प्रतिनिधी
पुणे : काश्मीरमध्ये दहशतवाद्यांशी लढताना शहीद झालेल्या जवानाचा मुलगा विश्वजीत मोरे याला शिक्षणासाठी सहाय्य मिळावे यासाठी राज्याचे मंत्री आणि भाजपचे माजी प्रदेशाध्यक्ष चंद्रकांतदादा पाटील यांनी व्यक्तीशः प्रयत्न केले. या प्रयत्नांना यश मिळाले असून एमआयटी शिक्षण संस्थेने 5 वर्षांसाठी 50 % शुल्क माफ केले आहे. Chandrakantada + MIT help the son of a martyred soldier in Kashmir for education!
श्रीमती दिपाली मोरे यांचे पती विजय मोरे यांना २००४ साली काश्मीरमध्ये दहशतवाद्यांसोबत झालेल्या चकमकीत वीरमरण आले होते. त्यावेळी श्रीमती दिपाली मोरे या गर्भवती होत्या. मुलाच्या जन्मापूर्वीच पतीला वीरमरण आल्याने श्रीमती दिपाली मोरे यांच्यावर मोठे संकट कोसळले होते. त्यातच जन्मतः मुलाचे हृदय कमकुवत असल्याने श्रीमती मोरे यांना विश्वजीतची काळजी घ्यावी लागत होती. वैद्यकीय उपचारांवर प्रचंड खर्च करावा लागत होता.
सुदैवाने श्रीमती मोरे यांच्या प्रयत्नांना यश आले आणि विश्वजीत हृदयाच्या आजारातून बरा झाल्याचे डॉक्टरांनी सर्व चाचण्यांअंती सांगितले. यानंतर विश्वजीतनेही गरुडझेप घेत आपली शैक्षणिक गुणवत्ता सिद्ध केली. इयत्ता दहावी आणि बारावीच्या परीक्षेत उत्तुंग भरारी घेऊन यश मिळवले. तसेच एमआयटी सारख्या नामांकित संस्थेत आर्किटेक्टचे शिक्षण घेण्यासाठी पात्रता परीक्षेतही घवघवीत यश संपादन केले.
मात्र, घरची आर्थिक परिस्थिती हलाखीची असल्याने श्रीमती दिपाली मोरे यांच्यासमोर मोठा प्रश्न निर्माण झाला होता. तेव्हा यासंदर्भात त्यांनी माझ्याशी संपर्क साधला. या वीरपुत्राच्या शिक्षणात कोणताही अडथळा येऊ नये यासाठी एमआयटीचे डॉ. मंगेश कराड यांच्याशी संपर्क साधून मदत करण्याची सूचना चंद्रकांत दादांनी त्यांना केली.
यानंतर डॉ. मंगेश कराड यांनी सर्व माहिती घेऊन आणि सामाजिक बांधिलकी राखून विश्वजीत मोरेच्या शिक्षणासाठी मदतीचा हात पुढे केला. त्याला एमआयटीमधून उत्तम दर्जाचे शिक्षण घेता यावे, यासाठी 5 वर्षांचे 50 % शुल्क माफ केले.
एमआयटीने दाखवलेल्या संवेदनशीलतेबाबत चंद्रकांतदादांनी डॉ. मंगेश कराड यांचा विशेष सत्कार केला. यावेळी एमआयटीचे राहुल कराड, श्रीमती दिपाली मोरे, विश्वजीत मोरे हे उपस्थित होते.
Chandrakantada + MIT help the son of a martyred soldier in Kashmir for education!
महत्वाच्या बातम्या
- आता कारमध्ये सर्वांना सीटबेल्ट लावावा लागणार, सायरस मिस्त्रींच्या निधनानंतर नितीन गडकरींचा निर्णय, अन्यथा लागेल दंड
- नितीश कुमारांचे मिशन 2024 : दिल्लीत 5 विरोधी नेत्यांची भेट, 13 जणांना एकत्र आणून 500 जागांवर भाजपला आव्हान देण्याचे लक्ष्य
- समान नागरी कायदा अंमलबजावणीची व्यवहार्यता तपासून उत्तर द्या; सुप्रीम कोर्टाचे केंद्राला आदेश
- अर्शदीपला खलिस्तानी संबोधणे : “प्रोजेक्ट केरोसीन”ने भारतात देशाची आग फैलावण्याचे पाकिस्तानी कारस्थान!!