विशेष प्रतिनिधी
सातारा : सातारा जिल्हा बँक निवडणुकीमध्ये ११ जागा बिनविरोध निवडून आल्या असल्या तरी या बँकेची निवडणूक गाजते आहे ती दोन दिग्गजांच्या पराभवामुळे…!! Defeat not only Shashikant Shinde, but also Minister of State for Home Affairs Shambhuraje Desai in Satara District Bank elections
दस्तुरखुद्द शरद पवार यांनी फोन करून देखील माजी आमदार शशिकांत शिंदे यांना एका मताने पराभूत व्हावे लागले, तर दुसरीकडे महाराष्ट्राचे गृहराज्यमंत्री शिवसेना नेते शंभूराजे देसाई यांना तब्बल 14 मतांनी पराभव स्वीकारावा लागला आहे. जावळी सोसायटी मतदारसंघातून माजी आमदार शशिकांत शिंदे यांचा राष्ट्रवादीचे बंडखोर उमेदवार ज्ञानदेव रांजणे यांनी एका मताने पराभव केला. रांजणे यांना 25 मते मिळाली तर शशिकांत शिंदे यांना 24 मते मिळाली. शिंदे यांच्यासाठी निवडणुकीत स्वतः शरद पवार यांनी लक्ष घालून आमदार शिवेंद्रराजे भोसले आणि आमदार मकरंद पाटील यांना फोन केले होते. तरीही शशिकांत शिंदे यांना पराभव पत्करावा लागला आहे.
पाटण सोसायटी मतदार संघातून सत्यजितसिंह पाटणकर हे विजयी झाले आहेत. त्यांना 58 मते मिळाली, तर गृहराज्यमंत्री शंभूराज देसाई यांना 44 मते मिळाली. शंभुराजेंचा पराभव हा सातारा जिल्हा शिवसेनेसाठी मोठा धक्का मानला जात आहे. सातारा जिल्ह्यात शिवसेनेचा भगवा शंभूराजे देसाई यांनी सुमारे तीन दशके फडकवत ठेवला आहे. जिल्हा बँकेच्या निवडणुकीत त्यांचा पराभव होणे शिवसेनेला राजकीय धक्का असल्याचे मानले जात आहे.
Defeat not only Shashikant Shinde, but also Minister of State for Home Affairs Shambhuraje Desai in Satara District Bank elections
महत्त्वाच्या बातम्या
- ममता बॅनर्जी आज दिल्ली दौऱ्यावर तोफा भाजपवर; पण फोडणार काँग्रेसच; कीर्ति आझाद तृणमूळ काँग्रेसमध्ये येणार
- रामायण स्पेशल ट्रेनमध्ये वेटर्सचा भगवे कपडे घातल्याने वाद, साधू-संतांनी घेतला आक्षेप
- सीबीआय, ईडी, रॉ यांना विनापरवानगी कोणाचीही माहिती घेण्याचा अधिकार, वैयक्तिक माहिती संरक्षण विधेयकावरील अहवाल संसदीय समितीने स्वीकारला, काँग्रेस आणि तृणमूलचा विरोध
- सरन्यायाधीश एन. व्ही.रमणा : लोकशाहीतील सर्वच सत्ताधाऱ्यांनी दिनक्रम सुरु करण्यापूर्वी स्वतःच आत्मपरीक्षण करावं