‘बुल्ली बाय अॅप’ प्रकरणात अटक करण्यात आलेला पहिला आरोपी विशाल कुमार झा याला कोरोनाची लागण झाली आहे. विशालची कोविड चाचणी झाली. ज्यात त्यांचा रिपोर्ट पॉझिटिव्ह आला आहे. त्यानंतर त्यांना क्वारंटाइन सेंटरमध्ये दाखल करण्यात आले आहे. बंगळुरू येथून अटक करण्यात आलेला आरोपी विशाल कुमार झा याला कोरोना व्हायरसची लागण झाल्याचे कळल्यानंतर त्याला २४ जानेवारीपर्यंत न्यायालयीन कोठडी सुनावण्यात आली आहे. Bully Bai App Case Police remand of two accused extended till January 14, first accused arrested from Bangalore corona positive
वृत्तसंस्था
मुंबई : ‘बुल्ली बाय अॅप’ प्रकरणात अटक करण्यात आलेला पहिला आरोपी विशाल कुमार झा याला कोरोनाची लागण झाली आहे. विशालची कोविड चाचणी झाली. ज्यात त्यांचा रिपोर्ट पॉझिटिव्ह आला आहे. त्यानंतर त्यांना क्वारंटाइन सेंटरमध्ये दाखल करण्यात आले आहे. बंगळुरू येथून अटक करण्यात आलेला आरोपी विशाल कुमार झा याला कोरोना व्हायरसची लागण झाल्याचे कळल्यानंतर त्याला २४ जानेवारीपर्यंत न्यायालयीन कोठडी सुनावण्यात आली आहे. याचबरोबर, मुंबई न्यायालयाने सोमवारी बुली बाय अॅप प्रकरणात उत्तराखंडमधून अटक करण्यात आलेल्या आरोपी श्वेता सिंग आणि मयंक रावल यांच्या पोलीस कोठडीत १४ जानेवारीपर्यंत वाढ केली आहे.
पोलिसांनी सोमवारी श्वेता सिंग आणि मयंक रावल यांच्या पोलिस कोठडीत वाढ करण्याची विनंती करत वांद्र्याच्या महानगर दंडाधिकार्‍यांना सांगितले की, प्रकरण अद्याप गंभीर वळणावर आहे त्यामुळे आरोपींची चौकशी करणे आवश्यक आहे. श्वेता आणि मयंक यांना मुंबई पोलिसांच्या सायबर सेलने ५ जानेवारीला उत्तराखंडमधून अटक केली होती, तर विशाल कुमार झा याला ४ जानेवारीला बंगळुरूमधून अटक करण्यात आली होती.
नीरज बिश्नोईने तयार केले अॅप
पोलिसांनी यापूर्वी दावा केला होता की, श्वेता सिंग या प्रकरणातील मुख्य आरोपी असून तिने अॅपसाठी ट्विटर हँडल तयार केले होते. याप्रकरणी गुन्हा दाखल केल्यानंतर दिल्ली पोलिसांच्या विशेष शाखेने नीरज बिश्नोईला 6 जानेवारी रोजी आसाममधून अटक केली होती. पोलिसांनी दिलेल्या माहितीनुसार, हे अॅप नीरज बिश्नोई यांनी विकसित केले आहे.
याप्रकरणी एका तक्रारदाराने मुंबई पोलिसांकडे तक्रार केली आहे की, आपल्याला धमकीचे फोन येत आहेत. त्यानंतर पोलिसांनी अज्ञात व्यक्तीविरुद्ध गुन्हा दाखल केला आहे. एका अधिकाऱ्याने सोमवारी ही माहिती दिली. वांद्रे कुर्ला कॉम्प्लेक्समधील सायबर पोलिस स्टेशनच्या अधिकाऱ्याने सांगितले की, तक्रारदाराने पोलिसांना सांगितले की कॉलरने धमकावले आणि त्यांची नावे का उघड केली आणि गुन्हा दाखल का केला असे विचारले.
अधिकाऱ्याने सांगितले की, शनिवारी अज्ञात व्यक्तीविरुद्ध गुन्हा दाखल करण्यात आला आहे. ते म्हणाले की, एफआयआर नोंदवण्यात आलेला नाही आणि तपास सुरू आहे. त्याचवेळी तक्रारदाराचा नंबर अज्ञात व्यक्तींकडे गेल्याचा तपास पोलिसांनी सुरू केला आहे.
Bully Bai App Case Police remand of two accused extended till January 14, first accused arrested from Bangalore corona positive
महत्त्वाच्या बातम्या
- मुख्यमंत्री पदाचा पदभार शरद पवार यांना दिलाय का? राम कदम यांनी उपस्थितीत केला सवाल
- MAKE IN INDIA : आत्मनिर्भर भारत-मोदी सरकारचा धडाकेबाज निर्णय ! हजारो कोटींचे आयात प्रकल्प रद्द -भारतीय कंपन्यांना कंत्राट-उद्या संरक्षण अधिग्रहण परिषद
- कर्ज नाकारल्याने एकाने चक्क बँकच पेटविली; कर्नाटकातील घटना, लाखो रुपयांचे नुकसान