस सरकारचा 593 कोटींचा विकास आराखडा!!