Padma Award For Late Fr Stan Swamy : भीमा-कोरेगाव हिंसाचारप्रकरणातील आरोपी फादर स्टॅन स्वामी यांचे नुकतेच निधन झाले आहे. त्यांच्या निधनानंतर विविध संघटनांकडून राज्य सरकारचा व तपास यंत्रणांचा निषेध व्यक्त करण्यात येत आहे. नुकतेच मुंबईचे माजी सुपर कॉप ज्युलियो रिबेरो यांनी त्यांना नोबेल शांतता पुऱस्कार मिळण्याची अपेक्षा व्यक्त केली आहे. आता महाविकास आघाडी सरकारमधील मंत्री व काँग्रेस नेते डॉ. नितीन राऊत यांनी दिवंगत फादर स्टेन स्वामी यांना पद्म पुरस्कार मिळावा असे ट्वीट केले आहे. Congress Leader Nitin Raut Demands Padma Award For Late Fr Stan Swamy
विशेष प्रतिनिधी
मुंबई : भीमा-कोरेगाव हिंसाचारप्रकरणातील आरोपी फादर स्टॅन स्वामी यांचे नुकतेच निधन झाले आहे. त्यांच्या निधनानंतर विविध संघटनांकडून राज्य सरकारचा व तपास यंत्रणांचा निषेध व्यक्त करण्यात येत आहे. नुकतेच मुंबईचे माजी सुपर कॉप ज्युलियो रिबेरो यांनी त्यांना नोबेल शांतता पुऱस्कार मिळण्याची अपेक्षा व्यक्त केली आहे. आता महाविकास आघाडी सरकारमधील मंत्री व काँग्रेस नेते डॉ. नितीन राऊत यांनी दिवंगत फादर स्टेन स्वामी यांना पद्म पुरस्कार मिळावा असे ट्वीट केले आहे.
5 जुलै रोजी रुग्णालयात स्वामींचे निधन
मुंबई उच्च न्यायालयाच्या आदेशानुसार, 84 वर्षीय स्टेन स्वामी यांना 30 मे रोजी मुंबईतील होली फॅमिली हॉस्पिटलमध्ये दाखल करण्यात आले. प्रदीर्घ उपचारानंतरही त्यांच्या प्रकृतीत काहीही सुधारणा झाली नाही, त्यानंतर सोमवारी, 5 जुलै 2021 रोजी त्यांचे निधन झाले.
बर्‍याच दिवसांपासून आजारी असलेल्या फादर स्टॅन स्वामी यांना रविवारीच व्हेंटिलेटरच्या आधारावर ठेवण्यात आले होते. शनिवारीच स्टेन स्वामी यांची तब्येत खालावत चालल्याची माहिती वकिलांनी मुंबई उच्च न्यायालयाला दिली होती.
भीमा कोरेगाव हिंसाचारप्रकरणी गतवर्षी अटक
फादर स्टॅन स्वामी यांना ऑक्टोबर 2020 मध्ये राष्ट्रीय तपास संस्थेने (एनआयए) अटक केली होती, तेव्हापासून त्यांना तळोजा जेल रुग्णालयात ठेवण्यात आले होते. 31 डिसेंबर, 2017 रोजी पुण्यातील एल्गार परिषद कार्यक्रमात केलेल्या भाषणांच्या आधारे स्टेन स्वामींविरोधात गुन्हा दाखल करण्यात आला.
या कार्यक्रमाच्या दुसर्‍याच दिवसानंतर भीमा-कोरेगाव येथे भीषण हिंसाचार झाला, ज्यामध्ये अनेकांना आपला जीव गमवावा लागला आणि मोठा गदारोळ उडाला होता. या संपूर्ण कटात माओवाद्यांचाच सहभाग असल्याचे पुणे पोलिसांनी या प्रकरणात उघड केले होते. यासंदर्भात स्टॅन स्वामी यांना ताब्यात घेण्यात आले होते.
Congress Leader Nitin Raut Demands Padma Award For Late Fr Stan Swamy
महत्त्वाच्या बातम्या
- Patanjali Research Trust : बाबा रामदेवांच्या पतंजली रिसर्च फाउंडेशनला दान दिल्यास टॅक्समध्ये मिळेल पाच वर्षांसाठी सूट
- गोव्यातही 300 युनिट मोफत वीज देणार केजरीवाल, सत्ता आल्यास जुने वीजबिल माफ करण्याचे आश्वासन
- Maha Electric Vehicle Policy : महाराष्ट्रात विद्युत वाहन धोरण जाहीर, काय आहेत तरतुदी, वाचा सविस्तर
- शरद पवारांना राष्ट्रपती बनविण्यासाठी प्रशांत किशोरांकडून विरोधकांची जमवाजमव, राहुल गांधींशी बैठकीनंतर चर्चांनी धरला जोर
- फादर स्टेन स्वामींना नोबेल मिळावा, त्यांच्या राज्य प्रायोजित मृत्यूची सुप्रीम कोर्टाने दखल घ्यावी – ज्युलियो रिबेरो