Thane land slide : ठाणे परिसरात दरड कोसळून 5 जणांचा मृत्यू झाला आहे. ठाण्यातील कळवा पूर्व भागात ही दुर्घटना घडली. चर्च रोडवरील घोलाई नगरात असलेल्या दुर्गा चाळीत दरड कोसळली आणि घरावर पडली. यामुळे ढिगाऱ्याखाली दबून गेल्याने 5 जणांचा मृत्यू झाला आहे. Five killed as rock slips in Kalwa area of Thane land slide
वृत्तसंस्था
मुंबई : ठाणे परिसरात दरड कोसळून 5 जणांचा मृत्यू झाला आहे. ठाण्यातील कळवा पूर्व भागात ही दुर्घटना घडली. चर्च रोडवरील घोलाई नगरात असलेल्या दुर्गा चाळीत दरड कोसळली आणि घरावर पडली. यामुळे ढिगाऱ्याखाली दबून गेल्याने 5 जणांचा मृत्यू झाला आहे.
कळवा पोलिस, प्रादेशिक आपत्ती व्यवस्थापन कक्ष (आरडीएमसी), ठाणे आपत्ती प्रतिसाद बल (टीडीआरएफ) आणि अग्निशमन दलाचे पथक घटनास्थळी दाखल झाले आहेत. बचाव कार्यात दोन जणांची सुटका करण्यात आली. जखमींना कळवा येथील छत्रपती शिवाजी महाराज रुग्णालयात उपचारासाठी पाठविण्यात आले आहे.
जखमींवर उपचार सुरू
प्रभु सुदाम यादव (45), विधावती देवी प्रभु यादव (40), रविकिशन यादव (12), सिमरन यादव (10), संध्या यादव (03) अशी मृत्यू झालेल्यांची नावे आहेत. पाचही मृत एकाच कुटुंबातील असल्याचे सांगितले जात आहे. अचल यादव (18) आणि प्रीती यादव (05) अशी उपचार घेत असलेल्या जखमींची नावे आहेत.
ठाण्यातील कळवा पूर्वेतील घोलाई नगराजवळील डोंगराच्या खाली दुर्गा चाळ नावाची वस्ती आहे. गेल्या 48 तासांपासून सुरू असलेल्या पावसामुळे अचानक डोंगरावरून एक मोठी दरड कोसळली. मोठा आवाज आला. लोक घाबरून घराबाहेर पडले. पण तोपर्यंत खूप उशीर झाला होता. दरड एका घरावर कोसळली आणि ढिगाऱ्याखाली 5 जणांचा मृत्यू झाला. यानंतर बचाव पथक येण्यापूर्वी स्थानिक लोकांनी हा ढिगारा हटवायला सुरुवात केली. घटनेची माहिती मिळताच बचाव दल घटनास्थळी दाखल झाले. 2 जखमींना वाचविण्यात आले व कळवा येथील स्थानिक रुग्णालयात सध्या त्यांच्यावर उपचार सुरू आहेत.
Five killed as rock slips in Kalwa area of Thane land slide
महत्त्वाच्या बातम्या
- पाकिस्तानी षडयंत्राचा पर्दाफाश : जिथे भारतीय पत्रकार दानिशची हत्या झाली, तेथे पाकिस्तान आणि तालिबानचे झेंडे एकत्र फडकतात
- पाकिस्तानमध्ये मोठी दुर्घटना : ट्रक-बसच्या धडकेत 30 ठार, 40 हून अधिक जखमी; ईदनिमित्त सर्वजण आपल्या घरी जात होते
- कोरोनाच्या तिसऱ्या लाटेसाठी सरकारने सुरू केली तयारी, जीवनरक्षक औषधांचा एक महिन्याचा स्टॉक करणे सुरू
- WATCH : नवी मुंबईत मुसळधार, खारघरच्या डोंगरात अडकलेल्या 120 जणांचे थरारक रेस्क्यू ऑपरेशन
- कांवड यात्रेवर बंदी आणि बकरीदला सूट हा मुद्दा बनत चालला आहे, सर्वोच्च न्यायालयाने केरळ सरकारला मागितले उत्तर