• Download App
    कोरोनाच्या ओमिक्रॉन व्हेरिएंटवर महाराष्ट्र सतर्क, आरोग्यमंत्री टोपे म्हणाले- पुढच्या एक-दोन दिवसांत येतील नवीन गाइडलाइन्स! । Concern increased regarding Omicron variant of Corona! Health Minister Rajesh Tope said - will issue new guidelines in the next day or two

    कोरोनाच्या ओमिक्रॉन व्हेरिएंटवर महाराष्ट्र सतर्क, आरोग्यमंत्री टोपे म्हणाले- पुढच्या एक-दोन दिवसांत येतील नवीन गाइडलाइन्स!

    Omicron variant : महाराष्ट्राचे आरोग्य मंत्री राजेश टोपे यांनी गुरुवारी सांगितले की, कोरोनाच्या ‘ओमिक्रॉन’ व्हेरिएंटच्या वाढत्या धोक्याच्या पार्श्वभूमीवर राज्य सरकार पुढच्या एक-दोन दिवसांत सुधारित मार्गदर्शक तत्त्वे जारी करेल. केंद्र सरकारने कालच जारी केलेल्या SOP नुसार राज्यांना पावले उचलण्याचे निर्देश दिले आहेत. Concern increased regarding Omicron variant of Corona! Health Minister Rajesh Tope said – will issue new guidelines in the next day or two 


    प्रतिनिधी

    मुंबई : महाराष्ट्राचे आरोग्य मंत्री राजेश टोपे यांनी गुरुवारी सांगितले की, कोरोनाच्या ‘ओमिक्रॉन’ व्हेरिएंटच्या वाढत्या धोक्याच्या पार्श्वभूमीवर राज्य सरकार पुढच्या एक-दोन दिवसांत सुधारित मार्गदर्शक तत्त्वे जारी करेल. केंद्र सरकारने कालच जारी केलेल्या SOP नुसार राज्यांना पावले उचलण्याचे निर्देश दिले आहेत.

    दरम्यान, महाराष्ट्र सरकारने ‘जोखमीच्या’ देशांतून राज्यात येणाऱ्या प्रवाशांसाठी 7 दिवस होम क्वारंटाईन अनिवार्य केले आहे. अशा परिस्थितीत प्रवाशांच्या आगमनाच्या दुसऱ्या, चौथ्या आणि सातव्या दिवशीही आरटीपीसीआर चाचणी केली जाईल. जर ती व्यक्ती कोविड-19 ग्रस्त असल्याचे आढळून आले तर त्याला रुग्णालयात दाखल केले जाईल. याशिवाय, पॉझिटिव्ह टेस्ट आल्यास प्रवाशांना ७ दिवस होम क्वारंटाईनमध्ये राहावे लागेल.

    चैत्यभूमीला जास्तीत जास्त ऑनलाइन भेट द्या, महापौर पेडणेकरांचे आवाहन

    सहा डिसेंबर रोजी भारतीय संविधानाचे शिल्पकार भारतरत्न डॉ. बाबासाहेब आंबेडकर यांचा महापरिनिर्वाण दिन आहे. यानिमित्त देशभरातून लोक चैत्यभूमीवर येत असतात. तथापि, कोरोनाच्या नव्या धोक्यामुळे मुंबईच्या महापौर किशोरी पेडणेकर यांनी म्हटले की, कोरोनाच्या नवीन प्रकाराचा धोका लक्षात घेता जास्तीत जास्त लोकांनी ऑनलाईन भेट द्यावी असे आमचे आवाहन आहे. चैत्यभूमीवर येणाऱ्या लोकांना कोणत्याही प्रकारचे बंधन नाहीत, असेही त्या म्हणाल्या.

    बीएमसीने बुधवारी सर्व देशांतर्गत प्रवाशांना विमानतळावर उतरल्यावर RTPCR चाचणी अहवाल 72 तासांपेक्षा जास्त जुने नसावेत, असे सांगितले आहे. यापूर्वी 6 प्रवाशांना कोरोनाची लागण झाल्याचे समोर आले आहे. आरोग्यमंत्री टोपे यांनी गुरुवारी सांगितले की, राज्य प्रशासन देशांतर्गत आणि आंतरराष्ट्रीय हवाई प्रवासासाठी मार्गदर्शक तत्त्वांचा नवीन मसुदा तयार करत असल्याने कठोर मार्गदर्शक तत्त्वे पुढे ढकलण्यात आली आहेत. अशा परिस्थितीत येत्या काही दिवसांत मार्गदर्शक तत्त्वांचे नवे स्वरूप समोर येईल. केवळ देशांतर्गत हवाई प्रवाशांसाठी मार्गदर्शक तत्त्वे बदलली जातील. आंतरराष्ट्रीय हवाई प्रवाशांना केंद्रीय आरोग्य मंत्रालयाच्या मार्गदर्शक सूचनांचे काटेकोर पालन करावे लागेल. यामध्ये कोणताही बदल होणार नाही.

    Concern increased regarding Omicron variant of Corona! Health Minister Rajesh Tope said – will issue new guidelines in the next day or two

    महत्त्वाच्या बातम्या

    Related posts

    Ram temple : अयोध्येतील राम मंदिराचे शिखर सोन्याने झळकले; राम दरबाराची प्राणप्रतिष्ठा 5 जून रोजी

    Dombivli rape : 15 वर्षाच्या मुलीला वेश्या व्यवसायात ढकलले, डोंबिवलीतले धक्कादायक प्रकरण उघड; राष्ट्रीय महिला आयोगाने घेतली दखल!!

    Rahul Gandhi and Jairam Ramesh : राहुल गांधी + जयराम रमेश यांना संघाचे दिसले “कुसळ”; पण दिसले नाही काँग्रेसच्याच आशीर्वादाने कम्युनिस्टांनी सरकारी संस्थांमध्ये घुसवलेले “मुसळ”!!